គយចល័តប្រចាំផ្លូវជាតិលេខ៧និងលេខ៨ដែលមានស្នាក់ការក្នុងខេត្តត្បូងឃ្មុំល្បីកោសរូសអ្នករកស៊ីដឹកទំនិញដឹកឈើប្រមូលលុយចែកគ្នាច្រកហោប៉ៅនិងរៀបចំកញ្ចប់ខែជូនមេគយចល័តយ៉ាងត្រជាក់ចិត្ត
ខេត្តត្បូងឃ្មុំ ៖ ក្រុមអ្នករកស៊ីដឹកទំនិញបានធ្វើការរិះគន់យ៉ាងខ្លាំង ទៅលើមន្ត្រីគយ របស់អគ្គនាយកដ្ឋាន ដែលចុះទៅប្រចាំការ នៅតាមផ្លូវជាតិ លេខ៧ និងលេខ៨ មានស្នាក់ការ ក្នុងស្រុកពញាក្រែក ខេត្តត្បូងឃ្មុំ ដោយលើកឡើងថា ទំនិញបានបង់ពន្ធគ្រប់ចំនួនឲ្យគយមាត់ច្រកទៅហើយបែរជាក្រុមគយចល័តរបស់អគ្គនាយកដ្ឋានទាមទារឲ្យបង់លុយដែរតែថា សម្រាប់ថ្លៃបាយ ហើយបញ្ហានេះបានធ្វើឲ្យ ក្រុមអ្នករកស៊ីដឹកទំនិញ ទាំងតូចទាំងធំ បានរអ៊ូរទាំថា ស្ថាប័នគយនៅឡើយប្រតិបត្តិការងារមានសភាពរញ៉ររញ៉ៃទារលុយតាមចិត្ត ហាក់ថ្នាក់ដឹកនាំគយ លោក គុណ ញឹម មិនទាន់ធ្វើកំណែទម្រង់មន្ត្រីគយអ្វីទាល់តែសោះ ។
ក្រុមអ្នករកស៊ីដឹកទំនិញ បានត្អូញត្អែរថា ក្រុមគយចល័ត របស់អគ្គនាយកដ្ឋាន ប្រចាំផ្លូវជាតិលេខ៧ និងលេខ៨ បានកោសរូសទាមទារឲ្យពួកឈ្មួញ បង់លុយក្រៅផ្លូវការគ្មានវិក្កយបត្រអ្វីនោះទេ ដែលគេនិយមហៅ លុយថ្លៃបាយ បើទោះបីជាពួកឈ្មួញ បង់លុយគ្រប់ចំនួន នៃទំនិញនាំចូល ឬបង់ពន្ធ១០០% ក៏ដោយ ហើយបើ មិនបង់លុយឲ្យទេនោះ ក្រុមគយចល័តនោះនឹងរករឿង ខុសនេះខុសនោះ មិនចេះចប់ មិនចេះហើយ និងរើកកាយពិនិត្យ មើលមុខទំនិញ ធ្វើឲ្យរំខានដល់ពេលវេលា ។ ក្រៅពីមុខទំនិញសូម្បីតែក្រុម អ្នករកស៊ីដឹកឈើឆ្លងកាត់ទៅបណ្តាលខេតត្តផ្សេងៗ និងទៅវៀតណាម ក៏ជាប្រភពឆ្នាំងបាយ និងជាប្រមូលប្រាក់ចិញ្ចឹមថ្នាក់លើ របស់ក្រុមគយចល័ត ដែលមានស្នាក់ការ ក្នុងស្រុកពញាក្រែក ខេត្តត្បូងឃ្មុំ នោះដែរ។
មានការកត់សម្គាល់ឃើញថា ក្រុមគយចល័ត របស់អគ្គនាយកដ្ឋាន ប្រចាំផ្លូវជាតិលេខ៧ និងលេខ៨សកម្មភាពទំនិញគេចពន្ធ បង់ពន្ធមិនគ្រប់ និងការរត់ឈើក្នុងស្រុក ទៅវៀតណាមនៅខេត្តត្បូងឃ្មុំ ពួកគេមិនទាន់ បង្ហាញស្នាដៃអ្វី ជាដុំកំភួននោះទេ ក្រៅពីល្បីគាបឲ្យមេឈ្មួញដឹកទំនិញ ដឹកឈើឲ្យបង់លុយតាមការទាមទារ ប្រមូលុយ ចែកគ្នាច្រកហោប៉ៅ រៀបចំកញ្ចប់ប្រាក់ទប់មាត់ថ្នាក់លើ រហូតលោក កើត សុធារ៉ា មេគយចល័ត មិនដែលហ៊ានហើបមាត់ពីរឿងនេះទេបើទោះជាមានការរិះគន់អំពីសកម្មភាពមិនធម្មតាដែលប្រព្រឹត្តឡើងដោយគយចល័តរបស់អគ្គនាយកដ្ឋានប្រចាំផ្លូវជាតិលេខ៧ និងលេខ៨ អសកម្មយ៉ាងណាក៏ដោយ៕
http://ift.tt/1OfsorV
