ម៉ូតូសិស្សសាលា និងរថយន្តបើកខ្វែងទិសក្នុងល្បឿនលឿនដូចគ្នាបុកចំពេញទំហឹងអ្នកជិម៉ូតូខ្ទាតចេញពីថ្នល់ រថយន្តអូសម៉ូតូជាង៥០ម៉ែត្រទើបអស់ល្បឿន
ខេត្តរតនគិរី៖ រថយន្តមេបញ្ជាការកងរាជអាវុធហត្ថស្រុកអណ្តូងមាសបើកបរក្នុងល្បឿនលឿនបានជ្រុលទៅបុកសិស្សសាលាម្នាក់កំពុងជិះម៉ូតូចំពីមុខពេញទំហឹងអូសចំងាយ៥៧ម៉ែត្របណ្តាលឲ្យរងរបួសធ្ងន់បញ្ជូនសង្គោះបន្ទាន់នៅមន្ទីរពេទ្យបង្អែកខេត្តភ្លាមៗ កាលពីវេលាម៉ោង១១និង១៥នាទីថ្ងៃត្រង់ថ្ងៃទី១៥ ខែកុម្ភៈ ឆ្នាំ២១៦ នៅចំណុចផ្លូវបំបែកជាបួនក្បែរស្នងការនគបាលខេត្ត ស្ថិតក្នងភូមិទេសអន្លុង សង្កាត់ឡាបាន សៀក ក្រុងបានលុង។
នគបាលចរាចរណ៍ផ្លូវគោកបានឱ្យដឹងថា ជនរងគ្រោះមានឈ្មោះឡោម ប៊ុន្នី ភេទប្រុស អាយុ១៦ឆ្នាំ ជាសិស្ស សាលាគ្រូយើង ជិះម៉ូតូម៉ាកC១២៥ សេរីឆ្នាំ២០១៥ ពណ៌ខ្មៅ ពាក់ស្លាកលេខរតនគិរី១B-០៩៩១។ ប្រភពបន្តទៀតថាក្មេងសិស្សសាលានោះជិះម៉ូតូចេញ ពីសាលារៀនក្នុងទិសដៅពីលិចទៅកើតក្នុងល្បឿនលឿនមកដល់ចំណុចកើតហេតុខាងលើក៏វ៉ាក់នឹងរថយន្តបើកក្នងល្បឿនលឿនដូចគ្នាក៏បុកពេញទំហឹងតែម្តង។
រថយន្តនោះម៉ាកវីហ្គោ ពណ៌ស្លាបក្អែក ពាក់ស្លាក់លេខខេមរភូមិន្ទ០២.២-២២១១ បើកបរក្នុងទិសដៅពីត្បូងទៅជើងបុកពេញទំហឹងបណ្តាលឲ្យសិស្សជិះម៉ូតូខ្ទាត ចេញពីក្បាលរថយន្តមានពាក់មួកសុវត្ថភាពផងដែរបានរងរបួសធ្ងន់។ ចំណែកម៉ូតូកៀបជាប់នៅក្រោមរថយន្តអូសចំងាយ៥៧ម៉ែត្រចំពីមុខផ្លូវចូលការិយាល័យចរាចរណ៍ នៃស្នងការខេត្តទើបអស់ល្បឿនអ្នកបើកបរបានបើកទ្វារថយន្តរត់គេចខ្លួនបាត់ ហើយពុំបានស្គាល់អត្តសញាណអ្នកបើកបរនោះទេ គ្រាន់តែដឹងថាជារថយន្តរបស់លោកមេបញ្ជាការកងរាជអាវុធហត្ថស្រុកអណ្តូងមាស។
បន្ទាប់ពីកើតហេតុសមត្ថកិច្ចចរាចរណ៍ជើងគោកបានបញ្ជូនអ្នទៅករបួសសង្គ្រោះនៅមន្ទីរពេទ្យបង្អែកខេត្ត និងធ្វើការវាស់វែងយកម៉ូតូ និងរថយន្តមករក្សារទុកនៅការិយាល័យចរាចរណ៍ផ្លវគោកនៃស្នងការនគបាលខេត្តធ្វើកំណត់ហេតុដោះស្រាយតាមពេលក្រោយ៕ លី វណ្ណ:
http://ift.tt/20FCjtc
