ក្មេងស្ទាវពីរក្រុមបើកឆាកប្រយុទ្ធគ្នាយ៉ាងអនាធិបតេយ្យទាំងកណ្តាលអធ្រាត្ររបួស២នាក់
ភ្នំពេញ៖ ស្ទាវទំនើងពីរក្រុម មួយក្រុមមានម៉ូតូ៧គ្រឿង ត្រូវបានក្មេងស្ទាវមួយក្រុមទៀត មានម៉ូតូប្រមាណជា២០គ្រឿង បានបើក ឆាកប្រយុទ្ធគ្នា ទាញដាវសាំម៉ូរៃដេញកាប់(ភាគីម៉ូតូ៧គ្រឿង) បណ្តាលអោយរងរបួស២នាក់។ ហេតុការណ៍ដេញកាប់គ្នានេះ បានកើតឡើងកាលពីវេលាម៉ោង១ និង៥០នាទីរំលងអធ្រាត្រឈានចូលថ្ងៃទី២៨ ខែកុម្ភៈ ឆ្នាំ២០១៦ ស្ថិតតាមបណ្តោយ ផ្លូវ ២៧១ចំណុចទល់មុខនឹងគ្រឹះស្ថានមីក្រូហិរញ្ញវត្ថុប្រាយម៍អឹមអេហ្វ អិលធីឌី តាមបណ្តោយផ្លូវ២៧១ក្នុងសង្កាត់ទំនប់ទឹក ខណ្ឌចំការមន។
តាមប្រភពពីក្រុមកេ្មងរងគ្រោះបានអោយដឹងថា នៅមុនពេលកើតហេតុ ពួកគេជិះម៉ូតូតាមបណ្តោយផ្លូវ២៧១ ទិសដៅពីត្បូងទៅ ជើង លុះមកដល់ចំណុចកើតហេតុម៉ូតូមួយគ្រឿងក្នុងចំណោមម៉ូតូពួកគេបានធ្លាយកង់ពួកគេក៏ឈប់ដើម្បីប៉ះកង់ម៉ូតូ នៅខណៈ ពេលនោះក៏លេចមុខក្រុមជនបង្កមានគ្នាប្រមាណជា៤០នាក់ ម៉ូតូប្រមាណជា២០ប្រដាប់ដោយដាវសាំម៉ូរ៉ៃដេញកាប់ពួកគេ បណ្តាលអោយរងរបួស២នាក់ និងបានកាប់យកស្លាកលេខម៉ូតូអស់ចំនួន២ផងដែរ។
ក្រោយពេលកើតហេតុសមត្ថកិច្ចមូលដ្ឋានបានមកដល់កន្លែងកើតហេតុតែពួកជនបង្កបានជិះម៉ូតូរត់បាត់អស់ទៅហើយ។ ចំណែ កជនរងគ្រោះត្រូវបានមិត្តភ័ក្ររបស់ពួកគេដឹកយកទៅព្យាបាលនៅមន្ទីពេទ្យមិត្តភាពខ្មែរសុវៀត។ ករណីនេះគេសន្និដ្នានថា ជាការស្រាយគំនុំចាស់របស់ក្រុមក្មេងស្ទាវ ដែលទាមទារឲ្យសមត្ថកិច្ចបង្ក្រាបពួកនេះឲ្យដល់ឫសគល់៕
http://ift.tt/1RbXTjW
