រថយន្តធុនធ្ងន់ដឹកស្ពៃក្តោបបោះពួយដល់ផ្លូវបត់កោងបែកកង់មុខហោះទៅចូលផ្ទះជួសជុលម៉ូតូមួយទាំងកណ្តាលយប់របួសធ្ងន់៣នាក់ខូចខាតទ្រព្យសម្បត្តិរាប់ម៉ឺនដុល្លា
ខេត្តកំពង់ឆ្នាំង៖ មនុស្ស៣នាក់បានរងរបួសធ្ងន់ និងផ្ទះជាងជួសជុលម៉ូតូមួយកន្លែងបានរងការ ខូចខាតទាំងស្រុង ដោយសាររថយន្តធុនធំដឹកស្ពៃក្តោបមួយគ្រឿង បើកលឿននៅផ្លូវបត់កោង បែកកង់បុកចូលក្នុងផ្ទះទាំងកណ្តាលយប់។ ហេតុការណ៍បានកើតឡើងនៅម៉ោង១០ និង៤០នា
ទីយប់ថ្ងៃទី៧ ខែកុម្ភៈ ឆ្នាំ២០១៦ នៅចន្លោះគីឡូម៉ែត្រ៩៧ និង៩៨ ស្ថិតនៅក្នុងភូមិខ្វិត ឃុំពង្រ
ស្រុករលាប្អៀរ ខេត្តកំពង់ឆ្នាំង។
សមត្ថកិច្ចនរគរបាលចុះពិនិត្យកន្លែងកើតហេតុបានអោយដឹងថា៖ អ្នករថយន្តបង្ក ពាក់ផ្លាក លេខ កំពង់ឆ្នាំង 3A – 0423 ឈ្មោះ ស្រ៊ន អាយុ៣០ឆ្នាំ នៅខេត្តកំពង់ស្ពឺ ចំណែកព្រូឈ្មោះ ប៊ុន តាន់ អាយុ២០ឆ្នាំ នៅខេត្តកំពត បានរងរបួសធ្ងន់កៀបជាប់ក្នុងកាប៊ីនរថយន្ត ក្រោយពេលកើត ហេតុសមត្ថកិច្ច និងអ្នកស្រុកជួយគាស់យកចេញពីរថយន្តជាង៣ម៉ោងទើប គាស់យកចេញ បានបញ្ជូនយកទៅសង្គ្រោះនៅមន្ទីរពេទ្យខេត្តកំពង់ឆ្នាំង។
សមត្ថកិច្ចបានបញ្ជាក់អោយដឹងថា៖ ពួកគេទាំង២នាក់បានមករស់នៅស៊ីឈ្នួលបើកបររថយន្ត អោយថៅកែម៉ាស៊ីនកិនស្រូវម្នាក់ឈ្មោះ សេង នៅភូមិចំការតាម៉ៅ ឃុំស្រែថ្មី ស្រុករលា ប្អៀរ ហើយនៅក្នុងហេតុការណ៍នេះ គឺពួកគេបានបើករថយន្តដឹកស្ពៃក្តោបពេញប្រៀប ក្នុងទិសដៅ ពីលិចទៅកើត ដល់ផ្លូវបត់កោងបានបែកកង់មុខខាងស្តាំហើយរេចង្កូតជាង៩០ម៉ែត្រ ទើបមក បុកចូលក្នុងផ្ទះជួសជុលខាងលើនេះ ហើយរថយន្តក្រឡាប់បះជើងចាក់ចោលស្ពៃក្តោប ពេញ ផ្ទះជនរងគ្រោះ។
ដោយឡែកបុរសម្ចាស់ផ្ទះជាជាងជួសជុលម៉ូតូមានឈ្មោះ កែវ ចន្តា អាយុ៤៣ឆ្នាំ រស់ នៅក្នុងភូមិឃុំលើតហេតុខាងលើ នៅក្នុងហេតុការណ៍នេះ កូនប្រុសគាត់ឈ្នោះ លន់ ឆៃហ៊ាន អាយុ២១ឆ្នាំ កំពុងដេកលក់ត្រូវបានរថយន្តបុកធ្លាយពីជញ្ជាំងផ្ទះខាងមុខធ្លាយផ្ទប់ទៅ និង ជញ្ជាំងផ្ទះថ្មខាងរងរបួសធ្ងន់។ ចំណែកទ្រព្យសម្បត្តិក្នុងផ្ទះមាន ម៉ាស៊ីនក្រឡឹង៣គ្រឿងមាន តម្លៃជា១ម៉ឺនដុល្លា ម៉ូតូ៥គ្រឿង គ្រឿងបន្លាស់ម៉ូតូមួយចំនួនទៀត ព្រមទាំងតាកផ្ទះមួយខ្នង នេះត្រូវខូតខាតទាំងស្រុងមួយចំហៀង និងផ្ទះធំត្រូវបែកបាក់ជញ្ជាំងថ្ម ទ្វារដែក និងរលំសសរ មួយចំនួនទៀត គឺត្រូវរើរុះធ្វើថ្មីឡើងវិញទើបអាចរស់នៅបាន ។ករណីនេះភាគីរថយន្តបង្កអាច ប្រឈមនិងការសងភាគីរងគ្រោះច្រើនម៉ឺនដុល្លា។
គួរបញ្ជាក់ថា៖ ចំណុចផ្លូវបំបែកជា៣ចូលព្រលានយន្តហោះ និងជាផ្លូវបត់កោងរ លោង ល្អនេះ រថយន្តដែលបើកបរលឿនៗ ធ្លាប់បានបើកបុកចូលផ្ទះប្រជាពលរដ្ឋម្តុំ នេះចំនួន៣ដង រួចមកហើយ បញ្ហានេះអ្នកបើបបរទាំងអស់គួរតែប្រុងប្រយ័ត្នអោយបានខ្ពស់ទើបមានសុវត្តិភាព៕ រិទ្ធិ ជ័យ
http://ift.tt/1onVo7i
