បុរសប្រមឹកសំលៀងពូថៅទុក ហើយចាក់សោរប្រពន្ធកូនក្នុងផ្ទះគម្រាមសម្លាប់ទាំងពូចតែត្រូវប្រពន្ធយកពូថៅនោះកាប់ចំគល់កប្រកាច់ស្លាប់មួយរំពេច
ខេត្តព្រៃវែង៖ ស្ត្រីជាប្រពន្ធបានយកពូថៅដែលប្តីសំលៀងទុកគំរាមកាប់ខ្លួន និងកុនចោល កាប់លើប្តីកំពុងដេកលើគ្រែក្រោមផ្ទះចំគល់កប្រកាច់ស្លាប់ភ្លាមៗ កាលពីវេលាម៉ោង១១ និង០០នាទីយប់ ថ្ងៃទី១៦ ខែមេសា ឆ្នាំ២០១៦ នៅចំណុចផ្ទះរបស់ជនរងគ្រោះស្ថិតក្នុង ភូមិកញ្ចំ ឃុំកញ្ចំ ស្រុកពារាំង ខេត្តព្រៃវែង។ ក្រោយពេលកើតហេតុសមត្ថកិច្ចបានចុះទៅពិនិត្យកន្លែងកើតហេតុ និងបានឃាត់មខ្លួនជនសង្ស័យរួចកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមច្បាប់។
សម្ថកិច្ចបានឲ្យដឹងថា៖ ជនរងគ្រោះជាប្តីមានឈ្មោះ ហឿន ហ៊ន ភេទប្រុស អាយុ៤៧ឆ្នាំ មានស្រុកកំណើត ភូមិខ្យា ឃុំបារាយណ៍ ស្រុកស្រីសន្ធ ខេត្តកំពង់ចាម មានមុខរបរមិនពិតប្រាកដ ហើយតែងតែផឹកស្រាស្រវឹង រករឿងវាយដំធ្វើបាបប្រពន្ធកូនស្ទើរតែរាល់ថ្ងៃមិនដែលស្រាកស្រាន្ត។ ចំណែកស្ត្រីជនសង្ស័យជាប្រពន្ធមានឈ្មោះ យួន សុភា ភេទស្រី អាយុ ៤២ឆ្នាំ រស់នៅភូមិឃុំកើតហេតុ និងមានកូនក្នុងបន្ទុក២នាក់ ទី១ឈ្មោះ ឌុច សុភារ៉ា ភេទស្រី អាយុ១៨ឆ្នាំនៅរៀន
ទី២ឈ្មោះ ឌុច ភីដូល ភេទប្រុសអាយុ១៥ឆ្នាំនៅរៀន។ពួកគេបានគ្នាជាប្តីប្រពន្ធរយៈពេល២០ឆ្នាំហើយ មកហើយ។
ស្ដ្រីជាជនសង្ស័យកាប់សម្លាប់ប្តីបាននិយាយប្រាប់សមត្ថកិច្ចឲ្យដឹងថា៖ គាត់ទ្រាំនឹងទង្វើរបស់ប្ដីលែងបានទើបសម្រេច ចិត្តយកពូថៅដែលប្ដីសំលៀងទុកកាប់ប្រពន្ធកូននោះ មកកាប់លើប្តីរបស់ខ្លួនចំគល់កខណៈប្ដីដេកលើគ្រែ បណ្តាលឲ្យ ប្រកាច់ស្លាប់ភ្លាមៗនៅលើគ្រែក្រោមផ្ទះតែម្ដងទៅ។ដោយគិតថា ប្តីនឹងសម្លាប់ខ្លួន និងកូន។ ជនសង្ស័យបានបន្តថា ប្តីរបស់ ខ្លួនតែងតែផឹកស្រាស្រវឹងមកផ្ទះរករឿងវាយដំប្រពន្ធកូនស្ទើរតែរាល់ថ្ងៃ និងធ្លាប់ទាញកាំបិតគប់មុតជើងកូនទៀតផង។ ម្យ៉ាងទៀតនៅយប់កើតហេតុបានចាក់សោផ្ទះមិនឲ្យកូនប្រពន្ធទៅណាហើយគំរៀមថា សម្លាប់ទាំងពូជរួចសម្លាប់ខ្លួន តាមក្រោយ។ ហេតុនេះហើយទើបជនសង្ស័យសម្រេចចិត្តទាញពូថៅកាប់ប្តីមុនបែបនេះទៅ៕
http://ift.tt/20NsH1m
