បុរសម្នាក់យកច្រវ៉ាក់សោចាក់ម៉ូតូចងក សម្លាប់ខ្លួន
ខេត្តកំពង់ឆ្នាំង៖ បុរសម្នាក់គំនិតខ្លីបានយកច្រវាក់សម្រាប់ចាក់សោម៉ូតូមកចងក សម្លាប់ខ្លួន ដោយបានភ្ញាក់ផ្អើលនៅវេលាម៉ោង៧ និង៣០នាទីយប់ថ្ងៃទី០៩ ខែឧសភា ឆ្នាំ២០១៦ នៅក្នុងភូមិអណ្តូងស្នាយ ឃុំអណ្តូងស្នាយ ស្រុករលាប្អៀរ ។ សមត្ថកិច្ចនគរបាលមូលដ្ឋានបានអោយដឹងថា បុរសខាងលើមានឈ្មោះ គង់ ប៊ុនធឿន ហៅ សុខ ពៅ អាយុ៥៧ ឆ្នាំ រស់នៅភូមិឃុំកើតហេតុខាងលើ ។
ស្ត្រីឈ្មោះ ប៊ូ ម៉ឺន ដែលត្រូវជាបងស្រីបុរសធ្វើអត្តឃាត បាននិយាយអោយដឹងថា មុនពេលកើត
ហេតុ គាត់មិនបាននៅផ្ទះទេ ពេលមកវិញស្រាប់ តែឃើញប្អូនប្រុសគាត់ ឈ្មោះ គង់ប៊ុនធឿនហៅសុខពៅបានចងក ស្លាប់បាត់ទៅហើយ ដោយយកច្រវ៉ាក់ សម្រាប់ចាក់សោម៉ូតូ ទៅចងកងនឹងធ្នឹមផ្ទះ ហើយក៍ស្រែកហៅអ្នកជិតខាងមកជួយ និងបានរាយការប្រាបើសមត្ថកិច្ចនគរបាល។ប្រភពដដែលបានបន្តថា មូលហេតុដែលនាំអោយប្អូនគាត់ចងក គឺមកពីមានជម្ងឺសសៃប្រាសាទ កន្លងមកធ្លាប់ព្យាយាមចងកជាច្រើនដងហើយ តែមិនបានសម្រេច ព្រោះគាត់និងអ្នកជិតខាងចេះតែជួយទាន់ពេលវេលា ។
សមត្ថកិច្ចជំនាញបានចុះពិនិត្យសពបុរសខាងលើនៅក្នុងលំនៅដ្ឋាន ហើយសន្និដ្ឋានថា បុរស រូបនេះពិតជាចង កសម្លាប់ខ្លួនឯងពិតប្រាកដមែន ហើយបានប្រគល់សពបុរសរូបនោះ ទៅក្រុម គ្រួសារ ធ្វើបុណ្យតាមប្រពៃណី ៕ រិទ្ធិ ជួយ
http://ift.tt/1qdHAN9
