បើកម៉ូតូវ៉ាជែងចូលចំណែកផ្លូវរថយន្តៗបុករបួសធ្ងន់២នាក់ម្នាក់ដាច់ដៃនិងបាក់ជើងខ្ទេច
ខេត្តកំពង់ឆ្នាំង៖ យុវជន២នាក់បានរងរបួសធ្ងន់ ដោយម្នាក់បានដាច់ដៃម្ខាង និងបាក់ជើង និងម្នាក់ទៀតរបួសធ្ងន់ ក្រោយពីគេទាំង២នាក់បានបើកម៉ូតូក្នុងល្បឿនលឿនវ៉ាជែង ចូលចំណែកផ្លូវរថយន្ដក្នុងទិដៅផ្ទុយគ្នា ហើយបានបុកចំពីចំហៀងរថយន្តពេញទំហឹង។ ហេតុការណ៍គ្រោះថ្នាក់ចរាចរណ៍នេះ បានកើតឡើងនៅវេលាម៉ោង៧ និង១៥នាទីព្រឹកថ្ងៃទី០១ ខែមិថុនា ឆ្នាំ២០១៦ លើកំណាត់ផ្លូវជាតិលេខ៥ចន្លោះបង្គោលគីឡូម៉ែត្រលេខ៤០ និង៤១ត្រង់ចំណុចស្ពានទី៤ ស្ថិតក្នុងភូមិពោធិរិទ្ធីក្រៃ ឃុំស្វាយ ស្រុកសាមគ្គីមានជ័យ ខេត្តកំពង់ឆ្នាំង។
នគរបាលប៉ុស្តិ៍រដ្ឋបាលឃុំស្វាយបានអោយដឹងថា៖ ជនរងគ្រោះទី១មានឈ្មោះ ស៊ីម រ៉ូ ភេទប្រុស អាយុ ២៥ឆ្នាំ ( របួសដាច់ដៃឆ្វេង និងបាក់ជើង ) ជាអ្នកបើកបរម៉ូតូម៉ាកសេ១២៥ ពណ៌ខ្មៅ ពាក់ស្លាកលេខភ្នំ ពេញ1CW4467 និងអ្នកកទី២ជិះពីក្រោយឈ្មោះ ខេង ភេទប្រុស អាយុ២៥ឆ្នាំ របួសធ្ងន់ ដោយគេបើកបរម៉ូតូពីជើងទៅត្បូងបញ្ច្រាស់ទិសគ្នាជាមួយរថយន្តធុនធំម៉ាកហ៊ីយ៉ាន់ដាយពណ៌ស ពាក់ស្លាកលេខភ្នំពេញ3A5241។
នៅមុនពេលកើតហេតុគេឃើញជនរងគ្រោះបើកបរម៉ូតូក្នុងល្បឿនលឿនជិះឌុបគ្នាទំនងជាមានឧបសគ្គ័នៅពីមុខ ក៏បានគេចជ្រុលចង្កូតទៅឆ្វេងចូលចំណែករថយន្តដែលបានបើបរបញ្ច្រាសទិសគ្នា បណ្តាលអោយម៉ូតូគេបុកចូលចំពីហៀងខាងឆ្វេងនៃកងមុខរថយន្ត បណ្តាលអោយរថយន្តកិនម៉ូតូ និងមុស្សម្នាក់ ដាច់ដៃខាងឆ្វេងមួយកំណាត់ និងបាក់ជើងខ្ទេច និងម្នាក់ទៀតក៏រងរបួសធ្ងន់ដូចគ្នាដេកដួលរណូក រណែល នៅនឹងកន្លែងកើតហេតុ ចំណែកម៉ូតូរងការខូចខាតទាំងស្រុង។ ជនរងគ្រោះត្រូវបានគេដឹក បញ្ជូន ទៅសង្គ្រោះនៅមន្ទីរពេទ្យស្រុកឧត្តុង្គ និងអាចបន្តទៅមន្ទីរពេទ្យទីក្រុងភ្នំពេញ។
ក្រោយពេលកើតហេតុអ្នកបើកបររថយន្តធុនធំមិនស្គាល់អត្តសញ្ញាណទេ បានចុះរត់គេចខ្លួនបាត់ ដោយបន្សល់ទុករថយន្ត នៅកន្លែងកើតហេតុ។ ចំពោះម៉ូតូ និងរថយន្តត្រូវបានសមត្ថកិច្ចនាំយកមករក្សាទុកនៅប៉ុស្ដិ៍រដ្ឋបាលឃុំស្វាយ ស្រុកសាមគ្គីមានជ័យ កសាងសំណុំរឿងបញ្ជូនបន្តទៅកាន់ការិយាល័យចរាចរណ៍ផ្លូវគោក នៃស្នងការរដ្ឋាននគរបាលខេត្តចាត់ការបន្តតាមផ្លូវច្បាប់៕ រិទ្ធិ ជ័យ
http://ift.tt/1Ui7Xt4
