យុវជនម្នាក់ត្រូវក្រុមចោរបាញ់ចំពីរគ្រាប់ប្លន់យកម៉ូតូ ខណៈជិះទៅដកលុយពីទូ ATM
ភ្នំពេញ៖ យុវជនម្នាក់ត្រូវក្រុមចោរមានគ្នាពីរនាក់ បានបាញ់ពីរគ្រាប់បណ្តាលឲ្យរងរបួសជាទម្ងន់ដេកដួលក្នុងថ្លុកឈាម ប្លន់យកម៉ូតូ ហុងដាឌ្រឹមសេ១២៥ ពណ៌ខ្មៅ បានសម្រេចដោយសុត្ថិភាព ខណៈដែលជនរងគ្រោះ ជិះម៉ូតូម្នាក់ឯទៅដកលុយពីទូ ATM នៅមុខហាងកាហ្វេ យីហោ ដេលី នៅតាមបណ្តោយផ្លូវ ព្រះសីហនុ កែងនឹងផ្លូវលេខ ១១៣ ក្នុងសង្កាត់បឹងកេងកង២ ខណ្ឌចំការមន កាលពីវេលាម៉ោងប្រមាណ ១និង២០នាទីយប់ឈានចូល ថ្ងៃទី១០ ខែសីហា ឆ្នាំ២០១៦ ។
អ្នកនៅក្បែរកន្លែងកើតហេតុបានឲ្យដឹងថា នៅមុនពេលកើតហេតុ គេបានឃើញជនរងគ្រោះកំពុងជិះម៉ូតូម្នាក់ឯង ម៉ាកហុងដាដឌ្រឹម សេ១២៥ ពណ៌ខ្មៅ ស៊េរី ២០១៦ មិនចាំស្លាកលេខ បានជិះតាមបណ្តោយ ផ្លូវព្រះសីហនុ ក្នុងទិសដៅពីទៅកើតទៅលិច ហើយពេល នោះ ជនរងគ្រោះបានជិះម៉ូតូបត់ឆ្វេង ឡើងទៅចិញ្ចើមផ្លូវ ក្នុងគល់បំណង បើកលុយទូ ATM ដែលនៅទល់មុខហាងកាហ្វេ យីហោ ដេលី គ្រានោះស្រាប់តែនោះលេចមុខជនល្មើស២នាក់ ជិះម៉ូតូ១គ្រឿង មិនស្គាល់ម៉ាកមកឈប់ក្បែរជនរងគ្រោះ ភ្លាមនោះបក្ខពូកជនល្មើសនោះ ក៏ដកកាំភ្លើងខ្លីពីចង្កេះភ្ជង់ជនរងគ្រោះ ដោយជនរងគ្រោះឃើញបែបនេះក៏ព្យាយាមប្រទាញប្រទង់ជាមួយជនល្មើស ហើយជនល្មើសខឹងក៏បាញ់ប្រហារមកលើជនរងគ្រោះចំនួន៣គ្រាប់ បណ្តាលឲ្យត្រូវពីរគ្រាប់ ត្រូវភ្លៅមួយគ្រាប់ខាងស្តាំ និងក្បែរខ្លៀកខាងស្តាំមួយគ្រាប់បណ្តាល ឲ្យរងរបួសធ្ងន់ធ្ងរ។
ប្រភពបន្តថា ក្រោយពីធ្វើសកម្មភាពរួចហើយ ក្រុមចោរបានឡើងជិះម៉ូតូរបស់ជនរងគ្រោះគេចចេញទៅបាត់ដោយសុវត្ថិភាពបំផុត ។ ដោយឡែកមិត្តភក្តិរបស់ជនរងគ្រោះបាននិយាយបន្ថែមថា ពួកគេបានញុំាអីជុំគ្នានៅគ្រោះដោយពេលនោះជនរងគ្រោះបានទាមទារជិះម៉ូតូម្នាក់ឯង មកក្រៅវដើម្បីលុយ ពីទូATM មិនទាន់បាន២០នាទីផង ពួកគេក៏បានទទួលដំណឹងថា ជនរងគ្រោះត្រូវចោរបាញ់ប្លន់យកម៉ូតូបាត់ទៅហើយ ។ ភ្លាមៗសមត្ថកិច្ចបានមកដល់កន្លែងកើតហេតុ ដោយទទួលបានភិនភាគ និងដំណើររឿងខ្លះៗ ពីអ្នកឃើញហេតុផ្ទាល់ភ្នែក ហើយអ្វីដែលសំខាន់ គឺសមត្ថកិច្ចបានដឹងតែ ស្លាកលេខភ្នំពេញ 1656 ប៉ុណ្ណោះ ហើយពេលនេះសមត្ថកិច្ចស្រាវជ្រាវចំពោះករណីនេះ។ បន្ទាប់ពីកើតជនរងគ្រោះ ត្រូវបានរថយន្តសាមុយ ដឹកបញ្ជូនទៅសង្គ្រោះភ្លាមៗ នៅមន្ទីរពេទ្យកាលម៉ែត្រ ៕
http://ift.tt/2aQwPwh
