ក្រុមចោរប្លន់ប្រដាប់អាវុធ៧នាក់ធ្លាប់ប្លន់នៅផ្សារព្រៃខ្មែរនិងប្លន់ផ្ទះវេលុយវីងនៅស្រុកសាមគ្គីមានជ័យត្រូវសមត្ថកិច្ចចាប់ខ្លួន
ខេត្តកំពង់ឆ្នាំង៖ ក្រុមចោរប្លន់ប្រដាប់អាវុធតាមបណ្តាខេត្តកន្លងមក និងធ្លាប់បានប្លន់អ្នកលក់មាសនៅផ្សារព្រៃខ្មែរ នៅឆ្នាំ២០១៤និងប្លន់ផ្ទះអ្នកវេលុយវីង នៅស្រុកសាមគី្គមានជ័យកាលពីយប់ថ្ងៃទី៣១ ខែកក្កដាឆ្នា២០១៦ ត្រូវបានសមត្ថកិច្ចខេត្តកណ្តាលចាប់ខ្លួនបាននៅថ្ងៃទី០៤ ខែសីហា នៅពេលក្រុមនេះរៀបចំធ្វើសកម្មភាពប្លន់ នៅឃុំក្រាំងយ៉ូវ ស្រុកស្អាង និងបានបញ្ជូនពួកគេមកអោយស្នងការនគរបាលខេត្តកំពង់ឆ្នាំងបង្ហាញមុខនៅល្ងាចថ្ងៃទី០៨ ខែសីហា ឆ្នាំ២០១៦ ។
តាមរបាការណ៍សមត្ថកិច្ចបានឲ្យដឹងថា៖ ក្រុមចោរប្លន់ប្រដាប់អាវុធខាងលើនេះមានគ្នា៧នាក់គឺ៖ ១. ឈ្មោះ ធឹម ធា អា យុ៤៨ឆ្នាំ ស្នាក់នៅក្នុងភូមិត្នោតជ្រុំ សង្កាត់បឹងទំពុន ខណ្ឌ័មានជយ័ រាជធានីភ្នំពេញ , ២. ឈ្មោះ ជា ពេជ្យ អាយុ៤១ឆ្នាំ នៅភូមិត្រោ ក ឃុំសំបួរ ស្រុករមាសហែក ខេត្តស្វាយរៀង , ៣.ឈ្មោះ ផ្លុង ឡេន (ហៅជារដ្ឋា) ហៅ(ជាលេខ) អាយុ៤២ឆ្នាំ នៅភូមិក្រប៉ៅ ឃុំក្រប៉ៅ ស្រុកកំចាយមារ ខេត្តព្រៃវែង, ៤.ឈ្មោះ ព្រុំ សារ៉ាត់ អាយុ២១ឆ្នាំ រស់នៅភូមិរបើក ឃុំសម្បត្តិមានជយ័ ស្រុករមាសហែក ខេត្តស្វាយរៀង , ៥ .ឈ្មោះ ប៊ិត តឿ អាយុ៤៥ឆ្នាំ រស់នៅភូមិស្វាយទង ឃុំស្វាយជ្រុំ ស្រុកមេសាង ខេត្តព្រៃវែង , ៦.ឈ្មោះ ទុយ ពៅ ហៅទិត រស់នៅភូមិត្រពាំងវែង ឃុំកូនគ្រៀល ស្រុកសំរោង ខេត្តឧត្តរមានជយ័ , និង៧.ឈ្មោះ ម៉ម ខុន ។
តាមចម្លើយសារភាពរបស់ឈ្មោះ ប៊ិត តឿ និងឈ្មោះ ទុយ ពៅ ព្រមទាំងបក្ខពួករបស់ខ្លួន នៅថ្ងៃទី៣០ ខែកក្កដា ឆ្នាំ២០១៦ បា នរៀបចំផែនការប្លន់ផ្ទះវេលុយវីងនៅម្តុំភូមិរ៉ារទេះភ្លើង ជាប់ព្រុំប្រទលខេត្តកំពង់ស្ពឺ ស្ថិតក្នុងខេត្តកំពង់ឆ្នាំង ដែលពួកគេបានយកអា វុធAKមួយដើម និងអាវុធខ្លី១ដើមលាក់ទុកនៅម្តុំព្រៃខាងកើតព្រែកក្តាម ជិះរថយន្តម៉ាកហាយឡែនឌ័រ ពណ៌ទឹកមាស ពាក់ស្លាកលេ ខភ្នំពេញ 2S.2880 បានធ្វើសកម្មភាពប្លន់ដោយចាប់ម្ចាស់ផ្ទះភ្ជុង គឺឈ្មោះ ព្រុំ សារ៉ាត់ បានយកដែកត្បែងវាយលើម្ចាស់ផ្ទះ បណ្តាលឲ្យដួលសន្លប់ ហើយស្ទុះចូលក្នុងផ្ទះស្រែកគម្រាមអ្នកផ្ទះកុំឲ្យតដៃ បន្ទាប់មកបានរើកកាយយកទ្រព្យសម្បត្តិ និងបានចែកលុយគ្នាបានម្នាក់១លាន ។
ក្រោយមកថ្ងៃទី០៤ ខែសីហា ឆ្នាំ២០១៦ បានជិះរថយន្តទៅក្រាំងយ៉ូវស្រុកស្អាងខេត្តកណ្តាល យកអាវុធមក លាក់ទុកបំរ៉ុងធ្វើ សកម្មភាពប្លន់នៅម្តុំក្រាំងយ៉ូវ ដោយត្រូវសមត្ថកិច្ចបង្ក្រាបចាប់ខ្លួនពួកគេបានទាំងអស់ ខណះដែលឈ្មោះ ប៊ិត តឿ ព្យាយាមរត់គេចខ្លួនត្រូវបានសមត្ថកិច្ចបាញ់របួស និងរឹបអូសយករថយន្ត។នៅក្នុងកាបង្ក្រាបសមត្ថកិច្ចដកហូតបានអាវុធAK១ដើមនិងអាវុធខ្លីK៥៩ពីរដើម គ្រាប់មួយចំនួន ដែកត្បែង១ ញញួ១ ទូរសព្ទ័ដៃ៧គ្រឿង ប្រដាប់កាត់ដែក១ និងសម្ភារមួយចំនួនជាច្រើនផងដែរ ។
សមត្ថកិច្ចបានឲ្យដឹងទៀតថា ក្នុងចំណោមក្រុមចោរប្លន់ទាំង៧នាក់ មាន៣នាក់ឈ្មោះ ធឹម ធា ឈ្មោះ ទុយ ពៅ និងឈ្មោះ ជា ពេជ្យ បានធ្វើសកម្មភាពប្លន់នៅផ្សាព្រៃខ្មែរ ស្រុករលាប្អៀរ ខេត្តកំពង់ឆ្នាំង កាលពីថ្ងៃទី២១ ខែតុលា ឆ្នាំ២០១៤ ដោយបានបាញ់ម្ចអ្នកលក់មាសដូរប្រាក់ស្លាប់ម្នាក់ និងប្អូនស្រីគេម្នាក់ទៀតរងរបួសធ្ងន់ និងប្លន់ផ្ទះអ្នកវេលុយវីងនៅភូមិរ៉ា ឃុំត្បែងខ្ពស់ ស្រុកសាមគ្គីមានជ័យកាលបីយប់ថ្ងៃទី៣១ ខែកក្កដា ឆ្នាំ២០១៧។ ដោយឡែកក្រុមនេះក៏ធ្លាប់បានធ្វើសកម្មភាពប្លន់យ៉ាងកក្រើកដី នៅតាមបណ្តាខេត្តក្រុងមួយចំនួនមាន ខេត្ត ស្ទឹងត្រែង រត្តនគីរី មណ្ឌលគីរី ក្រចេះ ឧត្តរមានជយ័ បាត់តំបង ពោធិសាត់ ព្រៃវែង ត្បូងឃ្មុំ កំពង់ចាម ស្វាយរៀង កំពង់ឆ្នាំង និងខេត្តកណ្តាលផងដែរ ។
លោក ប៉ុល វុទ្ធី ស្នងការងនគរបាលខេត្ត និងជាបរធានការិយាល័យកណ្តាលយុត្តិធម៌ បានឲ្យដឹងថា៖ ក្រោយមានករណីប្លន់នេះភ្លាមលោកបានរាយការទៅការិយាល័យ នគរបាលព្រហ្មទណ្ឌក្រសួងមហាផ្ទៃ ដើម្បីតាមស្រាវជ្រាវមុខសញ្ញានេះលុះដល់ថ្ងៃទី០៤ ខែសីហា ឆ្នាំ២០១៦ សមត្ថកិច្ចខេត្តកណ្តាល និងនគរបាលព្រហ្មទណ្ឌក្រសួងមហាផ្ទៃបានធ្វើការបង្ក្រាបមុខសញ្ញាចោរប្លន់ខាងលើ ដែលមានជាប់ពាក់ពន្ធ័ការប្លន់នៅក្នុងស្រុលសាមគ្គីមានជ័យ ខេត្តកំពង់ឆ្នាំង ២ករណីកន្លងមក។ ក្រុមចោរប្លន់ទាំង៧នាក់រួមនិងវត្ថុតាងត្រូវបានសមត្ថកិច្ចកសាងសំណុំរឿងបញ្ជូនទៅសាលាដំបូងខេត្តចាត់ការបន្តតាមនិតិវិធី៕ រិទ្ធិ ជ័យ
http://ift.tt/2aGyYah
