ចង់ដឹងទេ!!! ពេជ្រ ​សោភា​ មានអារម្មណ៍​បែបណា ពេលសម្ដេច​តេជោ​អំពាវនាវឲ្យពលរដ្ឋរាំបទ “​ឆ្កែ​រត់​បុក​ប៉ោត”​

ខណៈដែលសម្ដេចតេជោ ហ៊ុន សែន នាយករដ្ឋមន្រ្តីកម្ពុជាបញ្ជាក់ថា សម្ដេចចូលរួមរាំបទ ” ឆ្កែរត់បុកប៉ោត” របស់តារាងចម្រៀង ពេជ្រ សោភា នៅអង្គរសង្ក្រាន្ត កាលពីព្រឹកមិញមក អ្នកនាង ពេជ្រ សោភា បានបញ្ចេញអារម្មណ៍សប្បាយចិត្តហួសពីការថ្លែង ដែលមិននឹកស្មានថា សម្តេចនាយករដ្ឋមន្ត្រីចូលចិត្តរាំបទថ្មី វ៉ុលចូលឆ្នាំនេះ ហើយក៏បានប្រកាស់ឲ្យពលរដ្ឋរាំលេងកម្សាន្តផងដែរ។

តារាចម្រៀង ពេជ្រ សោភា បានចេញសារនៅលើហ្វេសប៊ុករបស់ខ្លួនថា “រូបគេពិតសប្បាយចិត្តឥតឧបមា ដែលសម្តេចនាយករដ្ឋមន្ត្រី បានប្រកាសថានឹងទៅរាំងបទថ្មី”ឆ្កែរត់បុកប៉ោត” របស់ខ្លួននៅអង្គរសង្ក្រាន្ត ហើយនេះពិតជាការឲ្យតម្លៃជាខ្លាំងពីសំណាក់សម្តេចតេជោដល់រូបគេ” ។ រហូតនាងបានប្តេជ្ញាថា នឹងតស៊ូប្រឹងប្រែងបន្តទៀតក្នុងការផលិតថ្មីឲ្យបានល្អនិងពីរោះៗ ដើម្បីបម្រើអារម្មណ៍ប្រជាជនខ្មែរបានឲ្យកម្សាន្តសប្បាយរីករាយ។

សារ ពេជ្រ សោភា ក៏បានសរសេរបន្តដែថា “ពិតជារំភើបចិត្តណាស់ នេះជាមហាកិត្តិយសមួយ កុំភ្លេចចូលរាំទាំងអស់គ្នាណា នាងខ្ញុំនឹងខំប្រឹងប្រែងបន្តទៀត ក៏សូមអរគុណដល់បង សិដ្ធ សំរាប់បទភ្លេងនេះខ្មែរ”។

ការប្រកាសរបស់សម្តេចតេជោនេះគឺបានធ្វើឡើងក្នុងពិធីសម្ពោធដាក់ឲ្យប្រើប្រាស់ជាផ្លូវការ“មហាវិថីសម្តេចតេជោហ៊ុនសែន” ដែលមានប្រវែងសរុប ៩,១៦០ម៉ែត្រ មានទទឹងអ៊ុតកៅស៊ូ ៣០ម៉ែត្រ និងមានចិញ្ចើមផ្លូវ ១៥ម៉ែត្រ សងខាងសរុប ៦០ម៉ែត្រ៕

http://ift.tt/eA8V8J