ព្រាប សុវត្តិ ត្រៀមដឹកនាំក្រុមរាំ និងតន្រ្តីករ១៥រូបទៅសម្តែងនៅ ជប៉ុន មិនយកលុយ

មួយរយៈចុងក្រោយនេះសិល្បករ សិល្បការិនីជាច្រើនបានបង្ហាញទឹកចិត្តសប្បុរសចូលរួមជួយច្រៀង ឬសម្តែងក្នុងកម្មវិធីផ្សេងៗដោយមិនយកលុយ ព្រោះចង់ចូលរួមលើកស្ទួយសិល្បៈ និងសង្គមជាតិ។ យ៉ាងណាមិញកំពូលតារាចម្រៀងលោក ព្រាប សុវត្តិ ក៏បានបញ្ជាក់ថ្មីៗនេះថា លោកគ្រោងដឹកនាំក្រុមរាំ និងតន្រ្តីករចំនួន១៥រូបចេញទៅសម្តែងនៅប្រទេសជប៉ុននៅថ្ងៃទី០៣ ដល់ទី០៤ ឧសភា ខាងមុខ ដោយមិនយកថវិកាទាំងស្រុង។

លោក ព្រាប់សុវត្តិ បានបញ្ជាក់បន្ថែមចំពោះមុខអ្នកកាសែតជាតិ និងអន្តរជាតិជាច្រើនថា ការចេញទៅសម្តែងនៅប្រទេសជប៉ុននៅដើមខែក្រោយនេះលោកមិនបានយកថ្លៃឈ្នួលទេ ហើយការដែលលោកលះបង់ទាំងនេះគឺមកពីស្រឡាញ់ និងចង់ចូលរួមជួយដល់សង្គមជាតិខ្មែរ ព្រោះឱកាសដែលលោកទៅចូលរួមសម្តែងនេះ គឺជាកម្មវិធីពិព័រណ៍ពាណិជកម្មកម្ពុជា២០១៧ នៅប្រទេសជប៉ុន ដើម្បីផ្សព្វផ្សាយវប្បធម៌ សិល្បៈ និង ទេសចរណ៍ក្នុងស្រុកឲ្យប្រជាជនជប៉ុនស្គាល់ប្រទេសកម្ពុជាកាន់តែច្បាស់៕

http://ift.tt/2niSqVT