បាត់ពីផ្ទះ២យប់ទើបប្រទះឃើញសពអណ្ទែតទឹក សមត្ថកិច្ចថាលង់ទឹក
ខេត្តកណ្តាល ៖ សពអណ្តែតទឹកត្រូវបានប្រជាពលរដ្ឋបានប្រទះឃើញកាលពីវេលាម៉ោង៩ព្រឹកថ្ងៃទី១៣ ខែកញ្ញា ឆ្នាំ២០១៧ នៅចំណុចចុងព្រែកហម ស្ថិតក្នុងភូមិព្រែកតាមេម ឃុំព្រែកស្តី ស្រុកកោះធំ ខេត្តកណ្តាល ហើយបានរាយការណ៍ជូនសមត្ថកិច្ច ដើម្បីមានវិធានការស្ទាក់ស្រង់ឡើងគោកដើម្បីត្រួតពិនិត្យ និងអំពាវបាវរកសាច់ញាតិ។
សមត្ថកិច្ចបានឲ្យដឹងថា ជនរងគ្រោះឈ្មោះ សេង រតនា ភេទប្រុស អាយុ៣១ឆ្នាំ ជនជាតិខ្មែរ មានទីលំនៅៗ ភូមិ ខ្ពបក្រោម ឃុំខ្ពប ស្រុកស្អាង ខេត្តកណ្តាល ។ ភ្លាមៗនោះ នគរបាលផ្នែកជំនាញ និងប៉ុស្តិ៍នគបាលរដ្ឋបាលព្រែកស្តី រួមជាមួយគ្រូពេទ្យ អាជ្ញាធរមូលដ្ឋាន ចុះទៅពិនិត្យសាកសពឃើញថា ឆ្អឹងជំនីរ នឹង ឆ្អឹងអាវៈយុវៈ ពុំមានស្លាកស្នាមបាក់ឬទ្រុឌអ្វីឡើយ ។ ករណីនេះសមត្ថកិច្ចសន្និដ្ឋានថា ជនរងគ្រោះពុំមានពាក់នឹងករណីផ្សេងឡើយ គឺពិតជាលង់ទឹកស្លាប់ប្រាកដមែន ។
ដោយឡែកតាមការបំភ្លឺពីម្តាយរបស់ជនរងគ្រោះបានឲ្យដឹងថា ជនរងគ្រោះមានជំងឺសរសៃប្រសាទ ហើយនៅថ្ងៃទី១១ ខែកញ្ញា ឆ្នាំ២០១៧ វេលាម៉ោង១១យប់ កូនរបស់គាត់បានបាត់ពីផ្ទះ ។ ក្រោយមកទើបដឹងថា បានជិះលើទូកដរនៅភូមិខ្ពប ឃុំខ្ពប ស្រុកស្អាង ខេត្តកណ្តាល តែបានស្វែងរកដែរមិនឃើញ ។ លុះនៅវេលាម៉ោងកើតហេតុខាងលើ មានគេប្រាប់ ហើយបានប្រទះឃើញសពអណ្តែតទឹកនៅឯចុងព្រែកហម ពិតជាកូនរបស់គាត់៕
http://ift.tt/2jorOkN
