(ព័ត៌មានក្តៅពីខេត្តមណ្ឌលគិរី)៖ វៀតណាមយកឡានសែកាង «រថយន្តកែច្នៃ» ជិត៥០គ្រឿង ចូលតាមច្រកណាំលៀ ដើម្បីចូលដឹកឈើម្តុំប៉ុស្តិ៍៤-៥ ស្រុកពេជ្រាដា ហើយបង្វែរឆ្លងទៅវៀតណាមតាមច្រកប៉ុស្តិ៍៧-ណាំលៀ!
ខេត្តមណ្ឌលគិរី៖ ប្រភពព័ត៌មានសម្ងាត់កាលពីម្សិលមិញថ្ងៃទី២៥ ខែកញ្ញា ឆ្នាំ២០១៧ ឈ្មួញវៀតណាមបាននាំឡានសែកាង (រថយន្តកែច្នៃ) ជិត៥០គ្រឿង ចូលតាម (ច្រកណាំលៀ-ខាងភាគីវៀតណាម) ហើយខាងភាគីកម្ពុជាគេហៅថា៖ ប៉ុស្តិ៧ ដើម្បីចូលដឹកឈើម្តុំប៉ុស្តិ៍៤-៥ ស្រុកពេជ្រាដា ខេត្តមណ្ឌលគិរី បន្ទាប់ពីគម្រោងឈ្មួញវៀតណាមត្រៀមយកម៉ូតូកែច្នៃជិត ៥០០គ្រឿង ចូលដឹក ឈើម្តុំប៉ុស្តិ៍៤-៥ ឆ្លងទៅវៀតណាមតាមច្រក ៧៥១ ត្រូវបែកការណ៍។
ករណីនេះខាងវៀតណាម និងខាងសមត្ថកិច្ចកម្ពុជា ក៏រួមគ្នាកាយលុបផ្លូវ ដែលឈូសឆាយពីទឹកវៀតណាមចូល តាមច្រក៧៥១ឲ្យដូចដើមវិញ ចៀសវាងគម្រោងដឹកបទល្មើសឈើនៅប៉ុស្តិ៤-៥ បែកធ្លាយដល់ថ្នាក់លើ។ហើយគេ ប្តូររូបភាពឲ្យឡានសែកាង (រថយន្តកែច្នៃ) ជិត៥០គ្រឿងចូលតាមច្រកណាំលៀ-ប៉ុស្តិ៧ដើម្បីចូលដឹកឈើម្តុំប៉ុស្តិ៍៤-៥ ស្រុកពេជ្រាដា ពេលកំពុងបែកការណ៍រឿងចេញតាមប៉ុស្តិ៍ខាងលើនេះ។ ករណីនេះរាប់ជាជាអំពើឃុបឃិតទ្រង់ទ្រាយធំជាមួយវៀតណាមរបស់មន្ត្រីដែលក្បត់នឹងរាជរដ្ឋាភិបាល សម្តេចតេជោ ហ៊ុន សែន។
សេចក្តីរាយការណ៍បានចង្អុលបង្ហាញថា លោក សំរិទ្ធ ណយ មេប៉ុស្តិ៍៧ត្រូវបានគេទទួលស្គាល់ថា៖ កំពុងងបំពានច្បាប់ និងបំរាមរបស់រាជរដ្ឋាភិបាលយ៉ាងឃ្លើន អនុញ្ញាតឲ្យមានបទល្មើសឈើឆ្លងកាត់ក្នុងដែនសមត្ថកិច្ចខ្លួនគ្រប់គ្រង ដែលគេសង្ស័យថា អាចមានភ្លើងខៀវពីស្នងការជាមេកើយ ឬអាជ្ញាធរខេត្ត បន្ទាប់ពីលេចឮថា ថ្ងៃទី២៥ ខែកញ្ញា គេយកកញ្ចប់មកបែងចែកឲ្យសមត្ថកិច្ចជាច្រើនស្ថាប័ន និងជំនាញពាក់ព័ន្ធ?
គេបានទម្លាយថា៖ គម្រោងសកម្មភាពឈ្មួញវៀតណាមយកឡានសែកាង (រថយន្តកែច្នៃ) ជិត៥០គ្រឿងចូលតាមច្រកណាំលៀ ដើម្បីចូលដឹកឈើម្តុំប៉ុស្តិ៤-៥ ស្រុកពេជ្រាដា ហើយបង្វែរឆ្លងទៅវៀតណាមតាមប៉ុស្តិ៍៧នេះ គឺមានទ្រង់ទ្រាយធំជាងតំបន់អូរហ៊ុច ស្រុកកែវសីមា ខេត្តមណ្ឌលគិរី ដែលត្រូវបង្ក្រាបទាន់ពេលដោយបទល្មើសជាក់ស្តែងកន្លង ទៅរបស់កម្លាំងកងរាជអាវុធហត្ថលើផ្ទៃប្រទេស ដឹកនាំដោយលោកឧត្តមសេនីយ៍ឯក វង្ស ពិសេន មេបញ្ជាការរង និងជានាយសេនាធិការ លោកឧត្តមសេនីយ៍ឯក ហុង វិណុល មេបញ្ជាការរង កងរាជអាវុធហត្ថលើផ្ទៃប្រទេស ទទួល ជោគជ័យដ៏ធំធេងនោះ។
ក្នុងហេតុការណ៍មន្ត្រីឃុបឃិតជាមួយវៀតណាមបំផ្លាញព្រៃឈើដ៍អាក្រក់នេះ ប្រសិនបើថ្នាក់លើមិនមានវិធានទប់ស្កាត់ទេ សកម្មភាពចូលឡានសែកាង (រថយន្តកែច្នៃ) ជិត៥០គ្រឿង ចូលតាមច្រកណាំលៀ ដើម្បីចូលដឹកឈើម្តុំប៉ុស្តិ៤-៥ ស្រុកពេជ្រាដា ហើយបង្វែរឆ្លងទៅវៀតណាមតាមច្រកប៉ុស្តិ៍៧-ណាំលៀ នឹងធ្វើឡើងដោយរលូន ព្រោះករណីមានការឃុបឃុតគ្នាយ៉ាងប្រទាក់ក្រឡាពីសមត្ថកិច្ចកម្ពុជា និងវៀតណាម៕
http://ift.tt/2jY8ZVE
