សិស្ស​ថ្នាក់​ទី​១១ និង​ជា​អ្នករាំ​របាំ​ត​នរូ​វជន​មិន​ស្គាល់មុខ​ចាប់រំលោភ​រួច​មួ​លក​សម្លាប់​នៅក្នុង​ចំការ​ដំឡូង​

ខេត្តរតនគិរី ៖ ក្មេងស្រី ដ៏ស្រស់ស្អាត ជនជាតិទំពូន ជាអ្នករបាំ និងជាសិស្ស ថ្នាក់ទី១១ រៀននៅ វិទ្យាល័យ សម្តេចឪ សម្តេចម៉ែ ទីរួមក្រុងបានលុង ត្រូវបានជន មិនស្គាល់មុខ ចាប់រំលោភរួច ហើយមួល ក សម្លាប់ នៅក្នុងចម្ការ ដំឡូងមី មួយកន្លែង បង្កការភ្ញាក់ផ្អើល កាលពីវេលាម៉ោង ៨នឹង៣០ នាទី ព្រឹក ថ្ងៃទី២៤ ខែតុលា ឆ្នាំ២០១៧ នៅក្បែរផ្លូវក្រាល ក្រួសក្រហម ប្រហែល ១០ម៉ែត្រ ស្ថិតនៅក្នុងភូមិចាងរ៉ា ឃុំបាតាង ស្រុកលំផាត់ ខេត្តរតនគិរី ។

នៅកន្លែងកើតហេតុសមត្ថកិច្ចបានឲ្យដឹងថា ជនរងគ្រោះមានឈ្មោះ កេល លាភ ភេទស្រី អាយុ១៨ឆ្នាំ ជនជាតិទំពួន រៀនថ្នាក់ទី១១ នៅសាលាវិទ្យាល័យសម្តេចឪ សម្តេចម៉ែ ក្នុងទីរួមក្រុងបានលុង រស់នៅភូមិ ឃុំកើតហេតុខាងលើ។ នៅលើដងខ្លួនសាកសព មើលឃើញមានស្នាមរបួសមួលបំបាក់ក និងស្នាមរយះក្បាល និងបែកជង្គុងទាំងសងខាង និងប្រដាប់ភេទរបួសយ៉ាងដំណំ។ ហើយតាមការប៉ាន់ស្មានថាមុនពេលសម្លាប់ គឺជនល្មើសបានច្របាច់ក រួចមួលកបន្ថែម ហើយជនសង្ស័យមិនមែនម្នាក់ឯងនោះទេ ចាប់ពីរពីរនាក់ឡើងទៅ។

សមត្ថកិច្ចបានឲ្យដឹងទៀតថា ឪពុកម្តាយជនរងគ្រោះ ដែលមានឈ្មោះ ខាំ ឡាកេល អាយុ៥២ឆ្នាំ ជាឪពុក និងម្តាយមានឈ្មោះ តក់ ដូច អាយុ៥០ឆ្នាំ បានរៀបរាប់ថា កូនគាត់ស្លាប់ជាកូនទី៦ «កូនពៅ» នៅថ្ងៃអាទិត្យទី២២ ខែតុលា ឆ្នាំ២០១៧ វេលាម៉ោង៩ព្រឹក កូនស្រីរបស់គាត់បានសុំឪពុកម្តាយមកទីរួមខេត្តរតនគិរី ជិះម៉ូតូម៉ាកសង់ C125 ស៊េរី ២០១៤ ពណ៌ខ្មៅ ពាក់ស្លាកលេខ រតនគិរី 1C-4009 ជិះម្នាក់ឯង ដោយប្រាប់ឪពុកម្តាយថា មកកម្មវិធីនៅភោជនីយ ដ្ឋានរតនលីនា ទល់មុខសាលាវិទ្យាល័យសម្តេចឪ សម្តេចម៉ែ ដើម្បីមករាំរបាំប្រពៃណីជនជាតិទំពួន ឲ្យអង្គការមីឌីវ័ន្ត។

នាថ្ងៃអាទិត្យនោះដែរ ដល់ម៉ោង៧យប់ឪពុកម្តាយបានទូរស័ព្ទទៅរកកូនជាច្រើនដងតែគ្មានអ្នកទទួលទើបនៅថ្ងៃទី២៤ ខែតុលា ឆ្នាំ២០១៧ វេលាម៉ោង៨ព្រឹក ម្ចាស់ចម្ការឈ្មោះ សួង សុខលី ឃើញម៉ូតូជនរងគ្រោះឃ្លាតពីសាក សព២០ម៉ែត្រ ហើយដើរទៅមុខឃើញសពនារីរងគ្រោះ និងមានការភ្ញាក់ផ្អើរដល់ក្រុមគ្រួសារ និងសមត្ថកិច្ច។

ប្រភពមិត្តរួមថ្នាក់ឈ្មោះ ថង សៃ ភេទស្រី អាយុ២០ឆ្នាំ មុខរបរ សិស្សរៀនជាមួយគ្នា និងធ្វើការអង្គការមីឌីវ័ន្តបានឲ្យដឹងថា នៅថ្ងៃអាទិត្យទី២២ ខែតុលា ឆ្នាំ២០១៧ វេលាម៉ោង១១ ថ្ងៃត្រង់ អង្គការខាងលើបានរៀបចំកម្មវិធីមួយ ដែលមានឈ្មោះធម្មជាតិរបស់អ្នក ហើយបានអញ្ចើញនារីរងគ្រោះមករាំល្បាំជនជាតិទំពួនដល់ម៉ោង១២ ចប់កម្មវិធី នារីរងគ្រោះនៅហូបបាយរួមគ្នាជាមួយមិត្តភក្តិជាច្រើនទៀត រហូតដល់ម៉ោង៣រសៀល ទើបបែកគ្នាអស់ ហើយមិត្តភក្តិមិនដឹងនារីរងគ្រោះទៅណាខ្លះទេ ទើបមកដល់ថ្ងៃនឹងមានការភ្ញាក់ផ្អើលដឹងថា នារីរងគ្រោះត្រូវគេរំលោភសម្លាប់៕