ផ្ទុះអាវុធ​ជាច្រើន​គ្រាប់​ក្នុងការ​បង្ក្រាប​បទល្មើស​នេសាទ​នៅ​ចំណុច​សេ​សាន​ស្ថិតនៅ​ឃុំ​កំពង់ព្រះ​គគីរ​ស្រុក​បរិបូ​ណ៍​!!!

ខេត្តពង់ឆ្នាំង៖ ក្រុមសមត្ថកិច្ចចម្រុះ ការពារតំបន់អភិរក្ស ធនធានជលផល អតីតឡូត៍នសាទលេខ៦ បានចេញចាប់ក្រុមជនល្មើសលួចចូលធ្វើការឆក់ត្រី នៅចំណុចសេសាន ស្ថិតក្នុងភូមិកោះតាម៉ូវ ឃុំកំពង់ព្រះគគី ស្រុកបរិបូរណ៌ ដោយចាប់បានកាណូតបាឡាស្មាច់ ១គ្រឿង ប៉ុន្តែជនដៃដល់បានហក់ទឹកគេចខ្លួនបាត់ ។ក្នុងកិច្ចប្រតិបត្តិការដែលបានផ្ទុះអាវុធ ចំនួន៥គ្រាប់នេះ បានធ្វើឡើងនៅ វេលាម៉ោង ១និង៣០នាទីរំលងអា ធ្រាតុឈាន ចូលថ្ងៃទី១៨ ខែមករា ឆ្នាំ២០១៨ ។

លោក តាត សីហាក់ នាយផ្នែករដ្ឋបាលជលផលផ្សារឆ្នាំង នៃ មន្ទីរកសិកម្មខេត្តកំពង់ឆ្នាំងបានអោយថាៈ នៅវេលាម៉ោងជា១រំលងអាធ្រាតុ ឈានចូថ្ងៃទី១៨ ខែមករា ឆ្នាំ២០១៨ មានការណូតបាឡាស្មាច់១គ្រឿង មានជនសង្ស័យ២នាក់ បានធ្វើសកម្មភាព លួចចូលក្នុងដែនអភិរក្ស ចំណុចសេសាន ដែលជាអតីតឡូត៍នេសាទលេខ៦ ហើយបានធ្វើសកម្មភាព ឆក់ត្រី(នៅចំណុចខាងលើនេះ ។ ពេលនោះក្រុមចម្រុះការពារដែនអភិរក្ស មានយោធា នគរបាល និងជលផល ដែលប្រចាំការការពារនៅទីនោះចេញល្បាត បានប្រទះឃើញ ហើយបានហៅកាណូតជនល្មើសអោយឈប់ តែកាណូតនោះមិនឈប់បានបន្ថែមល្បឿន រត់គេចពីសមត្ថកិច្ច ទើបក្រុមចម្រុះបានដេញតាម យ៉ាងប្រកិត តែជនល្មើសមិនព្រមឈប់កាណូត ក្នុងពេលនោះតែសមត្ថកិច្ចបានផ្ទុះអាវុធ៥គ្រាប់ បន្ទាប់មកជនល្មើសបានបើកកាណូតរត់ឡើងគោក ទៅបុកនឹងគល់ដើមរាំង បណ្តាលអោយ ខ្ទេចកាណូតមួយកំណាត់មុខទើបសមត្ថកិច្ចចាប់បានតែកាណូតបាឡាស្មាច់១គ្រឿង ចំណែកជនល្មើស បានហក់ គេចខ្លួនបាត់ ។

ចំពោះវត្ថុតាងរិបអូសបានមាន កាណូតបាឡាស្មាច់ ១គ្រឿង ម៉ាស៊ីនឡានបំពាក់លើកាណូត១គ្រឿង អាគុយ១០០អាំពែ១គ្រឿង កន្ត្រងដួសត្រី១គូ ខ្យែកាបសម្រាប់ឆក់ត្រីជាច្រើន ម៉ែត្រ និងត្រីឆ្លាំងសុទ្ឋជាង២០គីឡូក្រាម ។

លោកបានបញ្ជាក់ទៀតថាៈ ចំពោះឧករណ៌ឆក់ត្រី ប្រភេទឆក់ត្រជាក់នោះមានឥទ្ឋិពលខ្លាំងណាស់ វាឆក់ទាញត្រីពីបាតទន្លេអោយអណ្តែតលើទឹក ហើយអ្នកប្រព្រឹត្តមានកន្ត្រងសម្រាប់ចាំដួសដាក់កាណូតតែម្តង ។ ចំពោះករណីនេះសមត្ថកិច្ចនិងបន្តស្រាវជ្រាវរកមុខសញ្ញាជនល្មើសដើម្បីចាប់ខ្លួនកសាងសំណុំរឿងតាមផ្លូវច្បាប់បញ្ជូនទៅតុលាការខេត្ត៕ រឹទ្ធិ ជ័យ