នគរបាលខេត្តមណ្ឌលគិរី ០៤នាក់ រងការចោទថា ជំរិតទារលុយ ១៥០០០ដុល្លារ មិនបានសម្រេច ទើបចាប់រថយន្តដឹកឈើល្មើសច្បាប់ចំនួន០៣គ្រឿងបញ្ជូនមន្ទីរបរិស្ថាន
ខេត្តមណ្ឌលគិរី៖ នគរបាលខេត្តមណ្ឌលគិរីមួយក្រុម មានគ្នា ០៤នាក់ មកពីស្ថាប័នជំនាញផ្សេងគ្នា បានធ្វើសកម្មភាពជំរិតទារលុយពីឈ្មួញរកស៊ីឈើខុសច្បាប់ជាង ១ម៉ឺនដុល្លារ
ដោយទុករយៈពេលរហូត ០២ថ្ងៃជាថ្នូរនឹងការដោះលេងវិញ ប៉ុន្តែមិនបានសម្រេច ទើបចាប់រថយន្តកែច្នៃដឹកឈើ ចំនួន ០៣គ្រឿង យកទៅប្រគល់ឱ្យទៅមន្ទីរបរិស្ថាន ខេត្ត មណ្ឌលគិរី។
ការបែកធ្លាយរឿងអាស្រូវរបស់សមត្ថកិច្ចជំរិតទារប្រាក់ជាង ១ម៉ឺនដុល្លារមិនសម្រេចនេះ ត្រូវបានប្រភពព័ត៌មាន ប្រាប់ឱ្យដឹង នៅថ្ងៃទី០៦ ខែសីហា ឆ្នាំ២០១៨នេះថា ក្រុមសមត្ថកិច្ចខាងលើបានបង្ក្រាប រថយន្តប៉ាកុងកែច្នៃ ០៣គ្រឿង កាលពីរសៀល ថ្ងៃទី០៣ ខែសីហា ឆ្នាំ២០១៨កន្លងទៅ ត្រង់ចំណុចជាប់ព្រំប្រទល់ខេត្តក្រចេះ និងខេត្តមណ្ឌលគិរី នៅក្នុងដីរបស់ក្រុមហ៊ុន ម៉ូហ្វីបា។
ប្រភពច្បាស់ការណ៍បានបញ្ជាក់ដឹងទៀតថា ក្រុមសមត្ថកិច្ចទាំង ០៤នាក់នោះត្រូវបានស្គាល់ថា ទី១-ឈ្មោះ ស៊ុម លឹម ហៅរឿង ជាមន្ត្រីនគរបាលស្រុកកោះញែក, ទី២-ឈ្មោះ ផន ដឺប៉េខេត្តមណ្ឌលគិរី, ទី៣-ឈ្មោះថា គឺជាប៉ូលិសសេដ្ឋកិច្ចខេត្ត និងជាមនុស្សជំនិតរបស់លោកស្នងការនគរបាលខេត្តមណ្ឌលគិរី និងទី៤-មិនបានស្គាល់ឈ្មោះតែដឹងថាជាកូនចៅរបស់លោក ដា ប៉ូលិស ចារកម្ម ដែលប្រចាំការនៅក្នុងខេត្តមណ្ឌលគិរី។
តាមការឱ្យដឹងពីក្រុមឈ្មួញរកស៊ី ក៏ដូចជាប្រជាពលរដ្ឋនៅក្បែរក្រុមហ៊ុនមួយនេះ បានបញ្ជាក់ឱ្យដឹងថា ក្រុមសមត្ថកិច្ចមួយក្រុមនេះ បានដាក់កុងត្រូលប្រចាំតែនៅតំបន់នេះ ជា ប្រចាំដើម្បីប្រមូលលុយពីក្រុមឈ្មួញដែលតែងតែធ្វើសកម្ម ភាពដឹកជញ្ជូនឈើខុសច្បាប់ឆ្លងកាត់ពីខេត្តមណ្ឌលគិរីចូលមកទឹកដីខេត្តក្រចេះ។ ជាក់ស្ដែង នៅថ្ងៃទី០២ ខែសីហានេះ ក្រុមសមត្ថកិច្ចដែលមានគ្នាចំនួន ០៤នាក់ខាងលើបានធ្វើការឃាត់រថយន្តកែច្នៃដឹកឈើទាំង ០៣គ្រឿង ដោយជំរិតទារប្រាក់ចំនួន ១០.៥០០ដុល្លារ ជាថ្នូរទៅនឹងការដោះ លែង។
តាមការអះអាងក្រុមអ្នកដែលនៅហេតុការណ៍បានបញ្ជាក់ឱ្យដឹងថា នៅក្នុងទឹកប្រាក់ជាង ១ម៉ឺនដុល្លារនេះ គឺត្រូវបានក្រុម សមត្ថកិច្ចថសបែងចែកជា៤ចំណែកផ្សេងៗពីគ្នា ដោយក្នុងនោះប៉ូលិសស្រុកកោះញែកទា ២.៥០០ដុល្លារ ដឺបេ ២.៥០០ដុល្លារ ប៉ូលិសសេដ្ឋកិច្ចខេត្ត ២.៥០០ដុល្លារ និងខាងចារកម្មកូនចៅលោកដា ៣.០០០ដុល្លារ។ ប៉ុន្តែផែនការនេះត្រូវបានបរាជ័យបន្ទាប់ពីក្រុមអ្នកសារព័ត៌មានបានចុះទៅដល់គោលដៅ ដើម្បីផ្តិតយករូបភាពរថយន្តដឹកឈើទាំងនោះ។
បន្ទាប់ពីការណ៍ជំរិតទាក់មិនបានសម្រេចក្រុមសមត្ថកិច្ចទាំងនេះក៏ឃាត់អ្នកបើកបររថយន្តដឹកឈើចំនួន ០២នាក់យកទៅគំរាម មិនឲ្យនិយាយរឿងរ៉ាវដែលក្រុមខ្លួនទាលុយជាង ១ម៉ឺនដុល្លារជាថ្នូរមិនបង្ក្រាបរថយន្តកែច្នៃដឹកឈើនេះ ប្រាប់ដល់អ្នកកាសែតដាច់ខាត ពុំដូច្នេះទេមិនបាច់ចូលទឹកដីខេត្តមណ្ឌលគិរីទៀតទេ។
ពាក់ព័ន្ធករណីក្រុមសមត្ថកិច្ចចម្រុះទាំង ៤អង្គភាពចាប់រថយន្ត ដឹកឈើ៣គ្រឿង ទុករយៈពេលពីរថ្ងៃដើម្បីជំរិតទាលុយជាង ១ម៉ឺនដុល្លារពីថៅកែឈើមិនបានសម្រេចក្រោយពីបែកធ្លាយដល់អ្នកកាសែតនោះ “ម្លប់ខ្មែរ” មិនទាន់អាចទំនាក់ទំនងសុំការបំភ្លឺពីក្រុមសមត្ថកិច្ចទាំង ៤នាក់នោះបានឡើយទេ៕ (ប្រភព៖ ម្លប់ខ្មែរ)
https://ift.tt/2KyzhG0
