រថយន្តដឹកអ្នកដំណើរចុះពីលើភ្នំគូលែនហ្វ្រាំងមិនស៊ីក្រឡាប់របួសជាង១២នាក់
(ខេត្តសៀមរាប)៖ រថយន្តទេសចរណ៍ដឹកអ្នកដំណើរចំនួន ២៨នាក់ពីភ្នំពេញមកលេងភ្នំគូលែន ខណ:ចុះពីលើភ្នំវិញជាន់ហ្វ្រាំងមិនស៊ីក្រឡាប់ បង្កឱ្យមនុស្សប្រុសស្រី១២នាក់ បានរងរបួសធ្ងន់ និងស្រាល។ ហេតុការណ៍នេះកើតឡើងកាលពីរសៀលថ្ងៃទី១៥ ខែកក្កដា ឆ្នាំ២០១៩ នេះនៅលើត្រង់ចំណុចផ្លូវចុះពីលើភ្នំគូលេនថ្មីផ្នែកខាងកើត ស្ថិតនៅភូមិតាពេញ ឃុំខ្នងភ្នំ ស្រុកស្វាយលើ ខេត្តសៀមរាប។
លោកវរសេនីយ៍ឯក ស៊ុន អេង អធិការនគរបាលស្បាលស្រុកស្វាយលើបានឱ្យដឹងថា ក្នុងហេតុការណ៍នោះបង្កឡើងដោយខ្លួនឯង។ រថយន្តម៉ាក HYUNDAICOUNTYពាក់ស្លាកលេខភ្នំពេញ3E-6998។ អ្នកបើកបរឈ្មោះ កែវ មករា អាយុ២៨ឆ្នាំ រស់នៅខេត្តកណ្តាល។ អ្នករួមដំណើរសរុប ២៨ នាក់។
លោកបន្តថា អ្នករងរបួសសរុប១២នាក់ ស្រីក់ស្រី៩នាក់៖១/ឈ្មោះ កែម សីហា ភេទប្រុស អាយុ៣០ឆ្នាំ។ ២/ឈ្មោះសុត សំអុន ភេទស្រី អាយុ៤៣ឆ្នាំ, ៣/ឈ្មោះ ផាត សោភាភេទស្រី អាយុ៤៨ឆ្នាំ។ ៤/ឈ្មោះ ងួន សារ៉ាន់ ភេទស្រីអាយុ៥៧ឆ្នាំ។ ៥/ឈ្មោះ ងួន សុគុណ ភេទស្រីអាយុ ៥៧ ឆ្នាំ។ ៦/ឈ្មោះ ពេជ្រ ច័ន្ទបូរមី ភេទស្រី អាយុ១១ឆ្នាំ។ ៧/ឈ្មោះ សុខ សុវណ្ណរ៉ា ភេទប្រុស អាយុ៣៨ឆ្នាំ។ ៨/ឈ្មោះ ហួន សុគន្ធារី ភេទស្រី អាយុ៤៣ឆ្នាំ ។ ៩/ឈ្មោះ ប៉េន សុហាន ភេទប្រុស អាយុ៤១ឆ្នាំ។ ១០/ឈ្មោះ លឿង គឹមសៀង ភេទស្រី អាយុ៣៨ឆ្នាំ។ ១១/ឈ្មោះ គីម ចំរើន ភេទស្រី អាយុ៤៦ឆ្នាំ។ ១២/ឈ្មោះ ប៉ុក សុគុណ ភេទស្រី៤៧ឆ្នាំ។
លោកបញ្ជាក់ថាបច្ចុប្បន្នអ្នករងរបួសទាំងអស់បានដឹកទៅព្យាបាលនៅមន្ទីរពេទ្យបង្អែកស្រុកសូទ្រនិគម។ ចំពោះរថយន្តសមត្ថកិច្ចបានយកមករក្សាទុកនៅអធិការដ្ឋាននគរបាលស្រុកស្វាយលើ ដើម្បីរងើចាំដោះស្រាយ៕
https://ift.tt/2k4uIMp
