សមត្ថកិច្ច និងអាជ្ញាធរសង្កាត់លេខ៣ ក្រុងព្រះសីហនុ រងការរិះគន់ថា ទុកសាកសពស្ត្រីម្នាក់ចោល អោយសត្វហែកស៊ី បន្ទាប់ពីបានទទួលតំណឹងជាង១សប្តាហ៍មុន
ខេត្តព្រះសីហនុ ៖ សាកសពស្ត្រីម្នាក់នៅសល់តែគ្រោងឆ្អឹង និងសក់វែង មានខោពណ៌ខ្មៅ នៅ ចុងជើង ត្រូវបានសិស្សសាលាប្រទះឃើញធ្វើឲ្យមានការភ្ញាក់ផ្អើលនៅម៉ោង ជិត ៤រសៀលថ្ងៃទី០៧ មករា ២០១៤ ត្រង់ចំនុចមាត់បឹងព្រែកទប់ (ក្បែរសណ្ឋាគារឆ្នេរឯករាជ្យ ហៅអូតែល៧ជាន់) ស្ថិតក្នុងក្រុមទី១៩ ក្នុងភូមិ៣ សង្កាត់៣ ក្រុងព្រះសីហនុ ។
យោងតាមប្រភពមួយចំនួនដែលបានបានឃើញសាកសពបាននិយាយថា សាកសពស្ត្រីមិន ស្គាល់អត្តសញ្ញាណខាងលើ អាចបណ្តាលមកពីករណីចាប់រំលោភរួចសម្លាប់ ព្រោះគេឃើញមានស្នាមឈាមនៅ កន្លែងអង្គុយលេង មានខោជើងវែង និងអាវក្រឡាការ៉ូរបស់បុរស ហើយជាពិសេសគេឃើញមានអាវយឺតព៌ណស និងខោលីអូព៌ណខ្មៅរបស់ស្ត្រីនោះនៅនឹងចុងជើង សាកសព ប៉ុន្តែគេពុំបានដឹងថា សាកសពនេះ បានស្លាប់ពីពេលណា នឹងបណ្តាលមកពីអ្វីនោះ ច្បាស់នោះទេ។ សាកសពស្ត្រីនោះ ពាក់អាវយឺតពណ៌ស សក់វែង មានខោសាច់ក្រណាត់ពណ៌ខ្មៅនៅចុងជើង។ គេពុំដឹងថាសាកសពមានពណ៌សម្បុខ្មៅ ឬសនោះទេ ព្រោះសាកសពបានគ្រៀមស្វិត នឹងជើងម្ខាងត្រូវបានសត្វ ហែកស៊ីសាច់ សល់តែឆ្អឹងខ្មងជើងនៅរប៉ាត់រប៉ាយ ក្បែរសាកសព។
ប៉ុន្តែបើយោងតាម លោក ខៀវ វណ្ណថា នាយប៉ុស្តិ៍រដ្ឋបាលនគរបាលសង្កាត់លេខ៣ បាន បញ្ជាក់អះអាងថា៖ សាកសពនេះគេសង្ស័យថាជាសពស្ត្រីវិកលចារិក ហើយត្រូវបានសមត្ថកិច្ចទទួលព័ត៌មានតាំងពី១សប្តាហ៏មុនមកម្លេះ ហើយបានរាយការណ៏ទៅថ្នាក់លើ និង អាជ្ញាធរមូលដ្ឋានដែរ តែអាជ្ញាធរពុំមានចំណាត់ការទើបសាកសពនៅទីនោះរហូតទៅ ហើយក៏ពុំដឹងថាសាកសពនោះនឹងត្រូវយកទៅណាដែរ។
ជុំវិញបញ្ហានេះដែរអ្នកដែលបានដឹងរឿង បានធ្វើការរិះគន់យ៉ាងខ្លាំងទៅនឹងសមត្ថកិច្ចមូល ដ្ឋាន និងអាជ្ញាធរដែន ក៏ដូចជាសមត្ថកិច្ចប៉ូលិសការិយាល័យបច្ចេកទេស (ប៉ូលិសពិនិត្យសាកសព) ថាពុំអើពើអំពីមូលហេតុនៃការស្លាប់របស់ជនរងគ្រោះ អោយបានជាក់លាក់ ជាពិសេសពុំបានយកចិត្តទៅលើសាកសព ដោយទុកចោលដូចខ្មោចសត្វ ធ្វើអោយសត្វដ៏ទៃហែកស៊ី រប៉ាត់រប៉ាយគួរអោយសង្វែកបំផុត។ មិនគួរណាទិដ្ឋភាពបែបនេះកើតមានទាល់តែសោះ នាសម័យបច្ចុប្បន្ន ទិដ្ឋភាពទុកសាកសពចោលអោយសត្វហែកស៊ីបែបនេះមានតែនៅក្នុងរបបខ្មែរក្រហមតែប៉ុណ្ណោះ ។
ប្រភពដ៏ដែលបានបន្តថា៖ បើទោះបីសាកសពជាមនុស្សឆ្កួត ឬជាយ៉ាងណាក្តី ក្នុងនាមជាសមត្ថកិច្ច និងអាជ្ញាធរមូលដ្ឋានមានភូមិ សង្កាត់ គួរណាស់តែសហការណ៍គ្នាយកសាកសពទៅកប់ ឬ បូជានៅវត្តណាមួយដែលនៅជិតនោះទៅ មិនគួរណាបានដឹងហើយ ឃើញហើយ បែរជាទុកចោលដូចខ្មោចឆ្កែយ៉ាងនេះទេ នាំគ្នាគេចវេសរៀងៗខ្លួន គ្មានការទទួលខុសត្រូវ ហើយគេមិនប្រាកដថា ជនរងគ្រោះស្លាប់ដោយសារអ្វីពិតប្រាកដនោះទេគួររូតរះធ្វើការស៊ើបអង្កេត កុំគិតតែពីផលប្រយោជន៍ពេក គ្មានអ្នកណាឲ្យលុយមិនធ្វើយ៉ាងនេះខុសហើយ៕ដោយ កោះរ៉ុង
