អ្នកទេសចរណ៍បរទេសស្រីប្រុស ជិះម៉ូតូអាក្រាតកាយននលគក ធ្វើឲ្យផ្ទុះការភ្ញាក់ផ្អើល
ខេត្ដកណ្ដាល៖ ជនបរទេស៣នាក់ជិះម៉ូតូ២គ្រឿង ដោយនារីម្នាក់ ជាមួយដៃគូ ជិះឱបចង្កេះពីក្រោយដោយអាក្រាតកាយននលគក បង្កឲ្យពលរដ្ឋខ្មែរមានការភ្ញាក់ផ្អើល និងហួសចិត្ត។ ប៉ុន្តែពួកគេត្រូវបានសមត្ថកិច្ចប្រដេញតាមឃាត់ខ្លួនខណៈកំពុងតែជិះម៉ូតូបង្ហាញស្លៀកខ្យល់ដណ្តប់មេឃ កាលពីវេលាម៉ោង៤ និង៣០ នាទីរសៀលថ្ងៃទី៨ ខែមករា ឆ្នាំ២០១៥ តាមបណ្ដោយផ្លូវជាតិលេខ១៤ ពីអ្នកលឿង មកក្អមសំណ ខេត្ដកណ្ដាល។
នគរបាលស្រុកលើកដែកបានឲ្យដឹងថា ជនបរទេសដែលបានឃាត់ខ្លួន ទី១-ឈ្មោះ CRAWFORD BROWN ភេទប្រុស អាយុ២៤ឆ្នាំ, ទី២-ឈ្មោះ CATARINA AARNIO ភេទស្រី អាយុ ២១ឆ្នាំ និងទី៣-ឈ្មោះ GIANCARLO ALLOCCA ភេទប្រុស អាយុ៣០ឆ្នាំ ខណៈឃាត់ខ្លួននោះពួកគេទាំង៣នាក់នេះពុំមានលិខិតស្នាមអ្វីនៅជាប់ខ្លួនទេ។ជនបរទេសទាំង៣នាក់នេះជិះម៉ូតូ២គ្រឿងដោយភ្ជាប់ជាមួយម៉ាស៊ីនថតម្នាក់មួយគ្រឿងធ្វើដំណើរថតយករូបភាពយ៉ាងសប្បាយ។
សមត្ថកិច្ចឲ្យដឹងថា ការឃាត់ខ្លួនជនបរទេស ទាំង៣នាក់នេះគឺដើម្បីរក្សាសេចក្ដីថ្លៃថ្នូរ ទំនៀមទម្លាប់ប្រពៃណីខ្មែរដែលមិនអាច បណ្ដែតបណ្ដោយឲ្យជនបរទេសណាម្នាក់ មកប្រព្រឹត្ដអំពើអាស នៅទីសាធារណៈបែបនេះនៅក្នុងប្រទេសកម្ពុជាបានឡើយ។ តែជនបរទេសទាំងនោះត្រូវបានដោះលែងឲ្យមានសេរីភាពវិញ បន្ទាប់ពីធ្វើការអប់រំ និងផ្ដល់សម្លៀកបំពាក់ឲ្យពួកគេ។ទោះយ៉ាងណាការដើរស្រាតនៅតាមទីសាធារណៈថ្មីៗនេះក៏មានស្ត្រីម្នាក់ដើរស្រាតបង្ហាញប្រដាប់កេរ្តិ៍នៅសួនមាត់ទន្លេ ក្បែរព្រះគម្លង់មុខវត្តឧណ្ណាឡោម ក្នុងភូមិសាស្ត្រសង្កាត់ផ្សារកណ្តាល ខណ្ឌដូនពេញ រាជធានីភ្នំពេញ ៕
