បុរសកំហូច បញ្ឆោតក្មេងស្រី២នាក់តូចៗទៅកើបអង្កាម នាំចុះប្រឡាយប៉ុនប៉ងរំលោភសេពសន្ថវៈ តែអ្នកឃ្វាលគោស្រែកបង្អើល
ខេត្តបន្ទាយមានជ័យ៖ កម្លាំងនគរបាលប៉ុស្តិ៍ចំណោម សហការណ៍ជាមួយ និងកម្លាំងស្រុកមង្គលបូរី បានតាមឃាត់ខ្លួនជនសង្ស័យម្នាក់ពីបទប៉ុនប៉ងរំលោភសេពសន្ថវៈក្មេងស្រីក្រោមអាយុ១៥ឆ្នាំមិនបានសម្រេច។ ការចាប់ខ្លួននេះបានធ្វើឡើងនៅវេលាម៉ោង៤ និង៣០នាទីល្ងាច ថ្ងៃទី១៥ ខែមករា ឆ្នាំ២០១៥ ស្ថិតនៅភូមិ-ឃុំចំណោម ស្រុកមង្គលបូរី ខេត្តបន្ទាយមានជ័យ ត្រូវបានសមត្ថកិច្ចបញ្ជូនទៅសាលាដំបូងខេត្តចាត់ការតាមច្បាប់ ។
លោក ស៊ី ឌី អធិការដ្ឋាននគរបាលស្រុកមង្គលបូរី បានប្រាប់អោយដឹងនៅរសៀលថ្ងៃទី១៦ ខែមករា ឆ្នាំ២០១៥នេះថា ក្រោយពីបានទទួលពាក្យបណ្តឹងពីម្តាយក្មេងស្រីរងគ្រោះ លោកក៏បាន តាមដានស្រាវជ្រាវ ។ លោកក៏បានដាក់បទបញ្ជាកម្លាំងភ្លាមៗតាមចាប់ អស់រយៈពេលប្រមាណជា២ម៉ោងនៅថ្ងៃដ៏ដែរ ទើបឃាត់ខ្លួនជនសង្ស័យបាននៅក្នុងរោងមង្គលអាពាហ៍ពិពាហ៍ ស្ថិតនៅភូមិរោងគោកកណ្តាល ឃុំចំណោម ស្រុកមង្គលបូរី។
លោកបានបន្តទៀតថា មុនកើតហេតុជនសង្ស័យបានធ្វើការបោកបញ្ឆោតលើក្មេងស្រី២នាក់អាយុ៧ ឆ្នាំម្នាក់ និងអាយុ៨ឆ្នាំម្នាក់ទៀតបានកុហក់ថាទៅកើបអង្កាមជាមួយពូ ពូនឹងអោយលុយចាយ ភ្លាមនោះក្មេងស្រីរងគ្រោះក៏ព្រមទៅជាមួយចំណែកក្មេងម្នាក់ទៀតមិនទៅ ហើយជនសង្ស័យបានអោយឡើងជិះម៉ូតូជាមួយលុះដល់ចំណុចកន្លែងស្ងាត់បន្តិច ត្រង់ប្រឡាយស្រែគ្មានទឹក ហើយយកការ៉ុងក្រាលហើយបង្គាប់អោយក្មេងស្រីរងគ្រោះដោះអាវខោចេញ តែក្មេងស្រីមិនព្រមក៏ធ្វើសកម្មភាពស្រាតតែម្តង ដោយមិនទាន់បានសម្រេចផង មួយណាក្មេងស្រីរងគ្រោះបានស្រែកអោយគេជួយចៃដន្យមានអ្នកឃ្វាលគោឮសូរសម្លេងក៏ស្ទុះមកជួយ ធ្វើឲ្យជនសង្ស័យផ្អើលបញ្ឈប់សកម្មភាព ក្រោកជិះម៉ូតូគេចខ្លួនតែម្តង។
ភ្លាមនោះអ្នកជួយសង្គ្រោះក្មេងស្រីបានយកក្មេងស្រីរងគ្រោះជូនមកផ្ទះប្រគល់អោយម្តាយផងដែរ ។ លោកបានបន្ថែមថា ម្តាយក្មេងស្រីមានឈ្មោះ ថៃ សេដា អាយុ៣៥ ក្មេងស្រីរងគ្រោះមានឈ្មោះថ ច ណ អាយុ៨ឆ្នាំ រស់នៅភូមិឃុំកើតហេតុខាងលើនេះ។ ចំណែកជនសង្ស័យមានឈ្មោះ សោម តឹម ភេទប្រុស អាយុ២២ឆ្នាំ រស់នៅរង្វានកើត ឃុំចំណោម ស្រុកមង្គលបូរី និងដកហូតបានយានជំនិះមួយគ្រឿងសំរាប់ធ្វើសកម្មភាព គឺម៉ូតូម៉ាកហុងដាឃ្លីច ស៊េរីឆ្នាំ២០១៤ ពណ៌ខៀវ អត់ស្លាកលេខ។
ចំពោះមុខសមត្ថកិច្ចជនសង្ស័យបានសារភាពថា ខ្លួនពិតជាប៉ុនប៉ងរំលោភសេពសន្ថវៈលើក្មេងស្រីអាយុ៨ឆ្នាំខាង លើនេះពិតមែន។ បច្ចុប្បន្នសមត្ថកិច្ចជំនាញបានសាងសំណំរឿងជនសង្ស័យខាងលើនេះបញ្ជូន ទៅសាលាដំបូង ខេត្ត បន្ទាយមានជ័យដើម្បីចាត់ការទៅតាមនិតិវិធីច្បាប់៕ដោយ យីហាំង
