ជំពាក់លុយអង្គការ៣ពាន់ដុល្លារ លួចគោគេបំណងលក់យកលុយសង តែត្រូវសមត្ថកិច្ចចាប់ខ្លួន
ខេត្តកំពង់ឆ្នាំង៖ បុរសជាចោរលួចគោម្នាក់ ត្រូវបានប្រជាលពរដ្ឋប្តឹងសមត្ថកិច្ចចាប់ខ្លួន បន្ទាប់ពីបានលួចចាប់គោញី១ក្បាល ដែលគេលែងអោយស៊ីស្មៅនៅចំណុចព្រៃស្តុកក្រៀល បំណង យកលក់យកលុយសងអង្គការ ដែលគេជំពាក់៣ពាន់ដុល្លា។ ករណីបង្ក្រាបនេះបានធ្វើឡើង នៅម៉ោង២និង៣០នាទីរសៀលថ្ងៃទី២៧ ខែកុម្ភៈ ឆ្នាំ២០១៥ ក្នុងភូមិបឹងស្ទេង ឃុំខ្លូងពពក ស្រុកទឹកផុស។
លោកនាយការិយាល័យនគរបាលព្រហ្មទណ្ឌ័កម្រិតស្រាលខេត្តបានអោយដឹងថា៖ បុរសជា ចោរខាងលើនេះមានឈ្មោះ នៅ ធីម អាយុ៣៥ឆ្នាំ រស់នៅភូមិតាំងធ្នង់ ឃុំជៀប ស្រុកទឺកផុស។ មុនពេលចាប់ខ្លួនសមត្ថកិច្ចនគរបាលមូលដ្ឋានបានទទួលការរាយការណ៍ពីប្រជាពលរដ្ឋល្អថាៈ មានជនសង្ស័យម្នាក់បានលួចចាប់ និងដឹកយកគោញី១ក្បាល ដែលម្ចាស់គេលែងអោយស៊ី ស្មៅនៅចំណុចខាងលើ ពេលទទួលបានព័ត៌មានសមត្ថកិច្ច ក៏បានតាមស្រាវជ្រាវចាប់ខ្លួនជន សង្ស័យរូបនោះបានយកមកសារសួរយកចម្លើយតាមនិតិវិធី។
នៅចំពោះមុខសមត្ថកិច្ចជនល្មើសបានសារភាពថា៖ រូបគេពិតជាបានលួចគោញី១ក្បាល នោះ មែនបំណងយកទៅលក់យកលុយសងអង្គការដែលគេនៅជំពាក់៣ពាន់ដុល្លា។ ជនល្មើស បានអោយដឹងទៀតថា៖ពីមុនមកកាលគេនិងប្រពន្ធមិនទាន់លែងលះគ្នា រូបគេបានខ្ចីលុយអង្គ ការចំនួន៤អង្គការ មានអេលីស៊ីដា២កន្លែង ក្រេឌីត១កន្លែង និងស្ថាបនា១កន្លែង យកប្រាក់ សរុប បានចំនួន៦ពាន់ដុល្លារ ហើយក្រោយមកបានសងគេជាបន្តបន្ទាប់អស់ចំនួន៣ពាន់ដុល្លារ មកដល់ពេលនេះនៅជំពាក់គេ៣ពាន់ដុល្លារទៀត។
ក្រោយពីប្រពន្ធបានលែងលះគ្នាទៅបន្ទុកនៃការសងប្រាក់អង្គការបានធ្លាក់មកលើខ្លួនគេជាអ្នកសងខ្លួនឯង។ ដោយអង្គការមកបង្ខំទារប្រាក់ជារៀងរាល់ខែខ្លួនគ្មានលុយសង ទើបខ្លួនបានសម្រេចចិត្តមកលួចគោញីគេ១ក្បាលនេះបំណងយកទៅលក់ អាចបានប្រាក់ពី៣០០ទៅ៤០០ដុល្លារដើម្បីយកលុយសងអង្គការ។ ប៉ុន្តែពេលកំពុងលួចដឹកគោ ក៏ត្រូវសមត្ថកិច្ចចាប់ខ្លួនបានតែម្តង។
ជនល្មើសរូបនេះត្រូវបានសមត្ថកិច្ចនគរបាលស្រុកទឹកផុសកសាងសំណុំរឿងបញ្ជូនខ្លួន មកកាន់ស្នងការដ្ឋាននគរបាលខេត្ត ប្រគល់អោយការិយាល័យជំនាញកសាងសំណុំរឿងបន្ថែ ម បញ្ជូនខ្លូនជនល្មើសទៅកាន់សាលាដំបូងខេត្តនៅល្ងាចថ្ងៃទី២៨ ខែកុម្ភៈ ឆ្នាំ២០១៥នេះ។
ចំណែកគោញី១ក្បាលសម្បុរចំប៉ា មានកំពស់១.១៥ម៉ែត្រ ត្រូវបានសមត្ថកិច្ចរក្សាទុក នៅ អធិការ ដ្ឋាននគរបាលស្រុកទឹកផុស។ ដោយឡែកម្ចាស់គោមិនទាន់ដឹងថាជារបស់អ្នក ណានៅ ឡើយទេហេតុនេះសមត្ថកិច្ចសុំអំពាវនាវអោយម្ចាស់គោមកទាក់ទងសុំយកគោនៅអធិការដ្ឋាននគរបាលស្រុកទឺកផុស និងសុំអោយមានលិខិតបញ្ជាក់ពីអាជ្ញាធរមូលដ្ឋានផង៕ រិទ្ធិ ជ័យ
http://ift.tt/1Amy2wE
