ភ្ញាក់ផ្អើលតគ្នា ថាមានគេកប់សពមនុស្សមិនស្គាល់អត្តសញ្ញាណ ស្អុយពេញព្រៃពេលសមត្ថកិច្ចនាំគ្នា ទៅគាស់ផ្នូរមើលឃើញខ្មោចឆ្កែទៅវិញ
ខេត្តកំពង់ឆ្នាំង៖ មានការភ្ញាក់ផ្អើលតៗគ្នា មួយបានកើតឡើងដឹងឮដល់សមត្ថកិច្ចនគរបាល ស្រុកកំពង់ ត្រឡាច ថាមានគេយកសពមនុស្សមិនស្គាល់អត្តសញ្ញាណម្នាក់ ត្រូវបានគេយកមកកប់ចោលក្បែវត្ត ត្រពាំងខ្ចៅ ក្នុងភូមិដើមពពេលឃុំថ្មឥដ្ឋ ស្រុកកំពង់ត្រឡាច។ រឿងដែលដែលហួសចិត្តនោះ នៅវេលា ម៉ោង ៣និង៣០នាទីរសៀល ថ្ងៃទី០៥ ខែកុម្ភះ សមត្ថកិច្ចនគរបាលស្រុក ដឹកនាំដោយលោកព្រះរាជ អាជ្ញា រងខេត្តម្នាក់ បានទៅគាស់ផ្នូរដែលគេសង្ស័យនោះ បែរជាឃើញខ្មោច ឆ្កែទៅវិញដែលនឹកគួរអោយ ចង់សើច។
លោក ហ៊ុល វាសនា អធិការនគរបាលស្រុកកំពង់ត្រឡាចបាននិយាយអោយដឹងថា៖ ប្រជាពលរដ្ឋ បានភ្ញាក់ផ្អើលតគ្នាដោយសារតែខ្លិនស្អុយចេញពីផ្នូរមួយកន្លែងនៅក្បែវត្តត្រពាំងខ្ចៅ ដោយសារ សង្ស័យ ថាជាអំពើឃាតកម្មពីកន្លែងណាមួយហើយយកសពមកកប់ផ្លុងចោលនៅទីនោះ ពេលនោះលោកបាន ទៅពិនិត្យមើល គឺខ្លិនស្អុយចេញពីផ្នូនោះមែន និងបានឃើញខ្យែក្រវ៉ាត់មួយប្រឡាក់ដោយឈាម នៅ ក្បែរ ផ្នូនោះទៀតផង។
ក្រោយពីលោកបានរាយការដល់ថ្នាក់លើៗក៏បានបញ្ជាអោយគាស់សពនោះមើល ដោយមានលោក រាជអាជ្ញារងម្នាក់ចូលរួមផង ក្នុងពេលចុះទៅដល់ផ្នូរ ពិនិត្យឃើញក្រៅពីខ្សែក្រវ៉ាត់ប្រឡាក់ឈាម នៅមានការ៉ុងពណ៌សមួយទៀត នៅក្បែផ្នូនោះក៏មានប្រឡាក់ឈាមផងដែរ ក្រៅពីនោះដែលរិតតែមាន ការសង្ស័យទៀតនោះ ពេលគាស់ទៅបានប្រទះឃើញអាវរងាមួយទៀតនៅគ្របពីលើ លុះទាញអាវនោះ ចេញទើបដឹងថាជាខ្មោចឆ្កែទៅវិញ ។
លោកបាននិយាយទាំងហួសចិត្តថា ខ្មោចឆ្កែនោះជាឆ្កែល្អដែលម្ចាស់វាស្រឡាញ់ណាស់ទើបយកមកកប់យ៉ាងត្រឹមត្រូវបែបនេះ ខុសពីឆ្កែខ្លះពេលវាងាប់ម្ចាស់វាបានធ្វើស៊ី ឬលក់អោយអ្នកលក់សាច់ឆ្កែ មិនខានឡើយ ។ ពេលដឹងថា ជាខ្មោចឆ្កែហើយ សមត្ថកិច្ចបានកប់វាត្រឹមត្រូវវិញ ហើយបានត្រឡប់ មកអង្គភាពវិញទាំងអស់សំណើចគ្រប់ៗគ្នារហូតហៀរទឹកភ្នែក៕ ដោយ រិទ្ធិ ជ័យ
