បើក​ម៉ូតូ​ពេលយប់​លឿន​ស្លេវ​ដល់​ផ្លូវ​កោង​បត់​មិនទាន់ ហោះ​ទៅបុក​បង្គោល​ភ្លើង​ពេញទំហឹង​លាន់​ស្នូរ​ដូច​គេ​វ៉ៃ​ធុងសាំង អ្នកបើក​រយះ​ចង្កា​បាក់ក​ប្រកាច់​ស្លាប់​ភ្លាម ម្នាក់ទៀត​បែកក្បាល​ឈាម​ដាប​របួសធ្ងន់​

ខេត្តកំពង់ឆ្នាំង៖ យុវជនជាកម្មករម្នាក់រយះចង្កាបាក់កស្លាប់ភ្លាមៗនៅកន្លែងកើតហេតុ និងម្នាក់ទៀតបែកក្បាលហូរឈាមដាបខ្លួនរងរបួសធ្ងន់ ដោយសារតែបើកម៉ូតូពេលយប់លឿនស្លេវដល់ផ្លូវកោងមិនបន្ថយល្បឿន បានបោលចេញពីផ្លូវហោះទៅបុកបង្គោលដែកខ្សែភ្លើងពេញទំហឹង បង្កការភ្ញាក់ផ្អើល និងភិតភ័យទាំងរាត្រី។ ករណីនេះបានកើតឡើងវេលាម៉ោង១០ និង០៥នាទីយប់ថ្ងៃទី២៦ ខែកុម្ភៈ ឆ្នាំ២០១៥ លើផ្លូវជាតិលេខ៥មុខសាលាបំពេញវិជ្ជាក្នុងភូមិកណ្តាល សង្កាត់កំពង់ឆ្នាំង ក្រុងកំពង់ឆ្នាំង។

មន្ត្រីនគរបាលចរាចរណ៍ក្រុងកំពង់ឆ្នាំងបានអោយដឹងថា៖ ជនរងគ្រោះនៅក្នុងហេតុការ ណ៍ខាងលើនេះ ១.ឈ្មោះ ឌី ជាង អាយុ២៥ឆ្នាំ ជាកម្មករបើកបររ៉ឺម៉កម៉ូតូដឹកធុងហ្គាសអោយគេ ក្នុងពេលកើតហេតុជាអ្នកបើកម៉ូតូស្មាស់រ៉ឺវូពណ៌ក្រហមអត់ស្លាកលេខ បានស្លាប់ដោយបាក់កនិងបែកចង្កានៅកន្លែងកើតហេតុ ២.ឈ្មោះ អ៊ូ សុភ័ស្ត អាយុ២២ឆ្នាំ មុខរបរកម្មកររោងចក្រនិងជាម្ចាស់ម៉ូតូជិះពីក្រោយបានបែកក្បាលរងរបួសធ្ងន់ពួកគេទាំង២នាក់រស់នៅក្នុងភូមិត្រពាំងបី សង្កាត់ផ្សារឆ្នាំង ក្រុងកំពង់ឆ្នាំង។

ពេលកើតហេតុពួកគេបានបើកម៉ូតូឌុបគ្នាមកពីរោងចក្រក្នុងទិសដៅពីត្បូងមកជើង ក្នុងល្បឿនយ៉ាងលឿន (ផ្តាច់ព្រលឹង) លុះមកបើកដល់ចំណុចកើតហេតុជាផ្លូវកោងខ្លាំងបត់មិនទាន់ក៏បានហោះទៅ បុកបង្គោលខ្សែភ្លើងមួយកំណាត់ក្រោយថ្មសុទ្ធ និងខាងលើជាដែកនៅចិញ្ចើមថ្នល់ខាងស្តាំដៃ បណ្តាលអោយលាន់ស្នូរដូចគេវាយធុងសាំង ដោយជនរងគ្រោះទាំងពីរឈ្មោះ ឌីជាង ជាអ្នកបើកបរហោះដោយទៅបុកជាមួយបង្គោលដែកបាក់ កនិងបែកចង្កាស្លាប់ទាំងបើកភ្នែកភ្លាមៗ នៅកន្លែងកើតហេតុ ចំណែកឈ្មោះ អ៊ូ សុភ័ស្ត បែកក្បាលសន្លប់ធំ របួសធ្ងន់ហូរឈាមសល់តែសម្លេងថ្ងូរតិចៗ។

ក្រោយពេលកើតហេតុសមត្ថកិច្ចបានហៅរថយន្តសាមុយមន្ទីរពេទ្យខេត្ត ដឹកជនរងគ្រោះទាំង២ទៅកាន់មន្ទីរពេទ្យខេត្ត ដើម្បីសង្គ្រោះព្យាបាល និងទុកសពប្រគល់ជូនក្រុមគ្រួសារ។ចំណែកម៉ូតូបានខូតខាតមួយកំណាត់មុខខ្ទេច ត្រូវបានសមត្ថកិច្ចយកទៅរក្សាទុកនៅក្នុងអធិការដ្ឋាននគរ បាលក្រុងកំពង់ឆ្នាំង។

គួរបញ្ជាក់អោយដឹងថា នៅចំណុចផ្លូវបត់កោងខ្លាំង៧៥ដឺក្រេ នៅមុខសាលាបំពេញវិជ្ជា ខាង លើនេះកន្លងមកធ្លាប់កើតមានគ្រោះថ្នាក់ចរាចរណ៍ជាច្រើនលើកក្នុង១ឆ្នាំៗ និងក៏មានអ្នក ស្លាប់ និងរបួសក៏មិនតិចដែរនិងខ្លះបានបើកបុករបងសាលា និងបុករបងផ្ទះប្រជាពលរដ្ឋនៅ ចំណុចនោះ បើគេបើកបរលឿនមិនប្រុងប្រយ័ត្ន ច្រើនតែយានជំនិះរត់ចេញពីផ្លូវ។ តាមសំណូមពររបស់ប្រជាពលរដ្ឋ ស្នើសុំមន្ទីរសាធារណៈការខេត្តជួយដាក់ចំណាំងផ្លាតអោយបានធំៗនៅចំណុចនេះទើបអាចជួយកាត់បន្ថគ្រោះថ្នាក់ចរាចរណ៍បាន៕ ដោយ រិទ្ធិ ជ័យ

KA-01703 KA-01708