រថយន្តកាមរីបោះពួយលឿនដូចគ្រាប់ព្រួញជ្រែករាត្រីជ្រុលទៅ បុកម៉ូតូបើកបរបញ្ច្រាសទិសគ្នាពេញទំហឹង បណ្តាលអោយមនុស្ស២នាក់ស្លាប់ក្នុងសភាពបែកបាក់សាកសពក្នុងថ្លុកឈាម
ខេត្តបន្ទាយមានជ័យ ៖ គ្រោះថ្នាក់ចរាចរណ៍ដ៏រន្ធត់មួយដែលបង្កឡើងដោយរថយន្តកាមរីចង្កូតស្តាំក្នុងដំណើរ បញ្ច្រាសទិសគ្នា បានបុកជាមួយម៉ូតូ១គ្រឿងចំពីមុខពេញទំហឹង បណ្តាលឲ្យមនុស្ស២នាក់ស្លាប់ ក្នុងសភាពបាក់បែករាងកាយយ៉ាងអាណោធអាធ័មបំផុត កាលពីវេលាម៉ោង ១០និង១០នាទីយប់ ថ្ងៃទី១២ ខែកុម្ភៈ ឆ្នាំ២០១៥ នៅតាមបណ្តាលផ្លូវជាតិលេខ៥ ត្រង់ចំណុចខាងលិចផ្លូវចូលវិទ្យាល័យកូប ប្រហែល១០០ម៉ែត្រ ស្ថិតក្នុងភូមិណាកាឆាយ ឃុំកូប ស្រុកអូរជ្រៅ ខេត្តបន្ទាយមានជ័យ។
លោកឆេង អ៊ីសុខា អធិការស្រុកអូរជ្រៅបានប្រាប់ឲ្យដឹងនៅព្រឹកថ្ងៃទី១៣ ខែកុម្ភៈ ឆ្នាំ២០១៥នេះថា ករណីខាងលើនេះ គឺ បណ្តាលមកពីរថយន្តកាមរីបើកបរលឿង និងស្ថានភាពផ្លូវយប់ងងឹតផងនោះទើបងាយបង្កអោយមាន គ្រោះថ្នាក់យ៉ាងដូច្នេះ ។ រថយន្តបង្កម៉ាកកាមរី ចង្កូតស្តាំ សេរីឆ្នាំ១៩៩៥ ពណ៌ទឹកប្រាក់ គ្មានស្លាកលេខ។ ចំណែកម៉ូតូម៉ាកហុងដាឌ្រីម ស៊េរីឆ្នាំ២០០៧ សេ125 ពណ៌ខ្មៅ ស្លាកលេខ កណ្តាល 1D -2203 បើកច្រាសទិសគ្នា (រថយន្តពីកើតទៅលិច) បណ្តាលអោយអ្នកជិះម៉ូតូទាំង ២នាក់ ស្លាប់នៅកន្លែងកើតហេតុមួយរំពេច។
លោកបន្តថា ជនគ្រោះទី១ឈ្មោះ សាន់ ចិត្ត ភេទប្រុស អាយុ២៥ឆ្នាំ (ស្លាប់បានប្រគល់សពជូនគ្រួសារ ) និងទី២ឈ្មោះ វង្ស ប្រុស ភេទប្រុស អាយុ ប្រហែល ២០ឆ្នាំ ស្លាប់ (ពុំទាន់មានគ្រួសារមកទទួលសាកសព ទុកនៅវត្តរតនៈនិមិត្ត) បច្ចុប្បន្នកម្លាំងសមត្ថកិច្ចនគរបាលស្រុកកំពុងតាមដានស្រាវជ្រាវរកគ្រួសាសពម្នាក់ទៀតផងដែរដើម្បីយកទៅធ្វើបុណ្យ ។ រីឯតៃកុងរថយន្តបង្កហេតុបានរត់គេចខ្លួនបាត់ស្រមោល បង្សល់ទុកតែរថយន្តប៉ុណ្ណោះ។ ក្រោយពីសមត្ថកិច្ចនគរបាកបានវាស់វែងរួចរាល់បានស្ទួយយករថយន្តបង្ក និងម៉ូតូរងគ្រោះយកទៅរក្សាទុកបណ្តុះអាសន្ននៅអធិការដ្ឋាននគរបាលស្រុកអូរជ្រៅដើម្បីរង់ចាំការដោះស្រាយតាមនិតិវិធីច្បាប់៕ ដោយ យីហាំង
