កូនប្រុសអាយុ៥ខែ ឪពុកម្តាយទី២ក្រីក្រពេក គ្មានលទ្ធភាពចិញ្ចឹមប្រកាសរកអ្នកទទួលយកទៅចិញ្ចឹម
ខេត្តកំពង់ឆ្នាំង៖ ប្រជាពលរដ្ឋក្រីក្រ ដែលជាឪពុកម្តាយចិញ្ចឹមទី២ របស់កុមារអាយុ៥ ខែម្នាក់ដោយគ្មានលទ្ធភាពចិញ្ចឹមកូនតទៅទៀត នៅព្រឹកថ្ងៃទី២៨ ខែកុម្ភៈ ឆ្នាំ២០១៥ បាននាំយកកូនប្រុសមកជួបលោកស្រីចៅសង្កាត់កំពង់ឆ្នាំង ក្រុងកំពង់ឆ្នាំង ដើម្បីសុំអំពាវនាវរកឪពុកម្តាយ ចិញ្ចឹមទី៣ ដែលមានចិត្តធម៌សប្បុរស និងលទ្ធភាពទទួលយកកូនប្រុសទៅចិញ្ចឹមទុកជាកូនរបស់ខ្លួន។
ស្ត្រីចំណាស់ឈ្មោះ ពេជ មឿន អាយុ៦២ឆ្នាំ មានប្តីឈ្មោះ តួន សឿន អាយុ៥៥ឆ្នាំ រស់នៅភូមិព្រៃព្រាល ឃុំអញ្ចាញរូង ស្រុកបរិបូណ៌ បច្ចុប្បន្នមកស្នាក់នៅផ្ទះប្អូនស្រីឈ្មោះ ឃន មុំ នៅភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង បាននិយាយអោយដឹងថា៖ រូបគាត់បានទទួលយកកូនប្រុសម្នាក់ឈ្មោះ ឃុន សុខេនតាំងគេកើតបាន៧ ថ្ងៃពីម្តាយបង្កើតដែលមិនចង់ បាន កូននេះរស់ នៅស្រុកបរិបូណ៌មកចិញ្ចឹមមកដល់ពេលនេះកូនប្រុស នេះមានអាយុ៥ខែហើយ។ ចំណែករូបគាត់ និងប្តីកន្លងមកមានកូនសរុបចំនួន១៧នាក់ ប៉ុន្តែបានស្លាប់នៅសម័យប៉ុលពត និងឈឺស្លាប់អស់១១នាក់ សព្វថ្ងៃនៅរស់ចំនួន៦នាក់ និងបានបែកមានប្តីប្រពន្ធអស់ហើយ។
នៅព្រឹកថ្ងៃទី២៨ ខែកុម្ភៈ ឆ្នាំ២០១៥ ដោយសារតែជីវភាពក្រីក្រគ្មានប្រាក់ទិញ ទឹកដោះគោ អោយ កូនបៅ គាត់បានសំរេចចិត្តយកកូនប្រុសនេះ មកជួបជាមួយលោកស្រី កែវ សុផាត ចៅសង្កាត់កំពង់ឆ្នាំង ដើម្បីសុំអោយជួយប្រកាសរកឪពុកម្តាយចិញ្ចឹមទី៣ ដែលមានលទ្ធភាព និងចិត្តធម៌សប្បុរសទទួលយកកូនប្រុសគាត់ទៅចិញ្ចឹម ទុកជាកូនរបស់ខ្លួនតទៅ ដោយគាត់សុំ យកថិកាមួយចំនួនតែប៉ុណ្ណោះដើម្បីដោះស្រាយជីវភាពខ្វះខាតរបស់ក្រុមគ្រួសារគាត់។ រយៈ ពេល ៥ខែនេះគាត់គ្មានទឹកដោះគោអោយកូនគាត់បៅទេ គឺគាត់បានដាំទឹកបបរដាក់អំបិល ឡមៗ អោយកូនបៅពេលនេះកូនគាត់មិនសូវមានសុខភាពល្អទេ។
តាមការពិនិត្យជាក់ស្តែងកុមារាអាយុ៥ខែនេះ មានសម្បុរខ្មៅស្រអែមនិងមានសុខភាពមិន សូវ ល្អទេ លើខ្លួនប្រាណគេមានស្នាមមូសខាំច្រើន ក្រលៀននិងគូថរលាកដោយសារ តែឪពុក ម្តាយ ចិញ្ចឹមគេគ្មានលុយទិញម្សៅលាបអោយ និងគ្មានលុយទិញមុងគ្របអោយកូន ដែល មើល ទៅពិតជាគួរអោយអាណិតអាសូរខ្លាំងណាស់ ក្នុងពេលនេះដែរលោកស្រីចៅសង្កាត់ បានទិញម្សៅទឹកដោះគោ១កំប៉ុងនិងលុយ១ម៉ឺនរៀលទុកឆុងអោយគេបៅនិងទិញម្សៅលាប។
លោកស្រី កែវ សុផាត ចៅសង្កាត់កំពង់ឆ្នាំងបាននិយាយអោយដឹងថា៖លោកស្រីសំណូ មពរអោយអ្នកសារព័ត៌មានជួយផ្សព្វផ្សាយរកឪពុកម្តាយចិញ្ចឹមទី៣ដែលចង់បានកុមារានេះយកទៅចិញ្ចឹម ដែរតាមផ្លូវច្បាប់តម្រូវអោយឪពុកម្តាយទី៣មានអត្តសញ្ញាណច្បាស់លាស់ ធ្វើលិខិតស្មុំកូនតាមច្បាប់ នោះទើបឪពុកម្តាយចិញ្ចឹមទី២និងអាជ្ញាធរសង្កាត់ធ្វើលិខិត ប្រគល់ កូនប្រុសនេះយកទៅចិញ្ចឹមស្របច្បាប់ និងដោយមានការទទួលស្គាល់ពីតុលាការផងដែរ។ អ្នកចង់បានកូនប្រុសអាយុ៥ខែនេះយកទៅចិញ្ចឹម អាចទាក់ទងតាមទូរសព្ទ័របស់លោកស្រី ចៅ សង្កាត់កំពង់ឆ្នាំងលេខ ០១២ ៦០៥ ៩២១ ៕ ដោយ រិទ្ធិ ជ័យ
http://ift.tt/1GKNx7q
