សមត្ថកិច្ចព័ទ្ធចាប់បានអ្នកចែកចាយ និងប្រើប្រាស់ថ្នាំញៀន២នាក់
ខេត្តកំពង់ឆ្នាំង៖ ជនសង្ស័យជាអ្នកចែកចាយ និងប្រើប្រាស់ថ្នាំញៀន២នាក់ ត្រូវបានសមត្ថកិច្ច ឡោមព័ទ្ធចាប់ខ្លួនបាន និងដកហូតបានថ្នាំញៀន១កញ្ចប់តូច ជាប់នៅក្នុងខ្លួន។ ករណីបង្ក្រាប គ្រឿងញៀននេះបានធ្វើឡើងនៅម៉ោង៣និង២៥នាទីល្ងាចថ្ងៃទី០៧ ខែមិនា ឆ្នាំ២០១៥ នៅ ចំណុចមុខស្តាតចាស់ ក្នុងភូមិធម្មយុត្តិ សង្កាត់ប្អេរ ក្រុងកំពង់ឆ្នាំង។
សមត្ថកិច្ចនគរបាលក្រុងកំពង់ឆ្នាំង និងសមត្ថកិច្ចការិយាល័យនគរបាលប្រឆាំងគ្រឿង ញៀន ខេត្ត ដែលបានសហការបង្ក្រាបករណីនេះបានអោយដឹងថា៖ ជនសង្ស័យទាំង២នាក់នេះ មាន១.ឈ្មោះ នង ចាន់ធី អាយុ២២ឆ្នាំ រស់នៅភូមិសន្ទូច ឃុំស្រែថ្មី ស្រុករលាប្អៀរ ២.ជាកម្លាំង សម្ងាត់សុំលាក់ឈ្មោះ។
មុនពេលចាប់ខ្លួនឈ្មោះ នង ចាន់ធី ត្រូវបានមេថ្នាំញៀនម្នាក់នៅក្នុងភូមិធម្មយុត្តិ ទូរស័ព្ទ ហៅអោយទៅយកថ្នាំញៀន១កញ្ចប់តូច យកទៅលក់អោយម៉ូយម្នាក់ ពេលនោះគេក៏បានហៅ កម្លាំងសម្ងាត់ដែលស្គាល់គ្នាដែលមានម៉ូតូឌុបទៅយកថ្នាំញៀនពីមេថ្នាំញៀននោះ ពេលយកថ្នាំ ញៀនត្រឡប់មកលក់អោយម៉ូយនៅមុខស្តាតចាស់ប៉ែកខាងជើង ក៏ត្រូវសមត្ថកិច្ចព័ទ្ធចាប់ខ្លួន បាន តែម្តងវត្ថុតាងដែលសមត្ថកិច្ចដកហូតបានរួមមាន៖ ថ្នាំញៀនម៉ាទឹកកក១មួយកញ្ចប់តូច ទូរស័ព្ទដៃ៤គ្រឿងលុយ១៩ម៉ឺនរៀល និងម៉ូតូស្មាស់ពណ៌ខ្មៅ១គ្រឿង។
នៅមុខសមត្ថកិច្ចជនសង្ស័យឈ្មោះ នង ចាន់ធី បានសារភាពថា៖ រូបគេជាអ្នកប្រើ ប្រាស់ថ្នាំញៀន បាន២ទៅ៣ដងហើយដោយម៉ូយប្រើប្រាស់ថ្នាំញៀនចែកអោយប្រើ និងត្រូវ មេថ្នាំញៀនដែលស្គាល់គ្នា ប្រើអោយយកថ្នាំញៀនទៅលក់អោយម៉ូយ។ ជនសង្ស័យទាំង២នាក់រួមនិងវត្ថុតាង ត្រូវបានសមត្ថកិច្ចកសាងសំណុំរឿងបញ្ជូនខ្លួនទៅ កាន់តុលាការខេត្ត ដើម្បីធ្វើការស្រាវជ្រាវបន្ត និងចោទប្រកាន់ផ្តន្ទាទោសតាមផ្លូវច្បាប់៕ ដោយ រិទ្ធិ ជ័យ
http://ift.tt/1F2uLcM
