រថយន្តដឹកក្បឿងដាច់កង់ក្រោយបុករថយន្តដឹកដំឡូងមីក្រឡាប់បះជើង អ្នកបើកបររថយន្ត ម្នាក់ របួសរយះស្លឹកត្រចៀក
ខេត្តកំពង់ឆ្នាំង៖ អ្នកបើកបររថយន្តម្នាក់បានរបួសរយះស្លឹកត្រចៀក នៅក្នុងគ្រោះថ្នាក់ចរាចរណ៍មួយដោយរថយន្តហ៊ីយ៉ាន់ដាយដឹកក្បឿងបានដាច់កង់ក្រោយទៅបុករថយន្តដឹកដំឡូងមីក្នុងទិសបញ្ច្រាសគ្នា បណ្តាលអោយរថយន្តដឹកដំឡូងមីក្រឡាប់បះជើងធ្លាក់ក្នុងស្រែ។ ហេតុការណ៍នេះបានកើតឡើងនៅវេលាម៉ោង៧ និង០៥នាទីព្រឹកថ្ងៃទី២៧ ខែមិនា ឆ្នាំ២០១៥ លើផ្លូវជាតិលេខ៥ ចន្លោះគីឡូម៉ែត្រលេខ៩៨ និង៩៩ ក្នុងភូមិខ្វិត ឃុំពង្រ ស្រុករលាប្អៀរ។
សមត្ថកិច្ចនគរបាលចរាចរណ៍ស្រុករលាប្អៀរបានអោយដឹងថា៖រថយន្តរងគ្រោះម៉ាកហ៊ី យ៉ាន់ដាយ ពណ៌ខៀវពាក់ស្លាកលេខ តាកែវ3A-1088 បើកបរដោយឈ្មោះ ខេង រ៉ាអាយុ៣៨ឆ្នាំ បានរងរបួសរយះស្លឹកត្រចៀកខាងឆ្វេង គាត់រស់នៅភូមិដំណាក់ត្រាច ឃុំរំលិច ស្រុកបាកាន ខេត្តពោធិសាត់ ដឹកដំឡូងមីពីជើងទៅត្បូង។ ចំណែករថយន្តបង្ក ម៉ាកហ៊ីយ៉ាន់ដាយពណ៌ស្លែ ពាក់ស្លាកលេខ ន.០១៨៩ ភព៣ បើកបរដោយឈ្មោះ ជា សាវុន អាយុ២៦ឆ្នាំ រស់នៅភូមិព្រៃទទឹង ឃុំស្វាយប្រទាល ស្រុកស្អាង ខេត្តកណ្តាលដឹកក្បឿងពេញរថយន្តបើកបរទិសដៅពីត្បូងទៅជើងក្នុងទិសបញ្ច្រាសគ្នាជាមួយរថយន្តរងគ្រោះ។
ក្រោយពេលពិនិត្យកន្លែងកើតហេតុសមត្ថកិច្ចបានអោយដឹងថា៖ ក្នុងពេលកើតហេតុរថយន្តគឺរថយន្តដឹកក្បឿងកំពុងបើកបរបានដាច់ក្រោយផ្នែកខាងឆ្វេង ហើយបានរេចង្កូតទៅបុក រថយន្តដឹកដំឡូងមី ក្រឡាប់បះជើងធ្លាក់ក្នុងស្រែតែម្តង។ ករណីនេះសមត្ថកិច្ចសន្និដ្ឋានថា៖មក ពីរថយន្តដឹកក្បឿងដឹកក្បឿងដឹកលើសចំណុះ និងម្យ៉ាងប្រហែលជាខ្ចៅបូឡុងតាកេ ចុងដុំកង់រថយន្តរលុងផង ទើបបណ្តាលអោយខ្ចៅដាច់រហូតកង់ និងបង្កអោយមានគ្រោះថ្នាក់ដូចខាងលើនេះតែម្តង។ គ្រោះថ្នាក់ក៍ជាមេរៀនមួយសំរាប់អ្នកបើកបររថយន្តទាំងឡាយគួរតែប្រុងប្រយត្ន័ផងដែលក្នុងពេលដឹកឥវ៉ាន់ធ្ងន់ៗ។
រថយន្តទាំង២គ្រឿងត្រូវបានសមត្ថកិច្ចយកមករក្សាទុក នៅក្នុងស្នងការដ្ឋាននគរបាល ខេត្ត កសាងសំណុំរឿងតាមផ្លូវច្បាប់ ដោះស្រាយគ្នាតាមនិតិវិធី៕ ដោយ រិទ្ធិ ជ័យ
http://ift.tt/1FPQFla
