អាងថ្ងៃសិទ្ធិនារី នាំសាហាយឡើងផ្ទះសំណាក់ ប្តីតាមទាន់លុតជង្គង់អង្វរសុំត្រូវគ្នាវិញ
(សៀមរាប)៖ រឿងរ៉ាវសាហាយស្មន់មួយបានកើតឡើង ខណៈដែលស្រ្តីម្នាក់ ជាបុគ្គលិកធនាគារ ក្នុងខេត្តឧត្តរមានជ័យ បានណាត់ប្រុសស្នេហ៍ឡើងឋានសួគ៌ ក្នុងផ្ទះសំណាក់ ហើយត្រូវបានប្តីតាមទាន់ រួចប្តឹងសមត្ថកិច្ចឃាត់ខ្លួន បានទាំង២នាក់ ប៉ុន្តែស្ត្រីរូបនេះបានសុំអង្វរសុំទោសប្តី ដើម្បីឲ្យរួចផុតពីសំណាញ់ច្បាប់ ខណៈបុរសជាប្រុសស្នេហ៍រត់គេចខ្លួនបាត់ ។
ហេតុការណ៍នេះ បង្កឱ្យមានការភ្ញាក់ផ្អើល នៅថ្ងៃទី០៨ មីនា ២០១៥ ស្ថិតនៅភូមិវត្តបូព៌ សង្កាត់សាលាកំរើក ក្រុងសៀមរាប។
សមត្ថកិច្ចបានឲ្យដឹងថា បុរសជាសាហាយឈ្មោះ តូន សុគរី ភេទប្រុស អាយុ២៦ឆ្នាំ មុខរបរមិនពិតប្រាកដ នៅខេត្តបាត់ដំបង និងស្ត្រីដែលឥតកេរ្តិ៍ខ្មាសត្រូវប្តី ប្តឹង ឈ្មោះ ព.ស.ហ អាយុ៣០ឆ្នាំ ជា រស់នៅសង្កាត់-ក្រុងសំរោង ខេត្តឧត្តរមានជ័យ ។ ចំណែកបុរសជាប្តីឈ្មោះ ជិន សុគុណ ភេទប្រុស អាយុ២៦ឆ្នាំ មុខរបរជាប៉ូលិស ក្រុងសំរោង រស់នៅជាមួយប្រពន្ធ មានកូនស្រីម្នាក់ អាយុ២ឆ្នាំ៕
ប្រភព៖ FRESHNEWS
from Khmernote - The best entertainment website in Cambodia http://ift.tt/1BiP5Fg
