ជនជាតិភាគតិច បោះបង់សំលៀកបំពាក់ប្រពៃណី បែរមកស្លៀកសំលៀកបំពាក់ទាន់សម័យ
ខេត្តមណ្ឌលគិរី៖ ខេត្តមណ្ឌលគិរី គឺជាខេត្តមួយដែលស្ថិតនៅតំបន់ភូមិភាគឦសាន ហើយប្រជាពលរដ្ឋរស់នៅក្នុងខេត្តមួយនេះភាគច្រើនជាជនជាតិដើមភាគតិច(ព្នង)។ គេប្រាដកជានឹកឃើញអំពីរូបភាពនៃការស្លៀកសំលៀកបំពាក់បែបប្រពៃណីរបស់ជនជាតិភាគតិចឬខ្មែរលើ តែនា ពេលបច្ចុប្បន្នគេកម្របានឃើញពួកគាត់ ប្រើប្រាស់ខោអាវបុរាណនោះខ្លាំងណាស់ ព្រោះតែការវិវត្តន៍របត់នៃសង្គម ភាពទាន់សម័យបានធ្វើឲ្យប្រពៃណីទំនៀមទម្លាប់ពីដូនតាជនជាតិ ភាគតិចត្រូវ ប្រឈមនឹងការបាត់បង់បន្តិចម្តងៗ។
លោកពូម៉ុប គ្រែត អាយុ ៥៤ឆ្នាំ ជាជនជាតិព្នងរស់នៅភូមិពូលូង សង្កាត់រម្យនា ក្រុងសែនមនោរម្យបាននិយាយទាំងដកដង្ហើមវែងៗថា៖ «ធ្វើមិចក្មួយសម័យនេះគេលែងពាក់ហើយ អាខោអាវពីមុននោះ…ព្រោះក្មេងឥឡូវគេចូលចិត្ត…អាណាទាន់សម័យ»។ បើទោះជាយ៉ាងណា គេនៅសង្កេតឃើញសំលៀកបំពាក់ ដូចតារបស់ជនជាតិភាគតិច នៅតែទទួលបានការចាប់អារម្មណ៍ពីសំណាក់ អ្នកផលិតកុន និងចម្រៀង កាយវិការមួយចំនួន បានជ្រើសរើសយកសំលៀកបំពាក់ប្រពៃណីរបស់ជនជាតិភាគ ទៅស្លៀកពាក់សម្តែងដើម្បីទទួលបានការចាប់ អារម្មណ៍ ពីទស្សនិជន។
កញ្ញា មុំ ពិសី អ្នករស់នៅខេត្តកំពង់ចាមដែលបានមកលេងទឹកជ្រោះប៊ូស្រាជាមួយគ្រួសារនាងនាពេលកន្លងមកបានឲ្យដឹងថា៖ «វារាង សិចស៊ីបន្តិចមែនបង…ប៉ុន្តែវាក៏ស្អាតម្យ៉ាងដែរ..ហើយបើយើងមកលេងនៅ តំបន់ នេះហើយមិនបានស្លៀកថតអួតមិត្តភ័ក្ត្រគឺ ពិតជាគួរឲ្យស្តាយ ខ្លាំងណាស់ ព្រោះមិនងាយបានមក លេងទេ….»។ ស្ថិតនៅក្នុងន័យស្រដៀងគ្នានេះដែលលោកសុវណ្ណ បញ្ញា និសិត្សមកពីរាជធានីភ្នំពេញបាន បញ្ចេញយោបល់ថា៖ «ដំបូងខ្ញុំមិនហ៊ានស្លៀកពាក់ទេ…ដូចជាអៀនៗខ្លួនឯងម៉េចមិនដឹងទេ…តែនៅពេលមិត្តភ័ក្ត្រជំរុញឲ្យស្លៀកដើម្បីថតរូប ជុំគ្នាទុកជាអនុស្សាវរីយ៍ ខ្ញុំក៏ដាច់ចិត្តស្លៀកតែម្តងទៅ»។
ជាការពិតការរស់នៅរបស់មនុស្សបច្ចុប្បន្នរមែងមានការផ្លាស់ប្តូរពីមួយថ្ងៃទៅមួយថ្ងៃ មនុស្សគ្រប់ៗរូបដែល ចង់បានភាពងាយស្រួល ក្នុងការរស់នៅ ដូច្នេះហើយការអភិវឌ្ឍន៍របស់សង្គមជាតិ តែងជួបប្រទះនូវការប៉ះពាល់ ដល់ប្រពៃណីវប្បធម៌មួយចំនួនរបស់ មនុស្សជំនាន់ដើម។ បច្ចុប្បន្នជនជាតិភាគតិចដែលរស់នៅខេត្តមណ្ឌលគិរីស្ទើរ១០០%បានកំពុងបោះបង់ចោល នូវរបៀបរស់នៅតាមយថាកម្ម ដូចការពីមុន ដោយពួកគាត់បានរៀនរបៀបរស់នៅតាមបងប្អូនខ្មែរកណ្តាល រាល់ពេលឈឺថ្កាត់ទៅមន្ទីរពេទ្យ បញ្ជូនកូនទៅសាលារៀន ចេះចិញ្ចឹមសត្វនិង បង្កបង្កើនផលកសិកម្មតាមបែបសម័យទំនើប។ សូម្បីតែខោអាវប្រពៃណីដូនតា (ប៉ឹង) ក៏គេកម្របានឃើញពួកគាត់ស្លៀកពាក់ជាសាធារណៈ ណាស់។ គឺពួកគាត់ស្លៀកពាក់តាមរបៀប អ្នករស់នៅតំបន់ភូមិភាគកណ្តាល មានខោជើងវែង អាវដៃវែង នឹងខោអាវម៉ូតសម័យផ្សេងៗ ទៀត ខុសប្លែកកាលពីមុនស្រុកមិនទាន់មានសុខសន្តិភាពពេញលេញ ការស្លៀកពាក់របស់ពួកគាត់គឺនៅប្រើប្រាស់បែបប្រពៃណីច្រើន តួយ៉ាងដូចជា៖ ស្ត្រីមានស្លៀកតែសំពត់ លែងល្វែងលើ ចំណែកបុរសគ្រាន់តែយកក្រណាត់មកបិទលាក់ កន្លែងកេរ្តិ៍ខ្មាស់ប៉ុណ្ណោះ។
យោងតាមមន្ត្រីមន្ទីរវប្បធម៌ខេត្តបានឲ្យដឹងថា៖ ទោះបីប្រជាពលរដ្ឋជនជាតិភាគតិចបានបោះបង់លែងស្លៀកពាក់សំលៀលបំពាក់ ប្រពៃណីក៏ដោយ ប៉ុន្តែមន្ទីរជំនាញខេត្តបានយកចិត្តទុកដាក់ ចូលរួមអភិរក្សមិនឲ្យមានការបាត់បង់ឡើយ «យើងមានបង្កើតក្រុម របាំប្រពៃណី ជនជាតិដែល មានស្លៀកសំលៀកបំពាក់បុរាណ មិនត្រឹមតែប៉ុណ្ណោះនៅតាមទីរមណីយដ្ឋានមួយចំនួនធំក្នុងខេត្ត ក៏មានកន្លែងសម្រាប់ជួលខោ អាវ ជនជាតិសម្រាប់ភ្ញៀវទេសចរណ៍ផងដែរ៕ ដោយឦសាន២
http://ift.tt/1KqnQ1D
