ជិតដល់ថ្ងៃខួប១ឆ្នាំ នៃការបាត់ យន្តយោះ MH370 ឥឡូវអូស្ត្រាលីថា ប្រតិបត្តិការ ស្វែងរកនឹងត្រូវបញ្ឈប់ក្នុងពេលឆាប់ៗនេះ!

(អូស្ត្រាលី)៖ ការងារស្រាវជ្រាវស្វែងរកយន្តហោះម៉ាឡេស៊ី MH370 មិនអាចបន្តទៅមុខជារៀងរហូតបានទេ នេះបើតាមការលើកឡើងរបស់ឧបនាយករដ្ឋមន្ត្រីអូស្ត្រាលី បន្ទាប់ពីអូស្រ្តាលី ចិន និងម៉ាឡេស៊ីបានពិភាក្សាគ្នាជាស្រេច ក្នុងការបញ្ឈប់ការរុករក នេះបើយោងតាមព័ត៌មាន Channel News Asia ចេញផ្សាយនៅថ្ងៃទី០២ ខែមីនានេះ។

កន្លងមកការស្វែងរកយន្តហោះ Boing 777 ជើងហោះហើរ MH370 ដែលបានបាត់ដំណឹងអស់រយៈពេលជិ តមួយឆ្នាំមកនេះ បានធ្វើឡើងនៅបាតសមុទ្រក្នុងផ្ទៃក្រឡាប្រមាណជាង៦ម៉ឺនគីឡូម៉ែត្រការ៉េ ដោយក្នុងនោះរួមតំបន់ភាគខាងលិចទីក្រុង Perth ប្រទេសអូស្រ្តាលី ជាកន្លែងដែលអ្នកជំនាញជឿថា យន្តហោះធ្លាក់។ ការស្រាវជ្រាវនេះនឹងអាចបញ្ចប់នៅក្នុងខែឧសភា ឆ្នាំ២០១៥ខាងមុខនេះ។

គួរបញ្ជាក់ផងដែរថា យន្តហោះ MH370 បានបាត់ខ្លួន កាលពីថ្ងៃទី០៨ ខែមីនា ឆ្នាំ២០១៤ ក្នុងជើងហោះហើរពីទីក្រុងកូឡាឡាំពួរ ទៅកាន់ក្រុងប៉េកាំងប្រទេសចិន ដោយមានមនុស្សសរុបទាំងអស់ ២៣៩នាក់៕

ប្រភព៖ FRESHNEWS

from Khmernote - The best entertainment website in Cambodia http://ift.tt/1vWeTXa