ឡានក្រុងក្រុមហ៊ុនសូរិយា ឆក់យកជីវិតបុរសអ្នកជិះម៉ូតូ ២នាក់ និងស្ត្រីម្នាក់សល់ដង្ហើមចង្រឹត
ខេត្តព្រៃវែង៖ បុរស២នាក់ និងស្ត្រីម្នាក់ ខណៈពួកគេកំពុងជិះម៉ូតូវីវ៉ាឌុបគ្នា ត្រូវបានរថយន្តក្រុង របស់ក្រុមហ៊ុន ដឹកជញ្ជូនអ្នកដំណើរសូរិយាប្រភេទ ៤៥កៅអី ពាក់ស្លាកលេខ ភ្នំពេញ 3B-0782 ឆ្ពោះមកទីក្រុងភ្នំពេញ បើកបញ្ច្រាសទិសគ្នាបុកពេញទំហឹងចំពីមុខពេញទំហឹងខ្ទាតម៉ូតូជាប់ពីក្រោមរថយន្ត ចំណែកអ្នកជិះម៉ូតូទាំង៣នាក់បានផ្លោង បោកលើថ្នល់ បណ្តាលឲ្យបែកល្បាលស្លាប់២នាក់ និងស្ត្រីម្នាក់ទៀតរបួសធ្ងន់។ ហេតុការណ៍នេះបានកើត ឡើង កាលពីវេលាម៉ោង១៨ និង០០នាទីល្ងាចថ្ងៃទី១៩ ខែមេសា ឆ្នាំ២០១៥ នៅចំណុចផ្សារកំពង់សឹង ភូមិក្រាំងក្អុក ឃុំកំពង់សឹង ស្រុកព្រះស្តេច ខេត្តព្រៃវែង។
សម្ថកិច្ចបានខណៈចុះវាស់វែងបានឲ្យដឹងថា បន្ទាប់ពីបង្កហេតុ តៃកុងរថយន្តដែលមិនស្គាល់អត្តសញ្ញាណ បានរត់គេចខ្លួន។ ចំណែកជនរងគ្រោះដែលស្លាប់ និងរបួសមានឈ្មោះ ស៊ឹម ឆេន ភេទប្រុស អាយុ ៣៥ឆ្នាំ និង ឈ្មោះ មៅ ឆៃ ភេទប្រុស អាយុ១៨ឆ្នាំ បានស្លាប់នៅនឹងកន្លែង និងឈ្មោះ សឹម ខេន ភេទស្រី អាយុ៣៣ឆ្នាំ បានរងរបួសធ្ងន់។ ពួកគេទាំង ៣នាក់ រស់នៅភូមិតាណាល ឃុរំចេក ស្រុកព្រះស្តេច ខេត្តព្រៃវែង៕
http://ift.tt/1bjMfX8
