រថយន្តយីឌុបដឹកក្បឿងពេញ ខណៈមេឃភ្លៀង តៃកុងឈាមរាយបង្កើនល្បឿវ៉ារថយន្តនៅពីមុខ បានជ្រុលទៅបុក រថយន្តទួរីសដឹកអ្នកដំណើរខ្ទេចមួយចំហៀង បង្កឲ្យមនុស្ស៥នាក់ រងរបួស ចំណែកតៃកុងឈាមរាវនោះដាក់មេប្រូចបាត់
ខេត្តកំពង់ឆ្នាំង៖ មនុស្ស៥នាក់ដោយមានក្មេងម្នាក់ផង បានរងរបួសជាមធ្យម នៅក្នុងករណីរថយន្តយីឌុប ធុនធំភ្លៅ៥ ដឹកក្បឿងពេញបើកលឿន រអិលទៅបុកចំផ្នែកខាងស្តាំរថយន្តទួរីសពេញទំហឹងខណៈពេលមានភ្លៀងធ្លាក់ ក្នុងទិសដៅបញ្ច្រាសទិសគ្នា។ ហេតុការណ៍គ្រោះថ្នាក់នេះបានកើតឡើងនៅវេលាម៉ោង៩ និង១៥នាទីព្រឹកថ្ងៃទី២៧ ខែមេសា ឆ្នាំ២០១៥ តាមបណ្តោយផ្លូវជាតិលេខ៥ ចន្លោះគីឡូម៉ែត្រ លេខ៣៩ និង៤០ ស្ថិតក្នុងភូមិពោធិរិទ្ធីក្រៃ ឃុំស្វាយ ស្រុកសាមគ្គីមានជ័យ។
លោកអធិការស្រុកសាមគ្គីមានជ័យបានអោយដឹងថា៖ ជនរងគ្រោះទាំង៥នាក់ មានឈ្មោះ ១.ម៉ៅ ម៉ុយ អាយុ១៣ឆ្នាំ ភេទប្រុស, ២.មាន សាវុធ អាយុ៤៦ឆ្នាំ ភេទប្រុស, ៣.មាន សាវ៉ាន អាយុ៤៥ឆ្នាំ ភេទប្រុស, ៤.នាង សុគា ភេទស្រី អាយុ៣៦ឆ្នាំ, និងទី៥ឈ្មោះ សុវណ្ណ វុទ្ធី អាយុ៤២ឆ្នាំ ភេទប្រុស។ ពួកគាត់ទាំងអស់គ្នារស់នៅក្នុងឃុំផ្សារដូនកែវ ស្រុកបាកាន ខេត្តពោធិសាត់។
មុនពេលកើតហេតុគេឃើញរថយន្តយីឌុបភ្លៅ៥ បានផ្ទុកក្បឿងពេញ បើកបរក្នុងទិសដៅពីជើងទៅត្បូង លុះមកដល់ចំណុច កើតហេតុ អ្នកបើកបរបានវ៉ារថយន្តមួយគ្រឿងទៀត ដែលកំពុងបើកបរស្របទិសគ្នា ខណៈពេលកំពុងវ៉ាបានបន្តិច ស្រាប់តែតួ រថយន្ត បានរអិលទៅខាងឆ្វេងដៃ បុករថយន្តទួរីសដឹកអ្នកដំណើរពេញ ក្នុងទិសដៅច្រាស់ទិសគ្នាពេញទំហឹង បណ្តាលអោយអ្នកជិះនៅក្នុងរថយន្តទួរីសរងរបួសជាមធ្យមចំនួន៥នាក់។
ក្រោយពេលកើតហេតុជនរងគ្រោះទាំងអស់ត្រូវបានគេដឹកបញ្ជូនទៅសង្គ្រោះព្យាបាលនៅមន្ទីរពេទ្យស្រុកឧត្តុង្គ ខេត្តកំពង់ស្ពឺ បន្ទាប់មកនៅវេលាម៉ោង១២ថ្ងៃត្រង់ ពួកគាត់បានរំរបួសរួច និងបាននាំគ្នាវិលត្រឡប់ ទៅលំនៅដ្ឋានវិញអស់ហើយ។ ដោយឡែកអ្នក បើកបររថយន្តយីឌុបភ្លៅ៥ខាងលើ ក្រោយពេលកើតហេតុបានបើកទ្វារលោតចុះដាក់មេប្រូចបាត់ រីឯអ្នកបើកបររថយន្តទួរីសវិញមិនបានរត់ទៅណានោះទេ។
រថយន្តទាំង២គ្រឿងត្រូវបានសមត្ថកិច្ចនគរបាលចរាចរណ៍ស្រុកអូសយកមករក្សាទុកនៅអធិការដ្ឋានស្រុកសាមគ្គីមានជ័យ ដើម្បីកសាងសំណុំរឿងដោះស្រាយតាមផ្លូវច្បាប់៕ ដោយ រិទ្ធិ ជ័យ
http://ift.tt/1A9ysrT
