លោក អ៊ុក ដារ៉ាន់ ប្រធានគ យោធាសឹករងស្រុកម៉ាឡៃ ចាប់ភ្នាក់ងារទូរទស្សន៍ប៉ុស្ដិ៍លេខ៥ និងភ្នាក់ងារការសែតកោះសន្តិភាព ដកហូតយករថយន្ដ និងកាម៉េរ៉ាលុបរូបភាពចេញដើម្បីលាក់បាំងភស្តុតាងបទល្មើស
ខេត្តបន្ទាយមានជ័យ ៖ ភ្នាក់ងារយកព័ត៌មាន របស់ស្ថានីយទូរទស្សន៍ប៉ុស្ដិ៍លេខ៥ គឺ លោក កែ វុទ្ធី និងអ្នកកាសែតកោះសន្ដិភាព ឈ្មោះ មុត សារុ ត្រូវបានក្រុមមន្ដ្រីយោធានៅបន្ទាយទី១ ស្ថិតនៅភូមិបន្ទាយទី១ ឃុំទួលពង្រ ស្រុកម៉ាឡៃ ខេត្ដបន្ទាយមានជ័យ ដកហូតយកកាមេរ៉ា និងរថយន្ដ១គ្រឿង ខណៈដែលអ្នកយកព័ត៌មាននោះ កំពុងចុះទៅព័ត៌មានថតរូបយករូបភាព ស្ដីពីពលករឆ្លងដែនខុសច្បាប់ ទៅកាន់ប្រទេសថៃ កាលពីព្រឹកថ្ងៃទី២៧ ខែមេសា ឆ្នាំ២០១៥។
អ្នកយកព័ត៌មានទាំងពីររូបបានឲ្យដឹងថា បន្ទាប់ពីពួកគេទទួលបានព័ត៌មាន ស្ដីពីការបង្ហូរពលករឆ្លងដែនដោយ ខុសច្បាប់ ទៅ កាន់ប្រទេសថៃ និងមានសកម្មភាពចរាចរណ៍ទំនិញគេចពន្ធ នៅច្រករបៀងបង្កើតឡើងដោយមេបញ្ជាការយោធាសឹក រងស្រុក ម៉ាឡៃ ឈ្មោះ អ៊ុក ដារ៉ាន់ ប៉ុន្ដែខណៈពេលកំពុងថតពីសកម្មភាពពលករចំណាកស្រុកនោះ ស្រាប់ តែមន្ដ្រីយោធានៅ បន្ទាយទី១ ចុះមករារាំង ព្រមទាំងដកហូតយកកាមេរ៉ា និងរថយន្ដពីអ្នកយកព័ត៌មាន ។
អ្នកយកព័ត៌មានទាំងពីររូបនោះបានឲ្យដឹងទៀតថា ក្រោយពីមានដកហូតកាម៉េរ៉ា និរថយន្តនោះកើតឡើង អ្នកយកព័ត៌មានរបស់ស្ថានីយទូរទស្សន៍ប៉ុស្ដិ៍លេខ៥ និងម្នាក់នៅកាសែតកោះ សន្ដិភាព ត្រូវបានលោក អ៊ុក ដារ៉ាន់ ជាមន្ដ្រីយោធា មានតួនាទីជាប្រធាន គ យោធាសឹក រងស្រុកម៉ាឡៃ សម្រេចប្រគល់កាមេរ៉ា និងរថយន្ដឲ្យមកវិញ ដោយដោះដូរលុបរូបភាព ក្នុងកាមេរ៉ា និងទូរស័ព្ទចេញទាំងអស់ទើបប្រគល់ជូនវិញ។
ប្រភពព័ត៌មានបានបន្ដថា អ្នកដែលបញ្ជា ឲ្យចាប់ដកហូតកាមេរ៉ា និងរថយន្ដរបស់អ្នក កាសែតនោះ គឺលោក អ៊ុក ដារ៉ាន់ នេះតែម្ដង ដោយមូលហេតុថា មកពីអ្នកកាសែតទាំង នោះ បានចូលទៅថត និងយកព័ត៌មានស្ដីពី ភាពមិនប្រក្រតីរបស់អង្គភាពយោធាការ ដែលពាក់ព័ន្ធនឹងការអនុញ្ញាតឲ្យពលករខុសច្បាប់រាប់សិបនាក់ឆ្លងដែនទៅកាន់ប្រទេសថៃខុសច្បាប់ និងទំនិញគពន្ធ ម៉ូតូ រួមទាំងឈើផងដែរ ដូច្នេះហើយទើបកូនចៅ និងក្នុងនាមជាអ្នកទទួលខុសត្រូវបានប្រព្រឹត្ត ទង្វើមិនត្រឹមត្រូវខាងលើនេះ ។
ប្រពភពីប្រជាពលរដ្ឋ បានបង្ហើបថា លោក អ៊ុក ដារ៉ាន់ ជាមន្ដ្រីយោធា មានតួនាទីជាប្រធាន គ យោធាសឹករងស្រុកម៉ាឡៃ ខាងលើនេះ គឺតែងតែបានឃុបឃិតជាមួយ និងបុគ្គលម្នាក់ ដែលគេស្គាល់ថា ឈ្មោះសំណាងជាឈ្មួញរកស៊ីនាំម៉ូតូគេចពន្ធពី ប្រទេសថៃ ។ ពលរដ្ឋបន្តថា ច្រកឆ្លងដែននៅបន្ទាយទី១ ស្ថិតនៅភូមិបន្ទាយទី១ ឃុំទួលពង្រ ស្រុកម៉ាឡៃនេះបច្ចុប្បន្នបានឃុបឃិតជាមួយឈ្មួញ លួចនាំចេញម៉ូតូ និងទំនិញ និងបើកចំហឲ្យពលករ ឆ្លងដែនទៅទឹកដីថៃជារៀងរាល់ថ្ងៃ ។
ប្រភពបន្តថាទៀតថា លោក អ៊ុក ដារ៉ាន់ ជាមន្ដ្រីយោធាមានតួនាទីជាប្រធាន គ យោធាសឹករង ស្រុកម៉ាឡៃខាងលើនេះ បានឃុបឃិតជាមួយមន្ត្រីជំនាញ បានលួចនាំរថយន្តទំនើប ប្រើប្រាស់ផ្ទាល់ខ្លួនតាមច្រករបៀងនោះ ហើយបានយករថយន្តនោះបាញ់ពណ៌ត្រេអ៊ី មានម៉ាកម៉ាស់ស្តា ស៊េរីទំនើប ពាក់ស្លាកលេខ ខេមរភូមិន្ទ០៧ 2-3720 ។ ទោះយ៉ាងណាប្រភពមិនបានបញ្ជាក់ឲ្យដឹងថាច្រកនោះមាននាំចូលរថយន្តដែរនោះទេ៕ ដោយ យីហាំង
http://ift.tt/1EJJeMR