មុខសញ្ញាប្រើប្រាស់ និងចែកចាយថ្នាំញៀន ត្រូវសមត្ថកិច្ចចាប់ខ្លួន
ខេត្តរតនគិរី៖ ជនសង្ស័យម្នាក់សកម្មចែកចាយ និងប្រើប្រាស់ថ្នាំញៀន ត្រូវសមត្ថកិច្ចនគរបាលប៉ុស្តិ៍សង្កាត់ឡាបានសៀកសហការជាមួយកម្លាំងសមត្ថកិច្ចនគរបាលជំនាញនៃការិយាល័យប្រឆាំងគ្រឿងញឿន ស្នងការដ្ឋាននគរបាលខេត្តរតនគិរី ឃាត់ខ្លួន នៅត្រង់ចំណុចផ្លូវលំមួយខ្សែស្ថិតក្នុងភូមិអភិវឌ្ឍន៍សង្កាត់ឡាបានសៀក ក្រុងបានលុង កាលពីវេលាម៉ោង១៦ និង១០នាទីល្ងាច ថ្ងៃទី២៧ ខែមេសា ឆ្នាំ២០១៥។
យោងតាមការឲ្យដឹងពីសមត្ថកិច្ចប៉ុស្តិ៍នគរបាលសង្កាត់ឡាបានសៀក បានឲ្យដឹងថា សង្ស័យដែលបានឃាត់ខ្លួនមានឈ្មោះ នឿន ម៉េងហ៊ួរ ភេទប្រុស អាយុ២៣ឆ្នាំជនជាតិខ្មែរ មានទីលំនៅនិងមុខរបរមិនពិតប្រាកដ រីឯសម្ភារៈដែលដកហូតបានរួមមាន ម្សៅក្រាមពណ៌ស មានចំនួន០១កូនថង់តូចស្មើនឹង ទម្ងន់០២ហ៊ុន។បច្ចុប្បន្នជនសង្ស័យកំពុងបំពេញសំណុំបែបបទដើម្បីបញ្ជូនទៅកាន់សាលាដំបូងខេត្តរតនគិរីនៅថ្ងៃទី២៩ ខែមេសា ឆ្នាំ២០១៥នេះ៕ ដោយ លី វណ្ណៈ
http://ift.tt/1P3cfmf