ស្ទាវខ្មែរលក់ថ្នាំញៀន១នាក់ និងអ្នកជក់គ្រឿងញៀន២នាក់ ប៉ូលិសចាប់ខ្លួនបញ្ជូនទៅតុលាការ
ខេត្តបន្ទាយមានជ័យ៖ កម្លាំងនគរបាលការិយាល័យប្រឆាំងគ្រឿងញៀនខេត្ត សហការជាមួយនឹងនគរបាលក្រុងសេរីសោភ័ណ តាមប្រមាញឃាត់បានជនសង្ស័យចំនួន៣នាក់ រួមទាំងវត្ថុតាងគ្រឿងញៀនមួយចំនួន ខណៈពួកគេកំពុងតែធ្វើសកម្មភាពលក់ និងប្រើប្រាស់កន្លែងស្ងាត់មួយ។ ការបង្ក្រាបនេះធ្វើឡើងនៅវេលាម៉ោង៥ និង១៥នាទីល្ងាច ថ្ងៃទី២៧ ខែមេសា ឆ្នាំ២០១៥ ត្រង់ចំណុចរោងម៉ាស៊ីន ស្ថិតនៅភូមិទឹកថ្លា សង្កាត់ទឹកថ្លា ក្រុងសេរីសោភ័ណ ខេត្តបន្ទាយមានជ័យ។
ដឹកនាំកម្លាំងបញ្ជាផ្ទាល់បង្ក្រាបលោកវរសេនីយ៍ទោ ធិន ស៊ិនដេត នាយការិយាល័យនគរបាលប្រឆាំងគ្រឿងញៀនខេត្ត លោក ស៊ិវ សុជាតិ អធិការក្រុង និងកម្លាំងនគរបាលជំនាញជាច្រើនរូប។ លោកវរសេនីយ៍ទោ ធិន ស៊ិនដេត បានថ្លែងថា ក្រោយពីបានទទួលពីកម្លាំងជំនាញ នៃនគរបាលខេត្ត បានតាមប្រមាញ់ ទាំងថ្ងៃ ទាំងយប់រហូតឈានដល់ឃាត់ខ្លួនជនសង្ស័យ និងដកហូតបានវត្ថុតាងជាច្រើន ។
កម្លាំងសមត្ថកិច្ចបានដកហូត និងឃាត់ខ្លួនជនសង្ស័យជួញដូរបានម្នាក់ និងប្រើប្រាស់២នាក់ទៀត ជនសង្ស័យឈ្មោះថុង ខេម៉ា ភេទប្រុស អាយុ១៧ ជួញដូរ និងជាមុខសញ្ញាចែកចាយទាំងថ្ងៃទាំងយប់ រស់នៅភូមិ សង្កាត់ខាងលើនេះនេះ។ ឈ្មោះម៉ៅ ធី ភេទប្រុស អាយុ៣០ឆ្នាំ ជាអ្នកប្រើប្រាស់ និងឈ្មោះ បួ ចំណាន ភេទប្រុស អាយុ១៨ឆ្នាំ ជាអ្នកប្រើប្រាស់ ។
សមត្ថកិច្ចបានដកហូតរួមមាន គ្រឿងញៀនប្រភេទ មេតំហ្វេតាមីន ទឹកកក ចំនួន១៤ថង់តូច ទូរស័ព្ទ៣គ្រឿង ជញ្ជីងថ្លឹងគ្រឿងញៀន ១ ដាវសាំម៉ូរ៉ៃ ១ដើម ថង់សំរាប់ច្រកគ្រឿងញៀន១ដុំ ដែកកេះ បំប៉ុង ចានសំរាប់ប្រើប្រាស់បានចំនួន។ ក្រោយពីសមត្ដកិច្ចឃាត់ខ្លួន ជនសង្ស័យខាងលើនេះ បានទទួលកំហុសរបស់ខ្លួនដែរបានប្រព្រឹត្តករណីខាងលើនេះមែន ។ បច្ចុប្បន្ននគរបាលជំនាញបានសាងសំណុំរឿងជនសង្ស័យខាងលើ និងវត្ថុតាងទាំងអស់បញ្ជូនទៅកាន់សាលាដំបូងខេត្តដើម្បីចាត់ការតាមនិតិវិធីច្បាប់៕ ដោយ យីហាំង
http://ift.tt/1KpGFye
