ស្ត្រីវិកលចរិតម្នាក់ កាប់ចិញ្ច្រាំឪពុកបង្កើត និងបងស្រីរបស់ខ្លួនស្លាប់យ៉ាងអាណោចអាធ័ម នៅពេលពួកគេចូលទៅរារាំង កុំឲ្យឈ្លោះជាមួយម្តាយ
ខេត្តកំពត៖ ស្ត្រីចំណាស់ម្នាក់ បានយកកាំបិទ និងពូថៅ ទៅកាប់គ្មានប្រណីដៃទៅលើឪពុក និងបងស្រីបង្កើត បណ្តាលឲ្យស្លាប់ក្នុងថ្លុកឈាមទាំងពីរនាក់ យ៉ាងអាណោចអាធ័ម ដោយសាកសពសុទ្ធតែស្នាមមុតដោយមុខពូថៅ និងកាំបិទដាច់ក្បាល ដាច់ដៃ និងមុតសុះពេញខ្លួន។ឃាតកម្មនេះបានកើត ឡើងកាលពីយប់ថ្ងៃទី១៤ ខែ មេសា ឆ្នាំ២០១៥ ស្ថិតនៅភូមិត្រពាំងជ្រៃ ឃុំដំណាក់កន្ទួតខាងត្បូង ស្រុក កំពង់ត្រាច ខេត្តកំពត ។ បន្ទាប់ពីកើតហេតុ ជនបង្កត្រូវបានកម្លាំងនគរបាលមូលដ្ឋាន ចាប់ខ្លួនកាលពីវេលា ម៉ោង៨ព្រឹកថ្ងៃទី១៥ ខែមេសា ឆ្នាំ២០១៥។
មន្ត្រីនគរបាលការិយាល័យព្រហ្មទណ្ឌកំរិតធ្ងន់បានឲ្យដឹងថា ជនសង្ស័យ មានឈ្មោះ មុំ សុភា អាយុ៤០ឆ្នាំ រីឯជនរងគ្រោះ ជាឪពុក មានឈ្មោះ ណុប ទួន អាយុ៧៨ឆ្នាំ និងបងស្រីឈ្មោះ មុំ សុផាត អាយុ៥៨ឆ្នាំ។ មន្ត្រីនគរបាលបានបន្តទៀតថា ជនសង្ស័យជាមនុស្សវិក លចរិត ហើយកន្លងមកតែងតែបង្កបញ្ហាជាមួយ ក្រុមគ្រួសារ ស្រាប់តែនៅវេលាម៉ោង ប្រមាណ ១១ និង៣០ នាទី យប់កើតហេតុនោះ ជនសង្ស័យ និងម្តាយមានជម្លោះជាមួយគ្នា រហូតធ្វើឲ្យបងស្រី និងឪពុកបង្កើត ចូលទៅឃាត់ និងរារាំង ស្រាប់តែជនសង្ស័យ បានរត់ទៅ យកកាំបិត និងពូថៅ កាប់ចិញ្ច្រាំជនរងគ្រោះទាំង២នាក់ រហូតដល់ស្លាប់ ។
ស្នងការរងនគរបាលខេត្តកំពត បានអះអាងថា តាមរយៈសួរនាំ ប្រជាពលរដ្ឋ និងអាជ្ញាធរមូលដ្ឋានថា ជនសង្ស័យ ជាមនុស្សវិកលចរិត ប៉ុន្តែយ៉ាងណានោះ ជនសង្ស័យត្រូវបានកម្លាំង នគរបាលរបស់លោក ចាប់ខ្លួន ដើម្បីបញ្ជូនទៅកាន់តុលាការចាត់ការតាម ផ្លូវច្បាប់ ចំណែលសពឪពុក និងកូនត្រូវបានសាច់ញាតិរៀបចំធ្វើបុណ្យដោយសោកសៅ៕
http://ift.tt/1cvbRRc
