មន្ត្រីយោធាការពារកោះរ៉ុងសន្លឹម៤នាក់ និងភរិយាម្នាក់ពុលផ្សិតមានអាការៈធ្ងន់
ខេត្តព្រះសីហនុ៖ មនុស្សប្រុសស្រី៥នាក់ក្នុងនោះមន្ត្រីយោធាវរការពារដែនកោះលេខ៤ចំនួន៤នាក់ និងភរិយាមន្ត្រីយោធាឈរជើងការពារកោះរ៉ុងសន្លឹម ខេត្តព្រះសីហនុ បានពុលផ្សិត (ហៅក្រៅផ្សិតក្ងោក) បន្ទាប់ពីទទួលទានអាហារថ្ងៃត្រង់។ ជនរងគ្រោះត្រូវបានដឹកមកដល់មន្ទីពេទ្យបង្អែកចំការចេកនាវេលាម៉ោង១៦ និង២៥នាទីល្ងាចថ្ងៃទី២៧ ខែមេសា ឆ្នាំ២០១៥។
យោងតាមប្រភពពីមន្ត្រីយោធាដូចគ្នាបានបញ្ជាក់ឲ្យដឹងថា៖ ហេតុការណ៍ពុលផ្សិតនេះបានកើតឡើងនៅម៉ោងជាង១១ថ្ងៃត្រង់ថ្ងៃទី២៨ ខែមេសា ឆ្នាំ២០១៥ នឹងត្រូវបានបញ្ជូនមកសង្គ្រោះបន្ទាន់នៅមន្ទីរពេទ្យបង្អែកខេត្តព្រះសីហនុ នៅម៉ោង៤ និង២៥នាទីថ្ងៃអង្គារ៍ដដែលនេះ បន្ទាប់ពីមន្ត្រីយោធាចំនួន៣នាក់បានឡើងភ្នំទៅបេះផ្សិតតាមដើមឈើក្នុងព្រៃ មកចែកគ្នាធ្វើម្ហូបកាលព្រឹកថ្ងៃទី២៨នេះ។
ប្រភពដ៏ដែលបានបន្តថា៖ ជនរងគ្រោះទាំង៥នាក់នោះមានឈ្មោះ ទី១- សូ ចិន្តា ភេទប្រុស អាយុ៤៧ឆ្នាំ មានមុខរបរជាមន្ត្រីយោធាវរការពារដែនកោះលេខ៤ មានតួនាទីអនុវរៈ បច្ចុប្បន្នមានទីលំនៅ កោះរ៉ុង សន្លឹម ក្រុងព្រះសីហនុ (មានអាការៈស្រាល) ទី២-ឈ្មោះ ម៉ៅ ម៉ាច ភេទ ប្រុសអាយុ៣៥ឆ្នាំ មានមុខងារជាមន្ត្រីយោធាវរការពារដែនកោះលេខ៤ បច្ចុប្បន្នមានទីលំនៅ កោះរ៉ុងសន្លឹម ក្រុងព្រះសីហនុ (អាការៈធ្ងន់ធ្ងរ) ទី៣-សោម ចាន់រ៉ាឌី ភេទ ប្រុស អាយុ៣៥ឆ្នាំមានមុខរបរជាមន្ត្រីយោធាវរការពារដែនកោះលេខ៤ បច្ចុប្បន្នមានទីលំនៅ កោះរ៉ុង សន្លឹម ក្រុងព្រះសីហនុ (អាការៈមធ្យម) ទី៤-ស្រី ម៉ន ភេទ ស្រីអាយុ៣២ឆ្នាំ ជាភរិយា(អាការធ្ងន់ធ្ងរ)និងទី៥-គីម សុភ័ត្រ ភេទប្រុស អាយុ៣៧ឆ្នាំ មានមុខរបរជាមន្ត្រីយោធាវរការពារដែនកោះលេខ៤ បច្ចុប្បន្នមានទីលំនៅ កោះរ៉ុង សន្លឹមក្រុងព្រះសីហនុ(អាការៈមធ្យម)។
ប្រភពបានបញ្ជាកថា៖ ក្រោយពីបរិភោគម្ហូបដែលធ្វើពីផ្សិតមក មនុស្សចំនួន៥នាក់ដែលបានបរិភោគបានមានលក្ខណៈរកកល់ក្អួតចង្អោរ ក្នុងនោះមនុស្ស ប្រុស ស្រីចំនួន២នាក់បានសន្លប់ ដោយមានអាការៈធ្ងន់ធ្ងរជាងគេ ឃើញដូចនេះ ទើបកម្លាំងក្នុងវរៈបានយកទូកកន្ទុយវែងដឹកមកកាន់មន្ទីរពេទ្យដើម្បីជួយសង្គ្រោះអាយុជីវិត។ ប៉ុន្តែជនរងគ្រោះចំនួន២នាក់ក្នុងចំណោម៥នាក់នៅពុំទាន់ដឹងលទ្ឋផលនៅឡើយទេនៅល្ងាចថ្ងៃទី២៨នេះ។ ទោះយ៉ាងណាក្រុមគ្រូពេទ្យនៃមន្ទីរពេទ្យបង្អែកចំការចេកកំពុងជួយសង្គ្រោះយ៉ាងយកចិត្តទុកដាក់ ប៉ុន្តែលទ្ឋផលយ៉ាងណានោះនៅពុំទាន់ដឹងនៅឡើយទេ។ ដោយ សមុទ្រខៀវ
http://ift.tt/1EBhMih