អាជ្ញាធរក្រុងបានលុង រៀបចំសណ្តាប់ធ្នាប់ផ្លូវក្រវាត់ផ្សារក្រុងបានលុង
ខេត្តរតនគិរី៖ អាជ្ញាធរក្រុងដែលដឹកនាំផ្ទាល់ដោយលោក អ៊ុក សំអុល អភិបាលគណៈអភិបាលក្រុងបានលុង និងស្ថាប័នដែលមានការពាក់ព័ន្ធដូចជា លោក ជី វណ្ណរ៉ា ប្រធានភូមិបាលក្រុង ដែនដីនគររូបណីយកម្ម កងកម្លាំងប្រដាប់អាវុធទាំង៣ប្រភេទ បានចុះរៀបចំខ្សែក្រវាត់ជុំវិញផ្សារក្រុងបានលុងឲ្យមានរបៀបរៀបរយ និងសណ្តាប់ធ្នាប់ល្អ និងអនាម័យ។
ការរៀបចំនេះបានធ្វើឡើងកាលពីព្រឹកថ្ងៃទី២៨ ខែមេសា ឆ្នាំ២០១៥ នៅត្រង់ចំណុចខាងមុខផ្សារបានលុង ដោយប្រើប្រាស់គ្រឿងចក្រឈូសឆាយប្រមូលសំរាមពីដងផ្លូវ និងបើកឲ្យមានផ្លូវមួយខ្សែនេះ មានទំហំទទឹង៧ម៉ែត្រ ដើម្បីងាយស្រួលដល់ប្រជាពលរដ្ឋក្នុងការធ្វើដំណើរចេញចូលផ្សារ និងអ្នកធ្វើដំណើរឆ្លងកាត់ទីនោះ។ ម្យាងទៀតដើម្បី ងាយស្រួលការពារក្នុងការអន្តរាគមន៍នឹងហានិភ័យផ្សេងៗ ដូចភាពងាយស្រួលបត់បែនរបស់ជារថយន្តអគ្គីភ័យជាដើម៕ ដោយ លី វណ្ណៈ
http://ift.tt/1bBqHVr