នគរបានស្រុកកំពង់ត្រឡាចប្រមូលបានគោយន្តចំនួន២១១គ្រឿង មកបំពាក់ចំណាំងផ្លាតលើកន្ទុយរឺម៉ក
ខេត្តកំពង់ឆ្នាំង៖ ដើម្បីលើកកំពស់សុវត្តិភាពចរាចរណ៍គោយន្ត ចំនួន២១១គ្រឿង ត្រូវបានសមត្ថកិច្ច នគរបាលស្រុកកំពង់ត្រឡាច បានបំពាក់ឌីសជាចំណាំងផ្លាតនៅពីខាងក្រោយរឺម៉ក ក្នុងគោលបំណងជួយការពារ និងកាត់បន្ថយ ករណីគ្រោះថ្នាក់ចរាចរណ៍ដែលកើតដោយការមើលមិនឃើញ របស់អ្នកបើកបរយានយន្តនៅពីក្រោយនៅពេលយប់ ដែលកន្លងមកជាញយៗតែងតែបុកគ្នាជាញឹកញាប់។ ការបំពាក់ចំណាំងផ្លាតដល់គោយន្ត ដែលយកឌីសមកបំពាក់នេះបានធ្វើឡើងរយៈពេល២ថ្ងៃ គឺនៅថ្ងៃទី២៧ និង២៨ ខែមេសា ឆ្នាំ៣២០១៥នេះ ។
លោក ហ៊ុល វាសនា អធិការនគរបាលស្រុកកំពង់ត្រឡាចបាននិយាយអោយដឹងថា៖ ដោយមានការ ណែនាំពីលោក អភិបាលខេត្ត និងលោកស្នងការខេត្ត ស្តីពីការបំពាក់ចំណាំងផ្លាតតាមកន្ទុយគោយន្ត លោកបានអញ្ជើញប្រជាពលរដ្ឋ ដែលមានគោយន្តអោយមកដាក់ចំណាំងផ្លាត អោយគ្រប់ៗគ្នារយៈ ពេល២ថ្ងៃគឺថ្ងៃទី២៧ និង២៨ ខែមេសា ឆ្នាំ២០១៥ បានចំនួន២១១គ្រឿង ដែលធ្វើនៅទីតាំងចំនួន៣គឺ ឃុំតាជេស ឃុំជ្រេស និងឃុំថ្មឥដ្ឋ ស្រុកកំពង់ត្រឡាច ។
លោក អធិការស្រុកបានរំឮកថា៖ ការដាក់ចំណាំងផ្លាតនេះ បន្ទាប់ពីមានករណីគ្រោះថ្នាក់ចរាចរណ៍ មួយបានកើតឡើងដោយសារតែមានបុរសអ្នកជិះម៉ូតូម្នាក់ បានបើកម៉ូតូទៅបុកគូថគោយន្តដឹកអុស ពីក្រោយបណ្តាលអោយរងរបួសយ៉ាងធ្ងន់ធ្ងរ ព្រោះ តែបើកម៉ូតូនៅពេលយប់មើលមិនឃើញ។ នៅក្នុង ពេលដាក់ចំណាំងផ្លាតនោះដែរ លោកក៏បានប្រជុំអប់រំណែនាំដល់អ្នកបើកបរគោយន្តទាំងអស់ អោគោរព ច្បាប់ចរាចរណ៏ ដោយគ្រប់គោយន្តត្រូវមានភ្លើងបំភ្លឺ ក្នុងពេលបើកបរនៅពេលយប់ និងបើគ្មានភ្លើងខាងក្រោយទេ ត្រូវមានចំណាំងផ្លាតដូចដែលបានដាក់នៅពេលនេះ ដើម្បីកាត់បន្ថយគ្រោះថ្នាក់ចរាចរណ៍ ដែលកើតឡើងដោយសារតែមើលមិនឃើញនៅពេលធ្វើចរាចរណ៍ពេលយប់ ។
លោក អៀរ ប៊ុនធឿន នាយការិយាល័យ័ចរាចរណ៍ផ្លូវគោកនៃស្នងការដ្ឋានខេត្ត បាននិយាយថា៖ ក្នុងខែមេសា ឆ្នាំ២០១៥នេះកត្តាគ្រោះថ្នាក់ចរាចរណ៍ដែលកើតពីការមើលមិនឃើញពេលបើកបរ ពេល យប់គឺបានកើនឡើងគួកត់សំគាល់ ហើយការដាក់ចំណាំងផ្លាតលើគោយន្តនេះ គឺជាវិធានការណ៍ការពារ ល្អណាស់ដើម្បីសុវត្តិភាពចរាចរណ៍ទាំងអស់គ្នា។ លោកសូមអំពាវនាវអោយអ្នកមានគោយន្តទាំងអស់រកឌីសចាស់ៗមកវ៉ៃភ្ជាប់ នៅកន្ទុយគោយន្តខាងក្រោយដោយខ្លួនឯង និងកាត់បន្ថយគ្រោះថ្នាក់ចរាចរណ៍ ៕ ដោយ រិទ្ធិ ជ័យ
http://ift.tt/1zmeiQG
