លោកជា សាង មេឃុំភ្នំតូច ដោយមានការឃុបឃិតពីលោកសុខ វឌ្ឍនា ប្រធានមន្ទីររ៉ែ និងថាមពល បានលួចកាប់កាយដីរំលើងភ្នំតូចយកអាចន៍ដី ដោយគ្មានអាជ្ញាប័ណ្ណអាជីវកម្ម បង្កការភ័យខ្លាចដល់ ប្រជាពលរដ្ឋចំនួន៤៥គ្រួសារ
ខេត្តបន្ទាយមានជ័យ៖ ពលជាច្រើននាក់រស់នៅក្នុង ភូមិបឹងរៀង ភូមិមនោរម្យ ឃុំភ្នំតូច ស្រុកមង្គលបូរី ខេត្តបន្ទាយមានជ័យ ដែលមានការព្រួយបារម្ភយ៉ាងខ្លាំង ដោយភ័យខ្លាចពីសកម្មភាពកាយយកដីភ្នំតូច ដោយគ្មានការគ្រប់គ្រង ពីស្ថាប័នមានជំនាញ ព្រោះពុំមានច្បាប់ទំលាប់ត្រឺមត្រូវនោះទេ ហើយអាជ្ញាធរខេត្តធ្លាប់ហាមឃាត់តែឈ្មួញកាប់យកដីនោះពុំបានផ្អាកឡើយ ។
ករណីកាប់រំលើងភ្នំយកអាចន៍ដីនេះ បានប្រព្រឹត្តឡើងដោយលោកមេឃុំភ្នំតូច ឈ្មោះ ជា សាង ដោយគេឃើញប្រពន្ធ និងកូនចៅក្រោមឱវាទប្រើប្រាស់គ្រឿងចក្រ និងរថយន្តដឹករាប់រយជើងក្នុងមួយថ្ងៃៗ ជីក កាយដីភ្នំ ស្ទើរអត់មួយចំហៀងទៅហើយ និងមានរណ្តៅធំហើយជ្រៅ និងកាយដល់ព្រំដីប្រជាពលរដ្ឋគ្មានការគ្មានការយោគយល់ និងគិតពីគ្រោះថ្នាក់ដល់ក្រុមគ្រួសារពួកគាត់ ឡើក ។
បើតាមការអះអាងពីពលរដ្ឋជាច្រើនាក់បានឲ្យដឹងថា កាលពីមុនភ្នំតូច នេះត្រូវបានក្រុមហ៊ុនចិនជាអ្នកម៉ៅការ និងយកថ្ម គ្រួស ដី យកទៅធ្វើផ្លូវថ្នល់បម្រើសាធារណៈ។ បន្ទាប់មកទៀតក្រុមហ៊ុនចិនបានធ្វើរួចរាល់ គេក៏ ឃើញលោកមេឃុំភ្នំតូច បន្តសកម្មភាពខាងលើនេះ ដោយគ្មានការទប់ស្កាត់ពីអាជ្ញធរមានសមត្ថកិច្ចឡើយ ។
ពលរដ្ឋបានកត់សម្គាល់ថា ក្រុមហ៊ុនចិនដែលបានកាយដីពីមុនបានទុកចម្ងាយចំនួន៣ ម៉ែត្រទៅ៤ម៉ែត្រ បង្កាបាក់ដី ចូលដីប្រជាពលរដ្ឋ។ ការជីកមានព្រំដែនត្រឹមត្រូវ និងមានជម្រាល់ត្រឹមត្រូវ ជាពិសេសទុកផ្លូវដើរចូលផងដែរ។ តែចំពោះលោកមេឃុំវិញបានធ្វើសកម្មភាពហួសហេតុ គ្មានបច្ចេកទេស ។ ចំណែកសកម្មភាពកាយដីភ្នំតូចវិញ គឺកាយដល់ព្រំដីរបស់ពួកគាត់ និងបានកាយបិទផ្លូវចូលទៅ ដងទឹកយកមកប្រើប្រាស់ទៀតផង។
បច្ចុប្បន្ននេះដោយសារការលំបាក និងព្រួយបារម្ភពីសុវត្ថិភាពកូនចៅ ពលរដ្ឋខ្លះបានបង្ខំលក់ដីធ្លី ដែលរស់នៅតាំងពីសម័យសង្គមរាស្ត្រនិយមមកម្ល៉េះ ដើម្បីផ្លាស់ប្តូរទីលំនៅ ជៀសវាងគ្រោះថ្នាក់ដល់អាយុជីវិតដោយថាហេតុណាមួយ។ ជាមួយនឹងការលំបាកនេះពួកគាត់បានសំណូមពរចំពោះដល់អាជ្ញាធរខេត្ត ក៏ដូចជាសម្តេចតេជោ មេត្តា អោយមន្ត្រីក្រោមឱវាទចុះមកត្រួតពិនិត្យទប់ស្កាត់ជាបន្ទាន់ផង។
ពាក់ព័ន្ធនឹងបញ្ហាខាងលើនេះលោកជា សាង មេឃុំភ្នំតូច បានប្រាប់តាមរយៈទូរស័ព្ទកាលពីដើមសប្តាហ៍នេះថា អាជីកម្មរបស់លោកគឺមានច្បាប់ ត្រឹមត្រូវ បើប៉ះពាល់យើងដោះស្រាយ ចំណែកឯការបិទអាជីកម្មកាយដីនោះគឺគ្មាននោះទេ ហើយលោកអភិបាលខេត្តក៏មិនបានបិទដែរ បើមិនជឿសួរទៅលោកអភិបាលខេត្តទៅ។ គេទប់ស្កាត់តែភ្នំស្វាយទេ ហើយចំពោះទីតាំងរបស់លោកទុកសំរាប់អភិវឌ្ឍន៍ ចំពោះដីលោកកំពុងកាយនោះវាមិនមែនភ្នំទេ គឺដីដាច់ចេញពីភ្នំតូច ។ លោកជា សាង មេឃុំភ្នំតូច បានបដិសេធថា គ្មានបញ្ហាណាប៉ះពាល់ដល់ចំនួនប្រជាពលរដ្ឋ៤៧គ្រួសារ នោះទេ ប្រសិនបើគេអោយឈប់លោកហ្នឹងឈប់ភ្លាម មិនចង់ប៉ះពាល់គេទេ គាត់ក៏មិនរវល់នោះដែរ ។
លោកគោស៊ុំ សារឿតអភិបាលខេត្តបន្ទាយមានជ័យបានថ្លែងថា កាលពីដើមវាមានភ្នំតូចភ្នំធំ បើវាអស់ទៅវិញបាត់បង់រម្យណីដ្ឋាន បាត់បាត់កន្លែងប្រវត្តិសាស្ត្រ បាត់កន្លែងអនុស្សារយិ៍ផងដែរ និងវាបណ្តាលអោយខូចខាត់សោភ័ណភាព បរិស្ថាន ផងដែរ ។ ហើយអាជ្ញាធរខេត្តធ្លាប់បានផ្អាកផងដែរ។ លោកបានបញ្ជាក់ថា ចំពោះកាលកន្លងមកគឺគ្មានច្បាប់នោះឡើយ ហើយខាងច្បាប់នោះគឺគេបានយកមកដាក់រួចរាល់មែន ក៏ប៉ុន្តែខ្ញុំមិនទាន់ចុះហត្ថលេខានៅឡើង ព្រោះវាប៉ះពាល់ខ្លាំងណាស់ ចំណែកឯអាជ្ញាប័ណ្ណវិញនោះគឺគ្មាននោះទេ។
ដោយឡែកលោកសុខ វឌ្ឍនា ប្រធានមន្ទីររ៉ែ និងថាមពលខេត្តបន្ទាយមានជ័យបានប្រាប់តាមរយៈទូរស័ព្ទក្នុងដើមសប្តាហ៍នេះថា គាត់បានធ្វើអាជ្ញាប័ណ្ណហើយនៅក្នុងមន្ទីររបស់យើងនេះ ហើយមន្ត្រីយើងបានបញ្ជូនទៅសាលាខេត្តបន្ទាយមានជ័យរួចរាល់ ដើម្បីចុះហត្ថលេខាបញ្ជាក់បន្ថែម តែមិនដឹងថាយ៉ាងម៉េចនោះទេនិងមិនទាន់ចេញលទ្ធិផលដែរ ចំណែកបរិស្ថានគេបានចុះទៅមើលហើយ និងខាងខេត្តក៏បានចុះទៅផងដែរ ក៏ប៉ុន្តែមិនថាខេត្តសម្រេចយ៉ាងណាដែរ។ ចំពោះច្បាប់នោះគឺគេបានបញ្ជូនទៅខេត្ត ទៅក្រសួងអស់ហើយតែមិនទាន់ដឹងយ៉ាងណាឡើយ៕ ដោយ យីហាំង
http://ift.tt/1OnaDbL
