បើកម៉ូតូលឿនរហូតបាត់ម្ចាស់ការរេទៅបុករថយន្តផ្ទុយទិសគ្នាពេញទំហឹងដួលប្រកាច់ស្លាប់ភ្លាម
ខេត្តកណ្តាល៖ យុវជនម្នាក់ស្លាប់ភ្លាមៗបន្ទាប់ពីជិះម៉ូតូម៉ាកវ៉េវក្នុងល្បឿន បានរេចង្កូតចូលទៅបុករថយន្តម៉ាកសាំយ៉ុងដឹកអ្នកដំណើរបើកបរបញ្ច្រាស់ទិសគ្នា ចំពីមុខពេញទំហឹង។ ហេតុការណ៍គ្រោះថ្នាក់ដ៏រន្ធត់នេះបានកើតឡើងកាលពីវេលាម៉ោង១៥ និង៥០នាទី នៅថ្ងៃទី២ ខែឧសភា ឆ្នាំ២០១៥ ខាងជើងស្ពានលេខ៥២ ស្ថិតក្នុងភូមិព្រែកថ្មី ឃុំព្រែកថ្មី ស្រុកកោះធំ ខេត្តកណ្តាល រវាង រថយន្តសាំយ៉ុង និងម៉ូតូវ៉េវ ។
សមត្ថកិច្ចបានឲ្យដឹងថា៖ ជនរងគ្រោះមានឈ្មោះសុង ភ័ត្ត្រា អាយុ២៦ឆ្នាំ ភេទប្រុស ទីលំនៅភូមិព្រែកតាហ៊ីង ឃុំព្រែកថ្មី ស្រុកកោះធំ ជិះម៉ូតូវ៉េវ ពណ៌ខៀវចាស់ គ្មានស្លាកលេខ បើកបរពីជើងទៅត្បូង (ទិសពីតាខ្មៅទៅជ្រៃធំ ) បានស្លាប់ នៅកន្លែងកើតហេតុ។ ចំណែករថយន្ត ដឹកអ្នកដំណើរ ម៉ាកសាំយ៉ុង ពណ៌បៃតងចាស់ ស្លាកលេខភ្នំពេញ ២A.B-6703 បើកបរពីត្បូងទៅជើង (ជ្រៃធំ-តាខ្មៅ) អ្នកបើកបររត់គេចខ្លួន ក្រោយពេលកើតហេតុ។
ក្រោលពេលកើតហេតុនគរបាលជំនាញចរាចរណ៍ស្រុកកោះធំ បានចុះពិនិត្យ ធ្វើការវាស់វែងកន្លែងកើតហេតុ និងបាននាំយករថយន្ត និងម៉ូតូមករក្សាទុកនៅអធិការដ្ឋាននគរបាលស្រុក និងកសាងសំណុំរឿងតាមនីតិវិធី ៕ ដោយ គិរី
http://ift.tt/1KCAJ4W
