ជិះម៉ូតូឌុបគ្នាផ្លាតដួលលើថ្នល់ ត្រូវរថយន្តមកពីក្រោយបុកចំពេញទំហឹង ស្លាប់១នាក់ និងរបួសធ្ងន់២នាក់
ខេត្តកណ្តាល៖ គ្រោះថ្នាក់ចរាចរណ៍មួយបានឆក់យកជីវិតបុរសម្នាក់ជាអ្នកបើកម៉ូតូ និងអ្នករួមដំណើ២នាក់ប្រុសស្រីរងរបួសធ្ងន់ និងស្រាល ខណៈកំពុងបើកបរលើដងផ្លូវជាតិលេខ១ បានក្រឡាច់ផ្លាតផ្លូវថ្នល់បណ្តាលឲ្យដួល ហើយស្របពេលនោះមាន រថយន្តមកពីក្រោយបុកចំពេញទំហឹង កាលពីវេលាម៉ោង១៥ និង៤៨នាទី ថ្ងៃទី០៧ ខែឧសភា ឆ្នាំ២០១៥ នៅលើដងផ្លូវជាតិលេខ ១ចន្លោះគីឡូម៉ែត្រលេខ៣៤ និង៣៥ ភូមិជ័យឧត្តម ឃុំសំរោងធំ ស្រុកកៀនស្វាយ ខេត្តកណ្តាល។
នគរបាលប៉ុស្តិ៍ឃុំសំរោងធំបានឲ្យដឹងថា៖ ជនរងគ្រោះស្លាប់បាត់បង់ជីវិតក្នុងហេតុការណ៍គ្រោះថ្នាក់ចរាចរណ៍ខាងលើនេះ មិនស្គាល់អត្តសញ្ញាណ ភេទប្រុស អាយុប្រហែល២៧ឆ្នាំ មិនស្គាល់អាស័យដ្ឋាន និង អ្នករួមដំណើរ២នាក់ ស្រី១នាក់ ប្រុស១នាក់រងរបួសធ្ងន់ ពួកគេឌុបគ្នាជិះម៉ូតូ C.110 ពណ៌ក្រហម ស្លាកលេខ យ-ភព1-9475 ទិសដៅធ្វើដំណើរពីអ្នកលឿងទៅភ្នំពេញ ខណៈកំពុងបើកបរលើដងផ្លូវជាតិលេខ១ស្ថិតចំណុចកើតហេតុខាងលើ បានក្រឡាច់ផ្លាតផ្លូវថ្នល់បណ្តាលឲ្យដួល ហើយស្របពេលនោះមាន រថយន្ត ម៉ាកហ៊ីហាន់ដាយ ពាក់ស្លាកលេខ3B-4360 ពណ៌ ស បើកបរដោយឈ្មោះ ឈុំ ហុង ភេទប្រុស អាយុ៣១ឆ្នាំ មានទីលំនៅភូមិតាលន់ ទិសដៅស្របគ្នា បានបុកពីក្រោយបណ្តាលឲ្យស្លាប់០១នាក់ ប្និងរបួស០២នាក់ស្រី០១នាក់ និងប្រុស១នាក់។
បន្ទាប់ពីកើតហេតុ តៃកុងរថយន្តឃោះសភាពមិនស្រួល បានរត់គេចខ្លួនបាត់បន្សល់ទុករថយន្តនៅនឹងកន្លែងកើតហេតុ។ ក្រោយបន្តិចនសមត្ថកិច្ចនគរបាលបានចុះទៅជួយអន្តរាគមន៍ ដោយបានបញ្ជូនជនរងរបួសទៅមន្ទីរពេទ្យក្រុងភ្នំពេញ ចំណែកអ្នកស្លាប់ សមត្ថកិច្ចបានស្រាវជ្រាវរកគ្រួសារជនរងគ្រោះទទួលយកទៅធ្វើបុណ្យ។ ដោយឡែក រថយន្តបង្ក និងម៉ូតូជនរងគ្រោះ បានប្រមូលយកទៅរក្សាទុករងចាំដោះស្រាយពេលក្រោយ៕ គិរី
http://ift.tt/1KToP73
