គ្រូសាលាពេទ្យម្នាក់ ទំនងធ្វើពិសោធន៍ខុសបច្ចេកទេស ពុលផ្សែងសន្លប់ ហើយបានឆ្លងចរន្តអគ្គិសនីផ្ទុះឆេះស្លាប់លើកៅអី
ភ្នំពេញ៖ អគ្គិភ័យបានឆេះឡើង នៅក្នុងបន្ទប់ នៃអគារសាកលវិទ្យាល័យ វិទ្យាសាស្ត្រសុខាភិបាល ដែលនៅក្បែរស្ថានីយ៍រថភ្លើងក្រុងភ្នំពេញ ក្នុងសង្កាត់ស្រះចក ខណ្ឌដូនពេញ បណ្តាលឲ្យមានបុរសម្នាក់ស្លាប់ក្នុងហេតុការណ៍នោះកាលពីព្រឹកថ្ងៃទី០៨ ខែឧសភា ឆ្នាំ២០១៥ ហើយ ជំហ៊ានដំបូងមានការសង្ស័យថា អាចបណ្តាលមកពីបុរសរងគ្រោះនោះគាត់ធ្វើកិច្ចការពិសោធខុសបច្ចេកទេសពុលផ្សែងសន្លប់ ហើយបានឆ្លងចរន្តអគ្គិសនីផ្ទុះឆេះតែម្តង ។
មន្ត្រីនៃសាកលវិទ្យាល័យ វិទ្យាសាស្ត្រសុខាភិបាលបានឲ្យដឹងថា៖ បុរសដែលស្លាប់ក្នុង អគ្គិភ័យនោះ ឈ្មោះ ហ៊ុយ សៀក ភេទប្រុស អាយុ៣៤ឆ្នាំ ជាគ្រូនៃសាកលវិទ្យាល័យសុខាភិបាលផ្នែកមន្ទីរពិសោធន៍ ហើយថាមូលហេតុនៃការឆាបឆេះនោះ គឺឆ្លងចរន្តអគ្គិភ័យ។ ខណៈជនរងគ្រោះចូលទៅធ្វើពិពិសោធន៍។ ក្រោយពីកើតហេតុ សមត្ថកិច្ចបានអន្តរាគមន៍បាញ់អស់ទឹក១ឡាន និងប្រើបំពង់ពន្លត់អគ្គីភ័យបញ្ឈប់ការឆេះរាលចេញពីបន្ទប់នោះទាន់ពេល ប៉ុន្តែបន្ទប់ពិសោធន៍ត្រូវបានបំផ្លាញទាំងស្រុង ៕ គិរី
http://ift.tt/1GVD5YY
