មុខសញ្ញាចែកចាយថ្នាំញៀន៣នាក់ ត្រូវសមត្ថកិច្ចចាប់ខ្លួនបញ្ជូនឡើងតុលាការ
ខេត្តព្រះសីហនុ៖ យុវជនសង្ស័យចំនួន៣នាក់ជាមុខសញ្ញាចែកចាយថ្នាំញៀនខុសច្បាប់ ត្រូវកម្លាំងនគរបាលការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តឃាត់ខ្លួន កាលពីយប់ថ្ងៃទី២៩ ខែមេសា ឆ្នាំ២០១៥វេលាម៉ោង ២២ និង៣០នាទី ត្រង់ចំនុចក្រុមទី១៤ ភូមិ២ សង្កាត់លេខ០២ ក្រុងព្រះសីហនុ។
លោកវរសេនីយ៏ទោ តាក សារិទ្ឋ នាយការិយាល័យប្រឆាំងការជួញដូរថ្នាំញៀន នៃស្នង ការដ្ឋាននគរបាលខេត្តព្រះសីហនុ បានបញ្ជាក់ថា ការចាប់ឃាត់ខ្លួននេះត្រូវបានធ្វើឡើង បន្ទាប់ពីកម្លាំងរបស់លោកធ្វើការស៊ើបអង្កេតអស់ជាច្រើនសប្តាហ៍កន្លងមក ប៉ុន្តែកាល នោះ ដោយពុំទាន់វត្ថុតាងច្បាស់លាស់ ទើបសមត្ថកិច្ចពុំលទ្ឋភាពចាប់ខ្លួន។ រហូតដល់ថ្ងៃទី២៩ ខែមេសា ឆ្នាំ២០១៥ វេលាម៉ោង២២ និង៣០នាទី នៅត្រង់ចំណុចក្រុមទី១៤ ភូមិ២ សង្កាត់លេខ០២ ក្រុងព្រះសីហនុខណៈពេលជនសង្ស័យ កំពុងធ្វើសកម្មភាពចែកចាយ ទើកម្លាំងរបស់លោក ចុះធ្វើការឃាត់ខ្លួនជាបន្តបន្ទាប់។
ជនសង្ស័យទាំង៣នាក់មានឈ្មោះ ទី០១-ឈ្មោះ គង់ ប៊ុណ្ណា ភេទ ប្រុស អាយុ៣០ឆ្នាំ មុខរបរមិនពិតប្រាកដ បច្ចុប្បន្នស្នាក់នៅផ្ទះជួល ក្រុមទី១៤ ភូមិ២ សង្កាត់លេខ០២ ក្រុងព្រះសីហនុ (ពីបទចែកចាយគ្រឿងញៀន) ទី០២ -ឈ្មោះ ហេង ពិសិទ្ឋ ប្រុស អាយុ២០ឆ្នាំ មុខរបរសិស្សមានទីលំនៅបច្ចុប្បន្នស្នាក់នៅ ភូមិ៣ សង្កាត់លេខ៣ ក្រុង ខេត្តព្រះសីហនុ (ពីបទចែកចាយគ្រឿងញៀន) ទី៣-ឈ្មោះ ព្រាព សុភាព ភេទប្រុស អាយុ២០ឆ្នាំ មានទីលំនៅភូមិ១ សង្កាត់លេខ៣ ក្រុងព្រះសីហនុ ដោយរឹបអូសបានវត្ថុតាងមួយចំនួនរួមមាន៖ ថ្នាំញៀនមេតំហ្វេតាមិនចំនួន០១កញ្ចប់ធំ និង៨កញ្ចប់តូចស្មើនឹង២.៥ក្រាម -ម៉ូតូចំនួន ០២គ្រឿង -ទូរស័ព្ទដៃ០២គ្រឿង – កាបូបលុយ០២ – ថង់ផ្លាស្ទិច១ដុំ -លុយដុល្លា៧០ដុល្លា -លុយ ខ្មែរ៣៦៧០០០រៀល -ដបជក់ថ្នាំញៀនចំនួន០១។
បច្ចុប្បន្នជនសង្ស័យទាំង៣នាក់ រួមជាមួយវត្ថុតាង ត្រូវបាន កសាងសំណុំរឿងបញ្ជូនទៅកាន់សាលាដំបូងខេត្តព្រះសីហនុ ចាត់ការតាមនិតិវិធី៕ ដោយ សមុទ្រខៀវ
http://ift.tt/1Ez4v8I
