លោកយាយក្រីក្របានទទួលគ្រោះថា្នក់ចរាចរណ៍ ទទួលអំណោយពីសាខាកាកបាទខេត្តកំពង់ឆ្នាំង
ខេត្តកំពង់ឆ្នាំង៖ លោក ហ៊ី ណាត អនុប្រធានសាខាកាកបាទក្រហមខេត្តកំពង់ឆ្នាំង និង លោក ប្រាក់ សោភ័ណ្ឌនាយកប្រតិបត្តិសាខាកាកបាទក្រហមខេត្តនៅថៃ្ងទី៣០ ខែមេសាឆ្នាំ២០១៥ បាននាំយកអំណោយរបស់សាខាកាកបាទក្រហមខេត្ត ជូនលោយយាយតូច សារ៉ន អាយុ៧៨ឆ្នាំ ដែលជាជនក្រីក្រ និងចាស់ជរា ហើយបានជួបគ្រោះថ្នាក់ចរាចរណ៍ កាលពីថៃ្ងទី២៣ខែមេសាឆ្នាំ២០១៥កន្លងទៅនេះហើយកំពុងសម្រាកព្យាបាលនៅក្នុង មន្ទីរពេទ្យខេត្ត ។
លោកយាយរស់នៅក្នុងភូមិគោកបន្ទាយឃុំគោកបន្ទាយ ស្រុករលាប្អៀរ មានមុខរបរធ្វើកន្ត្រងប្រហុក លក់ចិញ្ចឹមជីវិត តែលោក យាយ គ្មានដីធ្លីជាកម្មសិទ្ធិទេ សព្វថ្ងៃសុំដីអ្នកស្រុកក្នុងភូមិសង់កូនខ្ទម រស់នៅជាមួយចៅ ២នាក់ និងកូនស្រីម្នាក់ ដែលមានជំងឺមិនអាចធ្វើការកើត។
លោក ប្រាក់ សោភ័ណ បានអោយដឹងថា៖ អំណោយរបស់សាខាកាកបាទក្រហមខេត្ត កំពង់ឆ្នាំង ដែលបានផ្តល់ជូនលោកយាយ តូច សារ៉ន រួមមានអង្ករ៥០គីឡូក្រាម មី១កេះ, ត្រីខ១០កំប៉ុង,សារ៉ុង១,មុង១,ភួយ១,ក្រមារ១ថវិកា១០ម៉ឺនរៀលនិងលោកស្រីសៅសិនហួយសប្បុរសជននៅទីក្រុងភ្នំពេញ តាមរយៈកញ្ញា ចាន់ម៉ាលី មន្ត្រីកាកបាទក្រហមខេត្ត ថវិកា៤ម៉ឺនរៀលផងដែរ។
លោកយាយ តូច សារ៉ន ព្រមទាំងចៅៗបានថ្លែងអំណរគុណយ៉ាងជ្រាវជ្រៅ ចំពោះសាខាកាកបាទក្រហមខេត្តកំពង់ឆ្នាំង ដែលបានធ្វើអំណោយទានក្នុងគ្រាដ៏លំបាកនេះ ៕ ដោយ រិទ្ធិ ជ័យ
http://ift.tt/1zxpWIo