ស្ត្រីចំណាស់ម្នាក់កូនចៅធ្វើបុណ្យ ហែយកទៅបូជាលើកដាក់ចូលឡ បើកមឈូសមើលមុខជាលើកចុងក្រោយ ស្រាប់តែឃើញរស់ឡើងវិញ
ខេត្តបន្ទាយមានជ័យ៖ ស្ត្រីចំណាស់ម្នាក់ឈឺអស់រយៈពេលជាច្រើនថ្ងៃ ហើយបានសន្លប់ឈឹងគ្មានកម្រើក កូនចៅហើបានយកសពដាក់តម្កល់ក្នុងក្តារមឈូសធ្វើបុណ្យ សាច់ញាតិ អ្នកភូមិ និងលោកតាអាចារ្យទាំងអស់គ្នាគិតថា ស្ត្រីចំណាស់នោះបានស្លាប់បាត់បងជីវិតទៅហើយ។ ក្រោយពីធ្វើបុណ្យជូនគាត់ចប់សព្វគ្រប់បានហែសាកសពទៅវត្តដើម្បីបូជា។ ខណៈពេលហែរ ទៅ ដល់បច្ឆា ហើយហែរបាន៣ជុំ ដាក់មឈូសចូលឡ ចាក់ប្រេងកាតលើអូសហៀបនឹងបូជាទៅហើយ សំណាងល្អ ណាស់ លោកអាចារ្យអោយសាច់ញាតិមើមុខជាលើកចុងក្រោយនៃការបែបគ្នាមិនវិលវិញនោះ ស្រាប់តែគេឃើញស្ត្រីដែលថាស្លាប់នោះ នៅមានដង្ហើម កំរើកដៃជើង បានធ្វើឲ្យភ្ញាក់ផ្អើលឆោឡោឡើង នាំគ្នាលើកគាត់ចេញពីក្តាមឈូសសែងយកមកផ្ទះវិញទាំងសេចក្តីត្រេកអរគ្រប់គ្នា។ ហេតុការណ៍ភ្ញាក់ផ្អើលខាងលើនោះគឺកើតមាន កាលពីរសៀលថ្ងៃទី១១ ខែឧសភា ឆ្នាំ២០១៥ នេះនៅចំណុចក្នុងភូមិ-សង្កាត់ផ្សាកណ្តាល ក្រុងប៉ោយប៉ែត ខេត្តបន្ទាយមានជ័យ ។
តាមការរៀបរាប់របស់ស្ត្រីជាកូនឈ្មោះ ហេង វុធ អាយុ៤០ឆ្នាំបានអោយដឹងនៅរសៀលថ្ងៃទី១២ ខែឧសភា នេះថាពេលកើតហេតុ គឺម្តាយគាត់មានឈ្មោះ ភួង ម៉ន អាយុ៦៦ឆ្នាំ មានកូនប្រុសស្រីចំនួនសរុប៦នាក់ គាត់មានជម្ងឺឈឺធ្ងន់ រហូតដល់សន្លប់ឡែងដឹងខ្លួនសូន្យឈឹង ធ្វើអោយសាច់ញាតិ អស់សង្ឃឺម ហើយចាត់ទុកថាម្តាយរបស់ខ្លួន បានស្លាប់ទៅហើយ។
ស្ត្រីជាកូនបានបន្តឲ្យដឹងទៀតថា៖ មុនពេលកើតហេតុនោះដែរគឺម្តាយគាត់ឈឺធ្ងន់រយៈពេល៣ថ្ងៃ ចាប់ពីថ្ងៃទី៧ ដល់ថ្ងៃទី៩ ខែឧសភា ឆ្នាំ២០១៥ ក្នុងស្ថានភាពលែងដឹងខ្លួន។ កូនចៅ និងអ្នកភូមិនាំគ្នារកក្តារធ្វើមឈូសត្រៀមលើកសាកសពជនរងគ្រោះដាក់ទៅក្នុងតម្កល់ ដើម្បីធ្វើបុណ្យជូនគាត់(ម្តាយ)នៅនឹងផ្ទះតែម្តង។ ស្ត្រីជាកូន នោះបានបញ្ជាក់ទៀតថា ម្តាយរបស់គាត់គឺមានភាពចាស់ជរា ពេលឈម្តងៗគឺគ្មានកូននៅមើលថែទេ ព្រោះកូនគាត់ទាំង៦នាក់នោះបានទៅស៊ីឈ្នួលនៅប្រទេសថៃអស់ទៅហើយ ហើយរូបគាត់ និងម្តាយគាត់ នៅផ្ទះ និងជួយមើលថែទាំចៅៗ ចំនួន៧នាក់ក្នុងបន្ទុកទៀតផង។
កូនចៅលោកយាយ ភួង ម៉ន ដែលសន្លប់ និងបានចាត់ទុកថាស្លាប់នោះ ទាំងអស់បានបញ្ជាក់ រឿងហួសពីការ ស្មាន នេះថា៖ ម្តាយរបស់ពួកគេ សូម្បីតែពួកគេ អ្នកភូមិ និងលោកអចារ្យបានយល់ថាគាត់បានស្លាប់ទៅហើយហើយបានកំណត់វេលាយកទៅគាត់ទៅបូជានៅរសៀលថ្ងៃទី១១ ខែឧសភាឆ្នាំ២០១៥នោះ។ ខណៈពេលហែ ទៅ ដល់បច្ឆា ហើយហែរបាន៣ជុំ ដាក់មឈូសចូលឡ រួចចាក់ប្រេងកាតលើអូសហៀបនឹងបូជាទៅហើយ សំណាងល្អ ណាស់ដែលលោកអាចារ្យអោយសាច់ញាតិមើមុខនៅលើកចុងក្រោយនៃការបែបគ្នាមិនវិលវិញនោះ ស្រាប់តែគេឃើញស្ត្រីដែលថាស្លាប់នោះ នៅមានដង្ហើម ហើយសាច់មានឈាមវិញ ហើយមានកំដៅដូចមនុស្សធម្មតា ធ្វើឲ្យភ្ញាក់ផ្អើលឆោឡោឡើង នាំគ្នាលើកគាត់ចេញពីក្តាមឈូសសង្ក្រោះជីវិតចេញពីមាត់ទ្វារមរណៈទាំងសេចក្តីត្រេកអរគ្រប់គ្នា។ លុះមកដល់នេះថ្ងៃទី១២ ខែឧសភា ឆ្នាំ២០១៥នេះ ស្ត្រីចំណាស់ដែលស្លាប់ហើយរស់ឡើងវិញនោះ មានអាការៈធម្មតាឡើងវិញ និងបានទទួលទានអាហារធម្មតា និងនិយាយបាន ដោយកូនគាត់បាននាំគាត់ទៅសម្រាកព្យាបាលជម្ងឺនៅមន្ទីរពេទ្យ៕ ដោយ យីហាំង
http://ift.tt/1FkDHwh
