រថយន្តបែន បុកម៉ូតូឆ្លងផ្លូវ មនុស្ស៣នាក់របួសធ្ន់ស្រាលជាប់ក្រោមរថយន្តជាមួយម៉ូតូ
ខេត្តកំពង់ឆ្នាំង៖ យុវជនសិស្សសាលា៣នាក់ របួសធ្ងន់ស្រាល ម៉ូតូកៀបជាប់ នៅក្រោមរថយន្ត ខណៈដែលពួកគេជិះម៉ូតូឆ្លងផ្លូវបែកជា៤ ត្រូវរថយន្តបែនបុក អូសជិត១០ម៉ែត្រ។ ហេតុការណ៍នេះបានកើតឡើងវរលាម៉ោង២ និង៤០នាទីរសៀលថ្ងៃទី១២ ខែឧសភា ឆ្នាំ២០១៥ នៅលើផ្លូវកៅស៊ូក្នុងភូមិម៉ុងបារាំង សង្កាត់ប្អេរ ក្រុងកំពង់ឆ្នាំង។
ប្រជាពលរដ្ឋឃើញហេតុការណ៍នេះនៅកន្លែងកើតហេតុបានអោយដឹងថា៖ មុនពេល កើត ហេតុយុវជនទាំង៣នាក់បានជិះម៉ូតូ១គ្រឿង ម៉ាកហុងដាឌ្រីមពណ៌ខ្មៅ ពាក់ស្លាកលេខភ្នំពេញ 1AN-8219 ពីជើងទៅត្បូងឆ្លងផ្លូវបែកជា៤ ពេលនោះរថយន្តបែន ម៉ាកហ៊ី យ៉ាន ដាយពាក់ផ្លាកលេខ កំពង់ឆ្នាំង 3A-0094 ពណ៌ខៀវ បានបើកពីកើតមកលិច បុកអូសម៉ូតូ និងមនុស្សអូសពីក្រោមរថយន្តជិត១០ម៉ែត្រទើបអស់ល្បឿន ផ្ទប់និងជញ្ជាំងរបងផ្ទះប្រជាពលរដ្ឋ បណ្តាលអោយយុវជន២នាក់របួសស្រាល និងម្នាក់របួសធ្ងន់។
ក្រោយពេលកើតហេតុអ្នកបើកបររថយន្តបានចុះរត់គេចខ្លួនបាត់ ចំណែកជនរង គ្រោះ ទាំង ៣នាក់ត្រូវបានអ្នកស្រុកជួយអូសចេញពីក្រោមរថយន្ត ១ឈ្មោះ សេង វិរៈ អាយុ១៨ឆ្នាំ ភេទប្រុស អ្នកបើកម៉ូតូរបួសបាក់កជើងឆ្វេង ២ឈ្មោះ ម៉ែន សុខ ហេង អាយុ១៨ឆ្នាំ ភេទប្រុស របួសស្រាល ៣ឈ្មោះ ស៊ុន ចាន់ អាយុ១៩ឆ្នាំ ភេទប្រុស របួសធ្ងន់ធ្ងរមិនដឹងខ្លួន ពួកគេរស់នៅភូមិកណ្តាល សង្កាត់ផ្សារឆ្នាំង ក្រុងកំពង់ឆ្នាំង ត្រូវរថយន្តមន្ទីរពេទ្យដឹកយកទៅសង្គ្រោះនៅក្នុងមន្ទីរពេទ្យខេត្ត។
រថយន្ត និងម៉ូតូខូចធ្ងន់ត្រូវបានសមត្ថកិច្ចអូស យកទៅរក្សាទុកនៅក្នុងអធិការដ្ឋាន នគរ បាលក្រុងកំពង់ឆ្នាំងកាសងសំណុំរឿងតាមផ្លូវច្បាប់៕ ដោយ រិទ្ធិ ជ័យ
http://ift.tt/1IB8T9U
