យុវជនជាមុខសញ្ញាជួញដូរ និងប្រើប្រាស់គ្រឿងញៀនចំនួន៧នាក់ សមត្ថកិច្ចចាប់ខ្លួនបញ្ជូនឡើងតុលាការ
ខេត្តក្រចេះ ៖ មន្ត្រីនគរបាល នៃអធិការរដ្ឋាននគបាលក្រុងក្រចេះ បានធ្វើការឃាត់ខ្លួនជនសង្ស័យប្រុសស្រីចំនួន០៧នាក់ នៅទីតាំងពីផ្សេងគ្នាស្ថិតក្នុងក្រុងក្រចេះ កាលពីរសៀលថ្ងៃម្សិលម៉ិញ ព្រមទាំងដកហូតបានថ្នាំញៀនចំនួន៣កញ្ជាប់ រួមនិងសម្ភារៈមួយចំនួនទៀត ។
នៅក្នុងប្រតិបត្តិការបង្ក្រាបក្នុងករណីជួញដូរគ្រឿងញៀនខាងលើនេះ លោក ហាក់ ហ៊ាន់ ព្រះរាជអាជ្ញារងអមសាលាដំបូងខេត្ត បានដឹកនាំកម្លាំង សមត្ថកិច្ច ឆ្មក់ទៅដល់ទីតាំងចំនួន២កន្លែងផ្សេងគ្នានៅចំណុចផ្ទះលក់អីវ៉ាន់មួយកន្លែងស្ថិតក្នុងភូមិដូនជ្រាំ សង្កាត់ក្រចេះ និងមួយកន្លែងទៀតនៅចំណុចក្រោយបន្ទាយយោធាវរសេតូចលេខ២ ស្ថិតក្នុងភូមិស្រែស្តៅ សង្កាត់អូរឫស្សី ក្រុងក្រចេះ ។
លោក អនុសេនីយ៍ឯក ស៊ាង សុភក្រ័ អធិការរងផ្នែកព្រហ្មប្រទណ្ឌ បានអោយដឹងថាបន្ទាប់ពីសមត្ថកិច្ចធ្វើការកំណាត់មុខសញ្ញាបានលើទីតាំងខាងលើនៅចំណុចភូមិដូនជ្រាំ កម្លាំងរបស់លោក បានឆ្មក់ទៅចូល ឈានដល់កាចាប់ខ្លួនមនុស្សចំនួន៥នាក់ និងធ្វើកាឆែកឆេររកឃើញវត្ថុតាំងមានគ្រឿងញៀនចំនួន២កញ្ជាប់និងសម្ភារៈមួយចំនួន ។ លោកបានបន្តថា ជនសង្ស័យទាំង៥នាក់នោះ បានសាភាពពីបក្ខពួករបស់ពួកគេ ហើយសមត្ថកិច្ចឈានទៅបង្ក្រាបទីតាំងមួយផ្សេងទៀតនៅភូមិស្រែស្តៅធ្វើការឃាត់បក្ខពួករបស់គេចំនួន២នាក់ផ្សេងទៀត ដោយឆែកឃើញថ្នាំញៀន រួមនិង សម្ភារៈ មួយចំនួនទៀតផងដែរ។
លោក អនុសេនីយ៍ឯក ស៊ាង សុភ័ក្រ បានបន្តឲ្យដឹងថា ទាំង៧នាក់មានឈ្មោះទី១ ខេ សុបញ្ញារ័ត្ន ភេទប្រុស អាយុ២៩ឆ្នាំ រស់នៅភូមិដូនជ្រាំ សង្កាត់ក្រចេះ, ទី ឈ្មោះទូច ឧត្តម ភេទប្រុស អាយុ២៩ឆ្នាំ នៅភូមិត្រពាំងព្រីង សង្កាត់ក្រចេះ, ទី៣ឈ្មោះ វង់ គឹម លន់ ភេទប្រុស អាយុ២៩ឆ្នាំ នៅភូមិចុងកោះ សង្កាត់កោះទ្រង់, ទី៤ឈ្មោះ ជុំ រស្មី ភេទស្រី អាយុ២១ឆ្នាំ នៅភូមិស្រែស្តៅ សង្កាត់អូរឫស្សី, ទី៥ឈ្មោះ ទិន ស្រីតី ភេទស្រី អាយុ២៣ឆ្នាំនៅភូមិ ជាប្រពន្ធរបស់ ខេ សុបញ្ញារ័ត្ន ជាម្ចាស់ផ្ទះ, ទី៦ឈ្មោះ លី វីល័ក្ខ ភេទប្រុស អាយុ២៩ឆ្នាំរស់ ភូមិព្រែកគ្រៀង ស្រុកសំបូរ និងទី៧ឈ្មោះ មាស ថៃអ៊ាង ភេទប្រុស២១ឆ្នាំ នៅសង្កាត់រការកណ្តាល ក្រុងក្រចេះ ។
ជនសង្ស័យទាំង៧នាក់ខាងលើនេះ ត្រូវសមត្ថកិច្ចជំនាញធ្វើតេស្តកាលពីព្រឹកថ្ងៃទី៤នេះ ដោយរកឃើញនូវសាធាតុញៀន ជាប្រភេទម្សៅក្រាមពណ៌សរ ទាំងបីកញ្ជាប់រួម និងសម្ភារៈ វត្ថតាំងផ្សេងៗទៀតត្រូវបានមន្ត្រីជំនាញអធិការដ្ឋាននគបាលក្រុងក្រចេះកសាងសំណុំត្រៀមបញ្ជូនខ្លួនទៅកាន់សាលាដំបូងនៅថ្ងៃទី៥ស្អែកនេះ ដើម្បីចាត់កាបន្តទៅតាមនិតិវិធីច្បាប់៕ ដោយ ព្រះច័ន្ទ
http://ift.tt/1JM9xmF
