សមត្ថកិច្ចឃាត់ខ្លួនជនសង្ស័យម្នាក់រួមជាមួយកញ្ឆា៦គីឡូក្រាមនៅខេត្តព្រះសីហនុ
ខេត្តព្រះសីហនុ៖ យុវជនម្នាក់ជាប់ពាក់ព័ន្ធទៅនឹងករណីចែកចាយ រក្សាទុក នៅរុក្ខជាតិញៀន(កញ្ឆាក្រៀម) ត្រូវបានកម្លាំងនគរបាលជំនាញការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តព្រះសីហនុ ធ្វើការឃាត់ខ្លួន កាលពីថ្ងៃទី១១ ខែឧសភា ឆ្នាំ២០១៥ វេលាម៉ោង២១និង១០នាទី នៅចំនុចភូមិ២ សង្កាត់លេខ៤ ក្រុងព្រះសីហនុ។
តាមប្រភពពីលោកវរសេនីយ៍ទោ តាក សារិទ្ធ នាយការិយាល័យប្រឆាំងបទល្មើសគ្រឿងញៀន បានបញ្ជាក់អោយដឹងថា ក្រោយពីធ្វើការស៊ើបអង្កេត និង តាមដានជាច្រើនថ្ងៃរួចមក នៅយប់ថ្ងៃទី១១ ខែឧសភា ឆ្នាំ២០១៥ វេលាម៉ោង២១ និង១០នាទី កម្លាំងជំនាញរបស់លោកបានឆ្មក់ចូលទីតាំងរបស់ជនសង្ស័យ ធ្វើការឆែកឆេរ ដោយរកឃើញ និង ដកហូតនូវកញ្ឆាក្រៀមចំនួន២ថង់ធំ ស្មើរនឹង៦គីឡូក្រាម ម៉ូតូចំនួន០១គ្រឿង ទូរស័ព្ទដៃ០១គ្រឿង ការបូបដៃចំនួន០១ ប្រាក់៥០ដុល្លារ ប្រាក់រៀល៩៥០០០រៀល។
ក្រោយចាប់ខ្លួន ជនសង្ស័យត្រូវបានសមត្ថកិច្ចបញ្ជូនខ្លួនមកកា់ស្នងការដ្ឋាននគរបាលខេត្ត ដើម្បីសាកសួរ នឹងកសាងសំណុំរឿងបញ្ជូនទៅកាន់សាលាដំបូងខេត្ត ចាត់ការតាមនិតិវិធីច្បាប់៕ ដោយ សមុទ្រខៀវ
http://ift.tt/1cCxcrN