អា«ព្រូស» បើកជែងគេមិនផុត គេចផ្លាញទៅឆ្វេងដៃ ក្រឡាប់ធ្លាក់ស្រែ ដូចគេថតកុន មនុស្ស៣នាក់ម្តាយ និងកូនជិក្នុងរថយន្តរងរបួសស្រាល
ខេត្តកំពង់ឆ្នាំង៖ មនុស្ស៣នាក់ម្តាយ និងកូនជិះក្នុងរថយន្ត បានរងរបួសស្រាល បន្ទាប់ពីរថយន្តរបស់ខ្លួនម៉ាកតូយូតា «ព្រូស» បើកជែងគេមិនផុតបានរេធ្លាក់ផ្លូវក្រឡាប់ធ្លាក់ស្រែជាច្រើនត្រឡប់ដូចឈុតក្នុងរឿងកុនយ៉ាងជក់ភ្មែក។ ហេតុការណ៍នេះបានកើតឡើងនៅវេលាម៉ោង ៣និង៤៥នាទី រសៀល ថ្ងៃទី១១ខែឧសភា ឆ្នាំ ២០១៥ លើកំណាត់ផ្លូវជាតិលេខ៥ ក្នុងចន្លោះគីឡូម៉ែត្រលេខ ៩៨ និង លេខ៩៩ ស្ថិតក្នុង ភូមិចិន ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង។
សមត្ថកិច្ចនគរបាល ស្រុករលាប្អៀរបាននិយាយថា៖ រថយន្តម៉ាក តូយូតា ព្រូស ខាងលើពណ៌ទឹក ប្រាក់ ពាក់ស្លាកលេខ ភ្នំពេញ 2AD-0086 មានមនុស្សជិះ៣នាក់ ទាំងអ្នកបើកបរ ប៉ុន្តែអ្នកបើកបរមិនព្រម ប្រាប់ពីអតសញ្ញាណទេ គ្រាន់តែប្រាប់ថា៖ ពួកគាត់មានទីលំនៅឃុំស្យា ស្រុកកណ្តៀង ខេត្តពោធិសាត់ ធ្វើដំណើរទៅភ្នំពេញ ។
បើតាមស្ត្រីជាម្តាយអង្គុយក្បែរកូនប្រុសជាអ្នកបើកបរ បាននិយាយថា៖ ពេលបើកមកដល់ចំណុចខាងលើ កូនប្រុសគាត់បានបើកវ៉ារថយន្តមួយគ្រឿងតែពេលវ៉ានោះបានជួបឧបសគ្គគឺមានរថយន្តក្រុងមួយគ្រឿងទៀតមកពីខាងមុខ កូនគាត់បានបួងចង្កូតមកឆ្វេងដៃ បណ្តាលអោយធ្លាក់ថ្នល់ជាតិទៅបុកនឹងដង្គត់ឈើរួចក្រឡាប់ជាច្រើនជុំតែម្តង សំណាងល្អគាត់ និងកូន២នាក់គ្រាន់តែរងរបួសស្រាលប៉ុណ្ណោះ ។ រថយន្តខាងលើត្រូវបានម្ចាស់រថយន្តរករថយន្តស្ទូច មកស្ទូចយកទៅជួសជុលដោយខ្លួនឯង ដសមត្ថកិច្ចនគរបាលមិនឃាត់រថយន្តនោះឡើយ ។
សមត្ថកិច្ចនគរបាលបានសន្និដ្ឋានថា៖ នេះជាការធ្វេសប្រហែសរបស់អ្នកបើកបរ ដែលប្រឹងបើកជែងកំពុងស្ថិតក្នុងស្ថានភាពគ្រោះថ្នាក់ តែចាត់ទុកថាជាសំណាងខ្ពស់ហើយមិបប៉ះពាល់ដល់ជីវិត៕ ដោយ រិទ្ធិ ជ័យ
http://ift.tt/1Pls2SR